1 Akorinto 12:2 - Mawu a Mulluku

² Munnuupuwella wi mwaariinyu athu oohimullapella Mulluku, mwaahollosiwa mu ettilla ddoohiyanahiyana ollapella mafano ddoohikhalla ni okumi.

1 Akorinto 12:2 ပူးပေါင်းရင်းမြစ်များ

1 Petro 4:3

Mootathilla enthawi yinchichi khalle vaweerani nnddo eneera athu oohimullapella Mulluku. Okhalla wanyu waari wa oraruwa, minkhella ddoonanara, olezela, machellello ni olezela nave ollapella mafano moonanariha.

1 Atesalonika 1:9

Athu attheene ennallota dda mmo mwanaakhellelleenyu ni mmo mwaarukunuwelleenyu wa Mulluku muhiyalle mafano wi m'murumeyelle Mulluku awoona ni ookumi,

Masalimo 115:5

Aakhalla ni eyano koma khenallota, aakhalla ni miittho koma khenoona.

Agalatiya 4:8

Khalle khamwamudduwenlle Mulluku, sika mwaari akaporo a ddoophatusiwa ddoohikhalla milluku.

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

Yeremiya 10:5

Mafanwaalla tti wonanko yoowoopopihella anakhuku m'matani, khenawora naari ollota. Enaroromella otukhulliwa vawi kheneeta weekhiiwa. Muhiwooveke mafanwaayo vawi khewora oweerellani ddoonanara, khennattho naari masiva ooweerellani ddaphaama.

1 Petro 1:18

Vawi munnadduwella eyo yaallivelliwe wi moopolliwe ovenyera o makhallello oonanara ayo mwaamwenlleenyu wa makhollwaanyu. Kheyaari ello yawoonongeya, wonanko siliva apaalle golide.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

Mateyu 15:14

Muhaapwatheke! Yaayo tti oohoollella oohoona owaahoollella akhwiiwa oohoona. Vano oohoollella oohoona amuhoollella oohoona mukhwaaye, eelli attheene eneeromorihellana munllitini.”

Yesaya 46:7

Enniireya vamathurini viwa, ennamuhiya vamapuroni vaye immella vaavo, khanawora osusavo. Mmodda avekella wa khamwaakhulla apaalle omuvullusa o ddoohoosa.

Masalimo 135:16

Aakhalla ni eyano koma khenallota, aakhalla ni miittho koma khenoona.

Masalimo 115:7

Aakhalla ni matta koma yattannya ello kheyiivo eniiwiiwa, aakhalla ni meto koma kheneeta, khenakhumiha mawu naari vang'ono okohi wiwa.