1 Akorinto 10:3 - Mawu a Mulluku

³ Attheene yaacha yoocha emoddamoddave yeeyo ya Munepa.

1 Akorinto 10:3 ပူးပေါင်းရင်းမြစ်များ

Deuteronomo 8:3

Yahuukhumullani vawuuvollihani ettalla komattho yahuuvahani mana wi muche yoocha eyo nyuwaano ni makhollwaanyu mwahiyidduwenlleenyu waambeella khalle. Yaheera ddenndda wi yuuhuddiheni wi muthu khanakhalla ni okumi ni yoochave koma ni mawu mattheene ookhuma muwano mwa Apwiya.

Nehemiya 9:15

Yavolliwiiwa ettalla, mwahaavaha buledi ovenyera oddullu yaariiwa ni nthona mwahaavaha maaddi ovenyera munllukuni Mwahaalleella wi yaakhe ellapo eyo mwalonjezilleenyu wi muneerewaavaha.

Nehemiya 9:20

Mwahaavaha munepaanyu waphaama wi waalangizeke. Khemwaawiimanille yoochaanyu ya mana nave mwahaavaha maaddi oowirya wi emallihe nthona niwa.

Eksodo 16:35

Aisraelaayo yaakhalla echaka manaayo miyakha 40 ophiyera yaaphiya o ellapo wookhalla athu, omalireni wa ellapo ya Kanani.

Eksodo 16:4

Vano Apwiya yaamulleella Mose wi, “Kineerewuuvahani yoocha eyo enaamore wonanko murimu ovenyera oddullu. Athu enaakhumeke nllapo ni nllapo enaya yatthukumanihaka yoocha yookwakhwanella nllapo nenno wi kiweese nave koone yaarimi ethwareke malamulwaaka apaalle iyaayi.

Masalimo 105:40

Alliwa yaaveka yoocha, Apwiya yahaarumihella ayuurwe, yahaavaha buledi oovenyera oddullu.

Eksodo 16:15

Aisraele yoonilliiwa ddekonnddo, kheyaaddidduwenlle nave yahaamba okohana wi, “Ethiyo ddenndda tti tini?” Mose ahaalleella wi, “Olla tti buledi yuuvahilleni Apwiya wi mumuche.