1 Akorinto 11:7 - Mawu a Mulluku

⁷ Mullopwana khanaphwanella owara ello omuruni waye kaambiiwa aphatusiwe wi aphwanaphwaneke ni Mulluku nave Mulluku anatitimihiwa ekaamba ya olliye. Koma mullopwana anariiheya ekaamba ya mutthiyana.

1 Akorinto 11:7 ပူးပေါင်းရင်းမြစ်များ

1 Akorinto 11:3

Nave kinapaalla wi mwiiwesese wi Khrisitu tti muru wa arive mullopwana, mullopwana tti muru a mutthiyana nave Mulluku tti muru a Khrisitu.

Masalimo 8:6

Moomuvaha olamulello va mitteko dda mattaanyu, moohiya ddoophatusiwa ddittheddene vatthi va manyallwaaye

Genesis 9:6

Arive muthu oomwiipha muthu, nayeenettho aneerewiiphiwa ni muthu vawi muthu aphatusiwe moophwanaphwana ni Mulluku.”

Genesis 5:1

Nna sika ntthopoollo ya edduullu dda Adamu. (Mulluku voomuphatusani muthu, amuphatusalle moophwanaphwana ni olliyooyo.

Genesis 3:16

Vatulli viwa Mulluku aamulleella mutthiyanooyo wi, “Kineerewoonjerera wunchichi ddoovoreya ddawo wakhalla ni erukullu, oneerekewoona ovoreya va enthawi yooyara. Oneerekomukhallella munkhella mamuno nave mamunooyo aneerekewuulamulella.”

Yakobo 3:9

Ni nllumi ninnaathokozana Apwiya ayottho eri Attiitthiihu navettho ni nenno ninnaatembelelana athu ayo Mulluku aaphatusalleeye moophwanaphwana ni olliye.

Miyambo 12:4

Mutthiyana aphaama tti wonanko enduwira ya mamune koma oowulliha muru tti wonanko nikhwata na marohi wa mamune.

1 Akorinto 11:6

Mutthiyana aahiwara ello omuruni waye acheme meehaaye. Vawi tti ello yoowulliha muru wi mutthiyana acheme m'muruni mwaye apaalle acheme mpala, anaphwanella owara ello omuruni waye.

2 Akorinto 8:23

Ollota dda Tito, yoolla tti mukhwaaka oopharana mutteko ni miyaano wuukaviherani nyuwaano. Asinnaka amodda ayo eneeta ni olliyooyo erumiwe ni mipingo nave enamutitimiha Khrisitu.