1 Akorinto 11:30 - Mawu a Mulluku

³⁰ Ella sika ekaambiiwa anchichi a nyuwaano tti oofooka ni oovoriiwa nave naari amodda aakhwa.

1 Akorinto 11:30 ပူးပေါင်းရင်းမြစ်များ

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.

Amosi 3:2

“Mwa mitundu ddittheddene dda va ellapo yavatthi tti nyeeneve kinuudduwelleemini ni wuupwathani, sika kineerewuullakani wunchichi ekaamba ya machimwaanyu mattheene.”

Numeri 20:12

Apwiya yaamulleella Mose ni Aroni wi, “Vawi khamwaakikhulupilinle nave khamoonihalle vamiitthoni va Aisraele wi miyaano tti aweella, khamwaavollochiha athwaalla mu ellapo eyo kaavahilleemi.”

Eksodo 15:26

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

1 Atesalonika 4:14

Vawi ninnakhulupilila wi Yesu aakhwa nave aavenyattho. Mwawi ddiiddattho ninnakhulupilila wi athu ayo yakhwille ekhulupililaka mwa yooyo, Mulluku aneerewaavenyiha nave aneerewaakusa vamodda ni Yesu wa olliye.

Numeri 20:24

“Aroni khavollowa mwiillaponi eyo kinaavaheemi Aisraele. Aneerokhwa ekaamba yawi eelliinenyu khamwiiwellelle lamulo naka omaaddini a o Meriba.

1 Akorinto 15:51

Ngiiwesesani, kinawuupullullellani yookhuweya yawoona ella. Khanikhwa attheene koma nineerotthattusiwa,

1 Akorinto 11:32

Koma ninneeruziwa ni ollakiwa ni Apwiya wi nihiipiwe mullatu vamodda ni ellapo yavatthi.

Mitteko 13:36

Vawi Davide amallihalle orumeyella ddoopaalla dda Mulluku mu mallapwaaye aakhwa. Nave aavitthiwa vamodda ni makhollwaaye nave mwiillaaye wahuntella mu mahame.

Mitteko 7:60

Aakokhora nave inlla ni mawu oowella wi, “Apwiya! Muhineerengella ochimwa wiwanngu!” Allotille ddenndda aakhwa.

1 Akorinto 11:29

Vawi muthu aahivaha olemu mwiilli wa Apwiya aamuchaka buledi ni omuwiryella kapu, aniitembelela yeekhaaye aachaka ni owirya.

1 Akorinto 11:31

Naambilleke oddoona weekhiihu khanaatembeleliwe ni Mulluku.