1 Akorinto 12:1 - Mawu a Mulluku

¹ Vano, Asinnaka ni arokoraka kinaaka mudduwelle ddawoona dda emphaso ddoovenyera wa Munepa Waweella nnddo mwaalembilleenyu.

1 Akorinto 12:1 ပူးပေါင်းရင်းမြစ်များ

1 Akorinto 14:37

Muthu mmodda aaganizaka wi olliye tti namallotella apaalle ookhalla ni emphaso ya Munepa Waweella, anaphwanella adduwelle wi kinuulembelleemini tti lamulo na Apwiya.

Aefeso 4:11

Tti oyo aavahille emphaso. Ahaatthoolla amodda wi ekhalle amurummwa, amodda ekhalle anamallotella, amodda ekhalle oollalleya, amodda ekhalle abusa ni ahuddihi.

2 Petro 3:8

Koma muhitiwalle ello emodda, akhwaaka ookondiwa! Khuwaavo ohiyana, wa nllapo nimodda ni miyakha 1,000 vamiitthoni va Apwiya. Wa olliye, piillinndda tti ddoophwanaphwana.

1 Atesalonika 4:13

Asinnihu ni arokorihu, ninapaalla wi mudduwelle ddawoona dda ookhwa wi muhikhupanyeke wonanko ayo ehinna yootiyerella.

2 Akorinto 1:8

Asinnihu ni arokorihu, ninaaka mudduwelle dda ddoohoosa noonilleehu mu echigawo ya Asiya.* Ddoohoosa ddahu ddaari dduullupalli ohiyana ni masivaahu. Nave khanaadduwella wi apaalle nineerokhalla ni okumi.

1 Akorinto 10:1

Asinnaka ni arokoraka, kinapaalla wi muupuwelle ddaweereyelle makhollwaahu. Attheene yaari m'muuthuuchini wa murapo nave attheene yaallapuwa Enyanja Yoofiira.

Aroma 1:13

Asinnaka ni arokoraka, kinapaalla mudduwelle wi enthawi ddinchichi kaapaalla owa wa nyuwaano koma yookhallavo emoddeene yakilepheliha owa. Vawi kinapaalla kiweerihe athu variyari va nyuwaano wi ekhulupilile wonanko mmo keerelleemi wa athu amodda ayo ehiri Ayuda.