1 Akorinto 11:23 - Mawu a Mulluku

²³ Vawi ehuddiho eyo kavahiweemi wa Apwiya kahuullellanittho nyuwaano wi, Apwiya Yesu, mahiiyu yaalle yavelleelliwiiwa yaamukusa buledi,

1 Akorinto 11:23 ပူးပေါင်းရင်းမြစ်များ

1 Akorinto 15:3

Vawi kaavelleella wa nyuwaano yoopaalleya yuullupalli eyo kaakhenlleemittho yawi Khrisitu aakhwa ekaamba ya ddoochimwa ddahu wonanko mmo ddilembelliwiiwa mu mawu a Mulluku,

1 Atesalonika 4:2

Vawi munnadduwella malamulo nuuvahilleeyeni moolamuliwa ni Apwiya Yesu.

Deuteronomo 4:5

“Kahuuhuddihani malamulo ni malangizo mattheene moollikana ni mmo Apwiya Mullukwaaka yaakilamulelliiwa. Mwiillaponi eyo munaavolloweenyumo ni waakha, mwiiwellelleke malamulo yaalla.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Agalatiya 1:1

Ovenyera wa miyaano Paulo, murummwa oyo wiithaniwa waye wahivenyenre wa athu apaalle oweella wa athu koma wa Yesu Khrisitu ni Mulluku Attiitthiihu ayo yaamuvenyihalle Yesu wa ookhwa.

Mitteko 20:7

Va Nllapo Namulungu naatthukumana vamodda wi namumeyemeye buledi. Paulo aallota wa athu ophiyera variyari va mahiiyu vawi atiyerella wi wasawo atimulle.

Mateyu 26:34

Yesu aallota wa Petro wi, “Kinimuulleella ddawoona wi mahiiyu yaalla mutthupi ohininlle, onaakhalle okikhootille oraru.”

Mateyu 26:17

Vano va nllapo nawaamba na Ehakallallo ya Buledi Oohikhalla ni Yisiti oohudderaayo yaawa wa Yesu emukoha wi, “Munapaalla nuukhozereni wuuwi nipuro nawi mwachellevo yoocha ya Paska?”

Mateyu 26:2

“Munnadduwella wi vavira mallapo meelli, vineerokhalla Paska. Vano mi, Mwaana a Muthu, kineerovelleelliwa wi katthomeyiwe vamutandani.”

Luka 22:17

Vano Yesu aamukusa kapu, avekella wa Mulluku moothokoza, allota wi, “Akhellani ella muwirye attheenenyu.

1 Akorinto 10:16

Kapu oyo ninaamuphariheehu mutteko va mugonelo wa Apwiya navettho oyo nnamuthokozereehuna Mulluku, naawiryellaka yeeyo ninnaattana mu nikhame na Khrisitu. Nave buledi ninamumeyameyeehu, namucha yooyo, ninnaattana mu mwiilli wa Khrisitu.

Akolose 3:24

Upuwellani wi Apwiya eneerewuuvahani madaliso ayo aasungenlleeye athwaaye. Vawi Khrisitu sika Apwiya munaarumeyelleenyu.