1 Akorinto 13:2 - Mawu a Mulluku

² Naari kirina emphaso ya onamallotella naari kidduwellaka ddittheddene ni wiiwesesa ddoovittheya ddittheddene; naari kirina echikhulupililo yuullupalli yoowora osusa miyaango koma kaahikhalla ni echikondi, nginna mutteko.

1 Akorinto 13:2 ပူးပေါင်းရင်းမြစ်များ

1 Yohane 4:8

Oyo ahinakonda khanamudduwella Mulluku vawi Mulluku sika echikondi.

1 Akorinto 13:3

Naari kikaweke ddeko ddaka ddittheddene nave naari kivelleelle mwiillaaka wi woosiwe, koma kaahikhalla ni echikondi yaakayaaka khekhallavo.

Mateyu 17:20

Yesu ahaakhulla wi, “Tti ekaamba yawi echikhulupilwaanyu tti yooyeva. Ddawoona, kinimuulleellani wi mwakhalla ni echikhulupililo yooyeva wonanko mmiddo wa masitadi, ttuuwora ollota wa mwaango wi, ‘Susavo mva oye valle!’ Mwaangooyo oneerosusa. Kheyiivo enaalepheliwe weeriwa ni nyuwaano.”

1 Akorinto 16:22

Oyo ahinaakonda Apwiya akhalle ootembeleliwa. Apwiihu waani!

Mateyu 21:21

Yesu ahaakhulla wi, “Ddawoona, kinimuulleellani wi mwakhalla ni echikhulupililo ni oohikayika, khamweera yeellave kenreemi va muteekho wanamukuyoolla koma naari ollota wa mwaangoolla wi, ‘Venya wiivokhelle weekha mu enyanja,’ eneereweereya.

Aefeso 3:4

nave mweerenga nnddo kilembelleemi, muneerodduwella dda wiiwesesa waka wa yoovittheya ya Khrisitu.

1 Akorinto 13:1

Naari killotaka ellotello dda athu ni dda angelo koma kaahikhalla ni echikondi, ollota waka onakhalla wonanko mukoko wawoopiwa apaalle belo awoopiwa.

Agalatiya 5:16

Eyo kinalloteemi tti yawi muhiye wi Munepa Aweella ahoollelleke okumaanyu. Mweeddiiddo khamukwakhwanihaka minkhella dda omuthu.

Akolose 1:26

yeeyo tti yookhuweya ahimulleelleeye arive muthu khalle koma vano ohuupullulla wa athwaaye.

Agalatiya 6:3

Vawi mmodda aaganizaka wi olliye tti oopaalleya koma ahiri oopaalleya, aniilleka yeekhaaye.

Agalatiya 5:22

Nave echipaso ya Munepa tti echikondi, ohakallalla, murendelle, ovillella, ethakaraka, oreera murima, okhulupilila,

1 Akorinto 12:28

Mumpingoni, Mulluku ahaatthoolla vawaamba amurummwa, aneepiilli anamallotella, aneeraru ahuddihi, oothwarellella, athu aweera ddoottikhiniha, oothwarellellattho, athu oovahiwa masiva oochiriha apaalle okavihera amodda apaalle waahoollella apaalle ollota ellotello ddoohidduwanyeya.

1 Akorinto 7:19

Vawi ophaddiwa naari ohiphaddiwa, khonna mutteko; enapaalleya tti othwara malamulo a Mulluku.

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

Aefeso 6:19

Nave mukivekellellekettho miyaano wi Mulluku akivahe othenga kaallalleyaka wi killoteke moollipa murima nave wi yookhuweya ya othenga waphaama edduwelliwe.

1 Akorinto 4:1

Vano athu enaphwanella eneereke hiyaano oorumeyella a Khrisitu oopwatha ddookhuweya ddoovenyera wa Mulluku.

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

Aroma 11:25

Asinnaka ni arokoraka, vookhalla yookhuweya eyo kinapaalleemi wi mudduwelle vawi muneeseke wi nyuwaano tti eezeru. Aisraele amodda yahummiha murima. Nave enaakhalleve ddiiddo ophiyera echiwerengero ya athu ayo ehiri Aisraele oowa wa Mulluku ekwakhwanne.

Mateyu 21:19

Ahoona muteekho wanamukuyu mukhwipi mwa musewu aya vaavo koma khaaphwanyillevo ezipaso koma makukhuve. Vano aallota wa muteekhooyo wi, “Khawimmattho ezipaso mallapo mattheene!” Enthawi yeeyo muteekho wanamukuyooyo wahumma.

Mateyu 13:11

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo khonavahiwe.

2 Akorinto 12:11

Kineera wonanko ookarangeya koma tti nyuwaano mwakiwatihenre. Nyuwaano sika muphwanenlle okitetheella. Vawi naari kiri oohikhalla ni mutteko, amurummwaanyu uullupallaalle khenakikhwaranya miyaano.

1 Akorinto 14:39

Sika vano, asinnaka ni arokoraka, murimaanyu okhalleke va ollotella nave muhaahiihe ollota mu ellotello ddoohidduwanyeya.

1 Akorinto 8:4

Sika vano kinuulleellani dda ocha ddoocha ddooheraatthiwa mukutho wa mafano. Ninnadduwella wi nifano khe ello eyo eri ni okumi; ninnadduwella wi Mulluku tti mmoddave.

Mitteko 13:1

Mumpingoni wa Antiyokeya* waakhalla anamallotella ni ahuddihi alla: Baranaba, Simiyoni (ooromolliwa Ooripa), Lusiyo (oovenyera o Kurene), Manaene (oyo unnuwelle nimodda ni Herode)* ni Saulo.

Aroma 15:14

Akhwaakanyu, miyaano kinnasimikiza wi nyuwaano tti aphaama wunchichi, nyuwaano tti athu oodduwella wunchichi navettho munnawora ohuddihana.

1 Akorinto 11:4

Sika mullopwana anavekella apaalle anallotella awanre ello omuruni waye, anamuvevulla Khrisitu.

1 Akorinto 13:8

Echikondi khenamalla. Vookhalla onamallotella koma yoolla oneeromalla. Vookhalla ellotello ddoohidduwanyeya* koma ddineeromalla. Vookhalla odduwella koma oneeromalla.

1 Akorinto 14:4

Ayo enallota ellotello ddoohidduwanyeya eniillipiha weekhiiwa koma ayo enallotella enallipiha mpingo muttheene.

1 Akorinto 14:29

Athu eelli apaalle araru ellotelle nave amodda yeeruze enallotiiwannddo.

1 Akorinto 15:51

Ngiiwesesani, kinawuupullullellani yookhuweya yawoona ella. Khanikhwa attheene koma nineerotthattusiwa,