1 Akorinto 10:22 - Mawu a Mulluku

²² Apaalle ninapaalla wi niweerihe Apwiya ehache? Nnaganiza wi masivaahu tti ookhwaranya ayiwa?

1 Akorinto 10:22 ပူးပေါင်းရင်းမြစ်များ

Deuteronomo 32:21

Aakeeriha ehache ni milluku shisha, aattatthamulla owallaaka ni mafanwiiwa. Sika, kineeroweeriha ehache ni athu shisha, kineerewaattatthamulla ni mutundu wookarangeya.

Deuteronomo 32:16

Yaamweeriha ehache ni milluku ddeelleto, ni ddaweera ddoonanara yaattatthamulla owallaaye.

Aheberi 10:31

Sika ophariwa ni Mulluku Ookumi tti wawoopiha.

Ezekiele 22:14

Ethiyo murimaawo ttuukhallave woollipa nave mattaawo ttuukhallave amasiva kamalliha wuullaka? Mi Apwiya Mulluku koollota nave kineereweera.

Oollalleya 6:10

Erive ello erivo yaavahiwa khalle nnddina. Mmo muthu akhallelleeye tti ddoodduwanyeya nave tti ddawiiweya wi khawora ovaanyihana ni oyo ari amasiva omukhwaranya olliye.

Zefaniya 1:18

Naari siliviiwa apaalle golidiiwa, khawora owoopolla va nllapo na osha murima wa Apwiya. Owalliiwa tti wonanko munllo, onnashellelliha ellapo ettheene, moorurumusa eneerewaamalla attheene ookhalla mwemmo.”

Yesaya 45:9

Otulli wa oyo anakangana ni Oophatusaaye vawi ari wonanko nivalli shisha variyari va mavalli makhwaaye. Ethiyo olloko ttuumukoha awoopa wi, “Ethiyo onoopa tini?” Apaalle ollota wi, “Awoopawe, khonna eruso!”

Masalimo 78:58

Alliwa yaamushiha murima Mulluku, ni mapurwiiwa oollapellamo. Yaamweeriha ehache ekaamba ya mafanwiiwa oosema.

Yobu 9:4

Mulluku tti eezeru ni amasiva, khaavo anaallipanena ni opambana.

Yoswa 24:19

Yoswa ahaalleella athwaayo wi, “Mwaamodda nyuwaano khamuwora waarumeyella Apwiya kaambiiwa tti Mulluku aweella nave eehache. Khuuhiyani wi mumuwukileke nave mumuchimwelleke.

Deuteronomo 6:15

Vawi mweera ddennddo owalli wa Apwiya oneerewuukharellani wonanko munllo nave eneerewuutthollosani va ellapo yavatthi kaambiiwa Apwiya Mullukwaanyu ayo enakhalla variyari vanyu tti Mulluku eehache.

Deuteronomo 4:24

Vawi Apwiya Mullukwaanyu tti munllo wooshellelliha nave tti Mulluku eehache.

Eksodo 34:14

“Muhillapelleke milluku ddimodda, ekaamba yawi Apwiya ayo nnddina niwa tti Nahache, tti Mulluku eehache.

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

1 Mamwene 14:22

Vano athu a o Yuda yaheera ddoonanara vamiitthoni va Apwiya okhwaranya mmo makhollwiiwa yachimwelliiwa, emushiha murima Mulluku.

Yeremiya 7:19

Eneesa wi enakikatamiha miyaano koma eniikatamiha weekhiiwa ni wiiwulliha muru.

Yeremiya 44:8

Kaambiiwa tini munattatthamulleenyu owallaaka vaweerani ddoonanara ni mattaanyu navettho vawoosellani lubani milluku ddimodda mu ellapo ya Iguputo mmo munakhalleenyu? Munaddoononga nyookha ni okhalla ello yootembeleliwa ni yoovevulliwa mmwiitthoni mwa athu a mitundu ddittheddene dda va ellapo yavatthi.