1 Akorinto 13:7 - Mawu a Mulluku

⁷ Echikondi ennamaalleya mu ddeko ddittheddene, ennakhulupilila ddeko ddittheddene, ennatiyera mu ddeko ddittheddene, ennavillella mu ddeko ddittheddene.

1 Akorinto 13:7 ပူးပေါင်းရင်းမြစ်များ

1 Petro 4:8

Yuullupalli ya yeella tti ya wi mukondaneke mmodda ni mukhwaaye mwawoona kaambiiwa echikondi sika enavuhellella machimo.

1 Akorinto 13:4

Echikondi enniithaalla nave ennareera murima. Echikondi khenaakhallella ehache athu amodda apaalle wiitukhulla apaalle okota.

2 Timoteo 2:24

Nave oorumeyella a Apwiya ahikhalleke ookangana ni athu koma akhalleke ooreera murima wa athu attheene, oodduwella ohuddiha, oovillella,

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.

Miyambo 10:12

Wiitana onnaambiha okangana koma echikondi ennavuhellella ddoolakwa ddittheddene.

1 Akorinto 9:12

Nave amodda yaphwanella waakhella ddenndda ovenyera wa nyuwaano, hiyaano khaninaphwanella wunchichi waakhella ddenndda? Hiyaano khanipharihalle mutteko yoophwanella yeella koma noovillella erive ello wi nihisellihe othenga waphaama wa Khrisitu.

Agalatiya 6:2

Mukaviheraneke oreya ddookatamiha dda mmodda ni mukhwaaye nave mu ettilla yeella muneerewooniha wi munnamwiiwellella Khrisitu.

2 Timoteo 4:5

Nave weyaano awiithaalla mu ddittheddene, ovillelleke ddoohoosa, ophareke mutteko woollalleya othenga waphaama nave okwakhwanihe orumeyella wawo.

Yakobo 1:12

Oodalisiwa tti yaayo enavillella vaweesiwani kaambiiwa yapambana weesiwanko, eneerewaakhella emphaso yookumi eyo Mulluku alonjezilleeye wa athu oomukonda.

Masalimo 119:66

Kivaheni ezeru ni wiiwesesa kaambiiwa kinnakhulupilila malamulwaanyu.

2 Atesalonika 1:4

Ella sika ekaambiiwa hiyaano ninalloteehu ddawuukotellani mu mipingo dda Mulluku. Ninnallota dda mmo munavillelleenyu ni okhulupilila naari mukatamihiwaka navettho muhoosiwaka.

2 Timoteo 3:11

ddoohoosa ddaka ni ddookatamiha ddaka. Onnadduwella wi ddittheddenenndda ddaakeereyella o Antiyokeya,* o Ikonio ni o Listara. Kaavillella ddoohoosa nave Apwiya sika yakaakihalle miyaano.

Aroma 15:1

Hiyaano niri ni echikhulupililo yoollipa ninaphwanella wi naakhurumuwelle oofooka mu echikhulupililo nave woohikhalla wiihakallalliha weekhiihu.

Mateyu 10:22

Athu attheene eneerowiitani kaambiiwa nyuwaano tti oohudderaaka. Koma oyo anaavillelle ophiya o mamallihello, aneerovulluwa.

Aheberi 13:13

Hankoni vano niye wa olliye otte wi navevulliwekena nimodda.

Aroma 8:24

Naavullusiwehu naakhalla ni otiyerella. Vano noona eyo ninatiyerelleehu, kohiyottho ootiyerella. Vano ttaani mwa hiyaano anatiyera eyo anooneeye?

Yobu 13:15

Naari akiiphe, kineromuroromellave, kinerotthopoolla mullatwaaka vamiitthoni vaye,

Genesis 29:20

Sika Yakobo aaphara mutteko miyakha mitthanu ni miilli wi amutthelle Rakele nave enthawi yeeyo yooneyille wonanko mallapo ooyeva, ekaamba yawi aamukonda wunchichi mutthiyanooyo.

Deuteronomo 1:9

Mose aallotattho ni athu wi, “Ngiwora okhallana meekha odindo wawuuhoollellani.

Mariko 9:23

Yesu aallota wi, “Kaaworaka? Ddittheddene ddinaworeya ni oyo ari ni echikhulupililo.”

Deuteronomo 22:27

Mullopwanooyo amupharelle namwallooyo ohakani nave naari akhuwalle khevaari oomwaakihera.