1 Akorinto 10:6 - Mawu a Mulluku

⁶ Vano ddittheddenenndda tti echisanzo wa hiyaano wi nihikhallelle minkhella ddeko ddoonanara wonanko alliwaayo.

1 Akorinto 10:6 ပူးပေါင်းရင်းမြစ်များ

Yuda 1:7

Muupuwelle Sodomu ni Gomora ni matawoni awaatamanana, nko athu yeerille ddoophwanaphwana ni nnddo yeerille angelwaalle. Athwaalla yaheera machimo ooraruwa ni machimo amodda oohiphwanella weeriwa ni muthu. Mulluku ahaallaka ni munllo woohimalla wi aachenjeze athu amodda.

1 Akorinto 10:11

Ddeko ddittheddenenndda ddaaweereyella wi ekhalle echisanzo wa alliwaayo nave ddaalembiwa wi ddikhalle ddoonichenjeza hiyaano. Vawi ninakhalla va enthawi yawaatamella emallihello.

Aheberi 4:11

Vano hankoni moollipihella nivollowe mu wiithuuwanngu wi variyari vahu vihikhalle mmodda oolephela ovollowa ekaamba yoohiiwellella wonanko yenriiwa khalle.

Numeri 11:4

Enthawi yeeyo athu awaanganyera ayo yaari variyari viwa yaakhalla ni ekhwillu. Aisraelettho yahaamba okhupanya, ellota wi, “Ttaani anaanivahe enama wi niyiche?

2 Petro 2:6

Mulluku aallaka mizinda dda Sodomu ni Gomora, voowoonongani ni munllo nave aheera ddennddo wi aachenjeze athu oohimullapella Mulluku dda nnddo ddinaaweereye.

1 Petro 3:21

Maaddaayo yaari echizindikiro ya obatizo oyo onuuvullusani vano. Obatizo khe ovenyiha nihiryo na vamwiillini koma echipangano ni Mulluku ovenyera va yawuupusella murima yaphaama ekaamba yawi Yesu Khrisitu aavenyihiwa wa okhwa.

Aroma 5:14

Koma ovenyera va enthawi ya Adamu ophiyera va enthawi ya Mose, okhwa waalamulella va athu attheene naari va ayo yachimwalle moohiyana ni Adamu ahiiwellelleeye olamula wa Mulluku. Adamu anaphwanaphwanihiwa ni oyo Mulluku allotilleeye wi aneeroowa, Khrisitu.

Aheberi 9:24

Ella sika ekaambiiwa Khrisitu ahivollowilleeye mu nipuro noopatuleya noomakiwa ni athu nno niri echisanzo ya nipuro nawoona na mallapello. Koma ayiille oddullu nave vano ari wenko ni Mulluku onikavihera hiyaano