1 Akorinto 12:8 - Mawu a Mulluku

⁸ Munepa anamvaha muthu mmodda othenga wa ezeru nave Munepa mmoddamoddave yooyo anamuvaha muthu mmodda othenga woodduwelliha.

1 Akorinto 12:8 ပူးပေါင်းရင်းမြစ်များ

Miyambo 2:6

Apwiya ennavaha ezeru, mwa alliwa munnavenyera odduwella ni wiiwesesa.

2 Akorinto 8:7

Mookhalla ni ddittheddene ddawaata, mu echikhulupililo, mu ddoollota, moodduwella ddeko, mu ntthitti nanyu nittheene ni mu echikondaanyu va hiyaano. Sika vano moonesese wi mookhalla ni ddawaata m'muttekoni waphaamoolla.

1 Akorinto 1:5

Vawi mwa Khrisitu mohaakhella ddeko, mawu mattheene ni odduwella ottheene mwawaata.

Masalimo 143:10

Kihuddiheni weera ddoopaalla ddanyu vawi nyuwaano tti Mullukwaaka. Munepaanyu waphaama okihoollelle va yoomwaramwarelliwa phaama.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Nehemiya 9:20

Mwahaavaha munepaanyu waphaama wi waalangizeke. Khemwaawiimanille yoochaanyu ya mana nave mwahaavaha maaddi oowirya wi emallihe nthona niwa.

1 Akorinto 13:8

Echikondi khenamalla. Vookhalla onamallotella koma yoolla oneeromalla. Vookhalla ellotello ddoohidduwanyeya* koma ddineeromalla. Vookhalla odduwella koma oneeromalla.

Mateyu 13:11

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo khonavahiwe.

Yesaya 59:21

Kineerokeraatthiha echipangano ni nyuwaano ovenyera ollello ophiyera wa enthawi yoohimalla. Munepaaka oyo ori mwa nyuwaano navettho mawaaka ayo kaahiyalleemi muwano mwanyu, kheddiwa ddivenya muwano mwanyu apaalle mwa aniinyu apaalle mwa edduullu ddanyu wa enthawi yoohimalla.”

Yesaya 50:4

Apwiya Mulluku aakihuddiha ddoophwanella ollota wi kidduwelle mawu owaallipiha murima oofooka. Orive ohinase ennakivenyiha, ennaandusa maarwaaka wi kiiwe wonanko aneerella muthu oohuddera.

Yobu 32:8

Koma munepa wa Mulluku Amasiva Mattheene sika anavollowa mwa athu ni waavaha ezeru.

Eksodo 31:3

Olliyoolla koomuvaha munepaaka mwawi ookhalla ni eruso, ezeru ni odduwella phaama mitteko ddittheddene ddeeruso monga

1 Akorinto 13:2

Naari kirina emphaso ya onamallotella naari kidduwellaka ddittheddene ni wiiwesesa ddoovittheya ddittheddene; naari kirina echikhulupililo yuullupalli yoowora osusa miyaango koma kaahikhalla ni echikondi, nginna mutteko.

Daniele 2:21

Annalamulella enthawi ddittheddene, annaawelliha ni waakitthiha mamwene. Annavelleella ezeru wa eezeru, annavaha odduwella wa awiiwesesa.

Mitteko 6:3

Sika, asinnaka ni arokoraka, atthoolleni mwa nyuwaano athu atthanu ni eelli oodduwanyeya wi tti oohoollelliwa ni Munepa Waweella ni eezeru nave naavahe mutteko yoolla.

Aroma 15:14

Akhwaakanyu, miyaano kinnasimikiza wi nyuwaano tti aphaama wunchichi, nyuwaano tti athu oodduwella wunchichi navettho munnawora ohuddihana.

1 Akorinto 2:11

Tti munepa wa athu onadduwella ddittheddene dda yaayo, emoddamoddave yeeyo tti Munepave wa Mulluku onadduwella ddittheddene dda Mulluku.

1 Akorinto 2:16

Vawi mawu a Mulluku enallota wi, “Ethiyo anadduwella maganizo a Apwiya ttaani? Ethiyo ttaani anaawore omulangiza? Hiyaano nookhalla ni maganizo a Khrisitu.”

1 Akorinto 14:6

Asinnaka ni arokoraka, vano kawa wa nyuwaano killotaka ellotello ddoohidduwanyeya, munaapindulevo tini? Khekhallavo naari eng'onong'ono kaahivelleella othenga oyo Mulluku akupullullelleeye apaalle odduwella apaalle ollotella apaalle ohuddiha.

1 Akorinto 14:26

Asinnaka ni arokoraka, ella sika kinaakeemi. Mwaatthukumanaka wi muvekelleke, muthu mmodda okhalla ni nchipo, mmodda ni yoohuddiha, mmodda ni yawuupullulla yoovenyera wa Mulluku, mmodda ni othenga wa mu ellotello ddoohidduwanyeya navettho mmodda okhalla ni yoottaphullella ddinallotiwa nnddo. Erive ello enaphwanella ddikhalleke yoollipiha mpingo.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

2 Akorinto 2:14

Mulluku athokoziwe! Vawi mu eyaattano ni Khrisitu Mulluku annanihoollella enthawi ddittheddene wi nigonjiheke. Navettho Mulluku ananiphariha mutteko woovuwiha ddoodduwella dda Khrisitu virive veko wonanko nthuko naphaama.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

2 Akorinto 6:6

Koma hiyaano nohooniha wi tti oorumeyella a Mulluku vookhallani aweella murima, eezeru, oovillella ni ooreera murima, vookhallani ni Munepa Waweella ni echikondi yawoona,

2 Akorinto 11:6

Apaalle miyaano nginna eruso yoollota koma kookhalla ni eruso yoodduwella. Vawi noowoonihani yeella phaamaddene enthawi ddittheddene ni mu ddeko ddittheddene.