1 Akorinto 13:9 - Mawu a Mulluku

⁹ Vawi odduwella wahu ni onamallotella wahu khaddinakwakhwanella.

1 Akorinto 13:9 ပူးပေါင်းရင်းမြစ်များ

1 Akorinto 13:12

Vano khaninoona phaama ddeko dda Mulluku wonanko muthu aawiiweheraka ekhove vanigalasini nohooniha phaama. Koma vahoollomvo nineerewoona vamiitthoni ni vamiitthoni. Vano kinadduwelleemi tti ddoohikwakhwanella koma muhoollommo ddineerokwakhwanella wonanko mmo Mulluku anakidduwellelleeye phaama.

1 Akorinto 8:2

Ayo eneesa wi ennadduwella ddeko, khenadduwelle nnddo yaphwanelliiwa odduwella.

1 Akorinto 2:9

Nave mawu a Mulluku enallota wi, “Eyo muthu ahoonilleeye apaalle wiiwa, eyo muthu ahiganizereeye wi ttuuweereya, tti yeeyo Mulluku aakhozereeye ayo enamukonda.”

Masalimo 139:6

Ezeru ddenndda tti ddookittikhiniha, tti ddoowallamella, ngiwora oddiphiyera.

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Miyambo 30:4

Ttaani awenlle oddullu akitthawo? Ttaani akhunalleke ephevo? Ttaani amakilleke maaddi vakuwoni? Ttaani akeraatthihalle makomihello a ellapo yavatthi? Nnddina naye ttaani? Munnadduwella, mwanaye nnddina naye ttaani?

Masalimo 40:5

Nyu Apwiya Mullukwaaka, mooweerella ddoottikhiniha anchichi, moonikhonzera ddoolinga ddaphaama. Khaavo naari mmodda anaphwanaphwana ni nyuwaano. Keehina killota nave kitthopoolle dda ddenndda, ngiwora weerenga ddittheddene ekaamba ya waata wiiwa.

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

Aroma 11:34

Mawu a Mulluku enallota wi, “Ethiyo anadduwella maganizo a Apwiya ttaani? Ethiyo ttaani anaawore omulangiza?

Yobu 26:14

Nndda tti ddooyevave dda ettilla ddaye, ninniiwa vang'ono dda olliye moonong'ona. Vano ttaani aniiwesese dda ogugudeya wa masivaaye?”

1 Akorinto 13:10

Koma ddookwakhwanella ddaphiya, vano ddoohikwakhwanellannddo ddineeromalla.