1 Akorinto 12:12 - Mawu a Mulluku

¹² Khrisitu ari wonanko mwiilli mmodda, wookhalla ni eziwalo ddinchichi ddoohiyanahiyana. Naari woopiwe ni eziwalo ddinchichi onakhalla mwiilli mmodda.

1 Akorinto 12:12 ပူးပေါင်းရင်းမြစ်များ

Akolose 3:15

Murendelle oyo Khrisitu anavaheeye wuuhoollellekeni m'murimani mwanyu vawi Mulluku awiithanani wi mukhalle nimodda mu murendelle yoolla vawi muri mwiilli mmodda. Nave muthokozeke.

1 Akorinto 12:27

Attheenenyu tti mwiilli wa Khrisitu nave arive muthu tti echiwalo ya mwiillooyo.

Akolose 2:19

Nave aahiya waangellella va Khrisitu oyo ori muru wa mwiilli. Ovenyera mwa muruulla, mwiilli muttheene onnamakellelliwa nimodda nave onallipihiwa ni mookumanella eziwalo nave onnuunuwa wonanko mmo Mulluku anapaallelleeye wi wunnuwe.

Aefeso 4:4

Vookhalla mwiilli mmodda ni Munepa mmodda, wonankottho mmo mwavaheriweenyu otiyera omodda mvo Mulluku aawiithanilleeyeni.

1 Akorinto 10:17

Kaambiiwa buledi tti mmodda, hiyaano attheene naari naatille niri mwiilli mmodda vawi ninnaattana mu buledi mmoddave yooyo.

Aefeso 5:30

vawi hiyaano tti eziwalo dda mwiillaaye.

Akolose 1:18

Olliye tti muru wa mpingo oyo ori mwiillaaye. Olliye tti maambeellello a erive ello, awaamba a oovenya wa ookhwa wi akhalle muullupalli mu ddeko ddittheddene.

Aefeso 5:23

Vawi mullopwana tti muru wa mwaariye wonanko mmo Khrisitu ariiye muru wa mpingo, mwiillaaye oyo awuvullunseeye.

Aefeso 4:12

Enre ddenndda wi athu a Mulluku ekhozekelle mutteko woomurumeyella Khrisitu wi ellipihe mwiilli wa Khrisitooyo,

Agalatiya 3:16

Vano Mulluku aheera malonjezwaaye wa Abrahamu ni edduullu ddaye. Mawu a Mulluku voollotani wi, “Edduullu ddaye” khenattaphullella wi, “Athu anchichi” koma enattaphullella wi, “Edduullwaaye” ottaphullella wi, “Muthu mmoddave” nnddina naye Khrisitu.

Akolose 1:24

Nave vano koohakallalla ni ddoohoosa ddaka ekaamba ya nyuwaano vawi kinnavirellella ohoosiwa wonanko Khrisitu ekaamba ya mwiillaaye, oyo ori mpingo.

Aefeso 1:23

Mpingo tti mwiilli wa Khrisitu, wooddalliwa ni olliye oyo anakwakhwaniha ddeko ddittheddene mwa arive muthu.

1 Akorinto 12:7

Arive muthu oovahiwa emphaso ddoovenyera wa Munepa wi attheene epindulena.

1 Akorinto 12:20

Koma ddikhallelliiwa mmo, vookhalla eziwalo ddinchichi koma mwiilli mmoddave.