1 Akorinto 10:18 - Mawu a Mulluku

¹⁸ Ngoonani athu a o Israele. Athu ayo enacha ddooheraatthiwa mukutho khenna eyaattano ni mukutho?

1 Akorinto 10:18 ပူးပေါင်းရင်းမြစ်များ

Agalatiya 6:16

Nave ayo eniiwellella lamulo nenna, murendelle ni echifundo ddikhalle ni yaayo ni athu a Mulluku attheene!

Levitiko 7:6

Arive mullopwana a mwa allupa mukutho ttuuchana. Ayichelle vanipuroni naweella. Yooyo tti mukutho waweella wunchichi.

Levitiko 3:11

Vano mullupa mukutho ashellellihe ddittheddenennddo vanikuwani wi okhalle mukutho wa othu wawoosiwa viikho woovelleelliwa wa Apwiya.

1 Akorinto 9:13

Khamunadduwella wi athu enaphara mutteko mu enyumba ya Mulluku enaphwanya yoocha ovenyera mu enyumba ya Mulluku yeeyo nave allupa mukutho enaakhellana dda mukuthooyo.

Aroma 4:12

Olliyettho tti nikhollo na athu attheene oophaddiwa, ohikhalla oophaddiwave komattho ayo enattakihera echikhulupililo eyo yaari ni nikhollo nahu, Abrahamu, ahinaphaddiwe.

Aroma 4:1

Vano ninaallote tini dda Abrahamu nikhollo nahu? Oonille tini va okumaaye?

Aroma 1:3

Othenga yoolla onallota dda mwanaye, Apwiihu Yesu Khrisitu. Olliye tti edduullu ya Davide moollikana ni omuthu.

Levitiko 7:7

Mukutho woolliva tti woophwanaphwana ni mukutho woopepesella machimo nave mikutho miillinndda ddookhalla ni lamulo nimoddave. Enameeyo enaakhalle ya mullupa mukutho ooheraatthi mukutho woopepesella machimooyo.

Deuteronomo 12:17

Muhicheke m'mizi ddanyu yaneekhumi ya tirigwaanyu, ya vinywaanyu apaalle ya makhuraanyu a olivi. Wenkottho muhicheke erive ello eyo muvelleelleenyu wa Apwiya monga anamwani awaamba a eziweto ddanyu, ddoovelleella ddanyu ddoollupella, ddoovelleella dda opaalla wanyu apaalle emphaso ddanyu nnddo mulonjezilleenyu ovelleella wa Apwiya.

Aheberi 13:10

Hiyaano nookhalla ni nikuwa koma allupa mukutho oorumeyella m'musasani kheyaakhullelliwa ocha ddooheraatthiwa mukutho vanikuwaninno.