1 Akorinto 13:12 - Mawu a Mulluku

¹² Vano khaninoona phaama ddeko dda Mulluku wonanko muthu aawiiweheraka ekhove vanigalasini nohooniha phaama. Koma vahoollomvo nineerewoona vamiitthoni ni vamiitthoni. Vano kinadduwelleemi tti ddoohikwakhwanella koma muhoollommo ddineerokwakhwanella wonanko mmo Mulluku anakidduwellelleeye phaama.

1 Akorinto 13:12 ပူးပေါင်းရင်းမြစ်များ

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.

2 Akorinto 3:18

Hiyaano attheene ninnoona ntitimiho na Apwiya nihikhunenlle ekhove ddahu. Munepa wa Apwiya annanitthattusa wi niphwanaphwane ni olliyooyo okhalla ni ntitimiho nawunnuwa.

Afilipi 3:12

Nginaaka wi kohaakhella yeella khalle apaalle miyaano kookhalla khalle aphaama. Koma kinimallipihellave othamaka wi kiddiphwanye vawi ella sika yaari yoolinga ya Khrisitu Yesu vookikopani wi kikhalle aaye.

Yawuupullulla 22:4

Eneerewoona ekhovaaye nave nnddina naye nineerolembiwa va eyuuchi ddiwa.

Yakobo 1:23

Vawi muthu aawiiwaka mawu ahineera aniweeyennddo, ari wonanko muthu awiiwehera ekhovaaye vanigalasini,

2 Akorinto 5:7

Vawi okumaahu onahoollelliwa ni echikhulupililo, ohiri ddeko ddawooneya ni miittho.

Mateyu 5:8

Oodalisiwa tti ayo eri aweella murima, vawi eneeromoona Mulluku!

1 Akorinto 8:3

Koma muthu aamukondaka Mulluku, Mulluku annamudduwella olliyooyo.

Aroma 8:18

Kinnasimikiza wi ddoohoosa dda mallapo yaalla khaddinaphwanaphwana ni ntitimiho ninawanno nno ninawuupullulliwe wa hiyaano.

Numeri 12:8

Kinnallotana vamiitthoni ni vamiitthoni mwawiiweya oohikhalla mookhuweya nave annoona ntitimiho naka. Kaambiiwa tini muhoovilleenyu omullota Mose, oorumeyellaaka?”

Genesis 32:30

Yakobo aallota wi, “Koomoona Mulluku vamiitthoni ni vamiitthoni nave kookhalla ni okumi.” Sika nipuronno aaniromolla Penuwele.

Mateyu 18:10

“Chenjerani wi muhimuvevulle mmodda a ang'onong'onwaalla. Vawi kinimuulleellani wi angelwiiwa ooddullu eri vamiitthoni va Attiitthaaka enthawi ddittheddene.

Yohane 10:15

Emoddamoddave yeeyo Attiitthaaka ennakidduwella nave miyaano kinnaadduwella. Nave kinnapaalla okhwa ekaamba ya enkhosa.

Eksodo 33:11

Sika Apwiya yaanallota ni Mose vamiitthoni ni vamiitthoni, wonanko mmo muthu anallotelleeye ni mukhwaaye. Nave vatulli viwa Mose aanahokollweella omisasani. Koma musombwe mmodda nnddina naye Yoswa, mwaana a Nuni, oyo aari oomukavihera Mose, khaavenyawo.

Ezekiele 17:2

“We mwaana a muthu, waallotelle mwambi Aisraele ni waalleella niphwanaphwaniho nawi

Yobu 19:26

Nttapara naka namalla woonongeya, komave mu okumi yoolla kineeromoona Mulluku.

Yobu 36:26

Ngoonani, Mulluku tti muullupalli, khannamudduwella naari vang'ono, miyakha ddaye khaddinadduwanyeya.

1 Akorinto 13:11

Kaariimi mwaana, kallota wonanko mwaana, kaganiza wonanko mwaana nave ezeru ddaka ddaari wonanko mwaana. Vano vawi kohunnuwa koohiya okhalla wonanko mwaana.