1 Akorinto 13:6 - Mawu a Mulluku

⁶ Echikondi khenahakallalla ni onanara murima koma enahakallalla ni ddawoona.

1 Akorinto 13:6 ပူးပေါင်းရင်းမြစ်များ

Aroma 12:9

Echikondi ehikhalleke yawoottha. Mwiiteke yoonanara nave muhihiyeke yaphaama.

2 Yohane 1:4

Kaahakallalla ni murimaaka muttheene wi kahaaphwanya amodda mwa aniinyu ekhallaka mu yawoona, wonanko mmo Attiitthiihu yaanilamulelliiwa.

Aroma 1:32

Naari edduwellaka wi malamulo a Mulluku enallota wi athu ookhalla mwawi ddiidda enaphwanella okhwa, enneerave ddenndda nave ennahakallalla athu amodda yaaweerakattho ddenndda.

2 Atesalonika 2:12

Voomallihella, attheene oohikhulupilila yawoona, ookonda ddoonanara, aneerollakiwa.

Hoseya 4:8

Ennaphwanyavo eyuuma yinchichi va ochimwa wa athwaaka nave ennapaalla wi athu echimwekeve.

Miyambo 14:9

Athu ookarangeya khenapwatha yachimwa koma athu oolungama ennaashaasha okhululukelliwa.

Mika 7:8

We mudanaaka, ohikittheye vawi naari kiikuhalle kineerovenyattho. Naari kiri mwiipiphini, Apwiya sika enaakhalle omolleella waka.

Yeremiya 13:17

Koma mwaahiiwellella, kineerewinlla m'murimanimurimani ekaamba ya wiitukhulla wanyu. M'mwiitthoni mwaka muneeroddalla miitthori ddoovoreya ekaamba yawi enkhosa dda Apwiya ddineerophariwa okaporo.

Afilipi 3:18

Kahuulleellani yeella khalle enthawi ddinchichi, vano kinnuulluulla yeella moowinlla. Athu anchichi enakhalla wonanko adani a okhwa wa Khrisitu vamutandani.

Afilipi 1:18

Khaddinna mutteko ddennddo! Kinnahakallalla wi Khrisitu annallalleyiwa mu ettilla ddoohiyanahiyana naari mwawoona apaalle mwawoottha. Nave kineerovirellella ohakallalla,

Afilipi 1:4

Nave enthawi ddittheddene kaawuuvekellakani, kinavekella moohakallalla,

Luka 22:5

Yaahakallallana, yiiwanana omuvaha makobiri.

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.

Masalimo 119:136

Miitthwaaka ennetellella miitthori wonanko muhinje, kaambiiwa athu khenathwara malamulwaanyu.

Masalimo 10:3

Muthu oonanara anniitukhulla ni ddoopaalla ddaye, oottutthuwa ennaatembelela ni waakhoota Apwiya.

Eksodo 18:9

Yetero aahakallalla wunchichi ni mitteko ddaphaama nnddo Apwiya yaweerelliiwa Aisraele vawaavullusani wa Aiguputo.

Hoseya 7:3

Apwiya enallota wi, “Athu ennamukopa mwene ni mitteko ddiwa ddoonanara nave ennaddilleka enduna ddaye ni ddawoottha ddiwa.

Mateyu 18:13

Nave ayiphwanya, ddawoona, kinimuulleellani wi yooyo annahakallallella enkhosa yeeyo ohiyana ni 99 ddoohihollowanndde.