1 Akorinto 13:5 - Mawu a Mulluku

⁵ Echikondi khenakhalla ni makhallello oonanara apaalle kheniikonda apaalle khenasha murima mwawaakuva, echikondi khenasungella mangawa a athu amodda,

1 Akorinto 13:5 ပူးပေါင်းရင်းမြစ်များ

1 Akorinto 10:24

Ahikhallevo mmodda a nyuwaano aneereke ddoomuddivella yeekha koma ddawaaddivella amodda.

Yakobo 1:19

Upuwellani nndda, asinnaka ni arokoraka ookondiwa. Arive muthu akhalle awaakuva wiiwa, awiithaallella ollota nave oohaakuva osha murima.

Afilipi 2:21

Amoddaayo attheene enallipihella ddeko ddawaaddivella weekhiiwa ohiri ddeko dda Yesu Khrisitu.

Afilipi 4:8

Asinnaka ni arokoraka, voomallihella muhiyeke murimaanyu va erive ello eri yaphaama ni yoolemu. Sika ddeko ddawoona, ddoovahiwana olemu, ddaweella, ddooreera ni ddookondiwa.

Agalatiya 5:13

Nave nyuwaano, asinnaka ni arokoraka, muhaakhullelle wi ottaphulliwa wonngu okhalle ekari yawi mulamuliweke ni ddoopaalla dda mwiillaanyu. Nave mukhalle oorumeyellana mmodda ni mukhwaaye mu echikondi.

1 Akorinto 12:25

Sika vihikhalle okawaneya m'mwiillini koma eziwalo ddittheddene ddiphwanaphwaneke moopwathana emodda ni ekhwaaye.

2 Akorinto 5:19

Sika Mulluku ahaattana ni ellapo yavatthi ettheene oweella mwa Khrisitu nave khaawerengelle machimwiiwa. Nave aaniinya othenga wawi nikhalleke mwawaattana wi niwullalleye.

1 Akorinto 10:33

Erani wonanko mmo kineerelleemi. Kinneesa omuhakallalliha arive muthu mu ddittheddene kineereemi, ohiri ddookiddivella meekhaaka koma ddawaaddivella attheene wi yavullusiwe.

1 Akorinto 11:18

Vawaamba, koolleelliwa wi vookhalla okawaneya mumpingoni mwanyu mwaatthukumanaka nave vang'onove kinnoona wi tti ddawoona.

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Luka 7:39

Vano Mufarisi amwiithanne Yesoolle oonilleeye ddenndda, aallota yeekha wi, “Muthu yoolla akhanllenke namallotella awoona, aaweromudduwella mutthiyana anamuttannyoolla wi ttaani vawi tti oochimwa.”

Mariko 3:5

Yesu ahaaweha moonanariwa komattho ahaamoriwella ethakaraka kaambiiwa yaari athu awumma murima. Vano aallota wa muthu a nnatta noorakalloolle wi, “Okolla nnatta nawo.” Ahookolla nave naachirihiwa.

2 Atesalonika 3:7

Nyuwaano munnadduwella phaama ddene wi munnaphwanella onittakiha. Hiyaano khanaarina olesi nakhalleehu ni nyuwaano.

1 Akorinto 7:36

Wa athu a va echitomelo koma ayo yaganizalle wi ehitthellane kinallota ddawi, mullopwana aaganizaka wi khokhalla waphaama wa mwaariye nave akhalla ni minkhella ddinchichi, vano ttuutthellana. Vawi yeera ddenndda khechimwalle.

Mateyu 9:4

Koma Yesu aadduwella maganizwiiwa sika ahaakoha wi, “Kaambiiwa tini munaganizeenyu ddeko ddoonanarannddo?

Yesaya 3:5

Athu eneerekohoosana, arive muthu omuhoosa mukhwaaye. Asombwe eneerekoweerella epewe attekweene nave athu shisha eneerekewaavevulla oophwanella ovahiwa olemu.

2 Samuele 10:3

Koma enduna dda Aamoni ddaallota wa Hanuni pwiyiiwooyo wi, “Ethiyo munaganiza wi Davide uurumihelleeyeni athu wi yuukhurumuseni murima vawaavahani olemu attiitthaanyu? Woohikhalla wi Davide aarumihalle oorumeyellaayaayo wa nyuwaano wi yaashaashe ni azonda muzindoolla nave vatulli viwa ewoononge?”

2 Timoteo 2:10

sika kinnavillella ddittheddene ekaamba ya athu ootthoolliwa a Mulluku wi naalliwattho yaphwanye ovullusiwa onaweella mwa Khrisitu Yesu vamodda ni waakhella ntitimiho naye noohimalla.

Yeremiya 11:19

Kaari wonanko mwaanaankhosa oomaalleya oyo anakuselliwa wawiiphiwa. Ngaadduwenlle wi yakipanganella miyaano yallotiiwa wi, “Hankoni niwuuhe muteekhoolla ori ni okumi ddiidda. Hankoni nimwiiphe muthu yoolla wi ahuupuwelleyettho.”

Miyambo 14:17

Muthu oosha murima mwawaakuva anneera ddeko mookarangeya nave oonanara anniitiwa.

Yobu 21:27

Kinnadduwella maganizwaanyu navettho dda echiwembu munapaalleenyu okeerella.

Numeri 16:15

Vano Mose aasha murima wunchichi nave ahaalleella Apwiya wi, “Muhinaakhella mikutho dda athu yaalla. Ngiwaakhille naari bulu mmodda nave ngimulakwenlle naari mmodda a alliwaayo.”

Numeri 12:3

Mose aari awiiyeviha omukhwaranya arive muthu va ellapo yavatthi.

2 Timoteo 4:16

Vawiitetezani va mullatwaaka enthawi yawaamba, khaavo naari mmodda aakikavihenre, attheene yaakihiya meekhaaka. Mulluku aakhululukelle!

Numeri 32:6

Koma Mose ahaakoha Agadi ni Arubeni wi, “Ethiyo munapaalla wi abalaanyu yawaneke ekhoto nyuwaano murimoona okeraatthi wuno?