1 Akorinto 10:16 - Mawu a Mulluku

¹⁶ Kapu oyo ninaamuphariheehu mutteko va mugonelo wa Apwiya navettho oyo nnamuthokozereehuna Mulluku, naawiryellaka yeeyo ninnaattana mu nikhame na Khrisitu. Nave buledi ninamumeyameyeehu, namucha yooyo, ninnaattana mu mwiilli wa Khrisitu.

1 Akorinto 10:16 ပူးပေါင်းရင်းမြစ်များ

Mitteko 2:42

Athwaayo yaatthukumana vamodda wi ehuddereke wa amurummwaayo, enaattana, enamumeyameya buledi nave enamucha nimodda owaakattho enavekella nimodda.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

Aheberi 3:14

Vawi attheenehi tti akhwaaye a Khrisitu okusella naphara moohitikheya echikhulupilwaahu naariihuna vawaamba valle ophiyera omamallihello.

Mitteko 2:46

Nllapo ni nllapo yaanatthukumana mu enyumba ya Mulluku ni murimiiwa muttheene moowiiwanana. Navettho yaanamumeyameya buledi enamucha m'mawaniwa ni okawana yoocha moohakallalla ni murima woottaphuwa.

1 Akorinto 1:9

Mulluku tti oororomelleya, oyo aawiithanilleni nyuwaano wi mukhalle mu eyaattano ni mwanaye Yesu Khrisitu, Apwiihu.

1 Yohane 1:3

Nnddo noonilleehu ni wiiwa ninallalleya wa nyuwaanottho wi mukawane ni hiyaano mu eyaattano niriihuna mwa Attiitthiihu ni mwa Mwanaye Yesu Khrisitu.

Mitteko 20:7

Va Nllapo Namulungu naatthukumana vamodda wi namumeyemeye buledi. Paulo aallota wa athu ophiyera variyari va mahiiyu vawi atiyerella wi wasawo atimulle.

1 Akorinto 12:13

Emoddamoddave yeeyo, hiyaano attheene naari niri Ayuda apaalle athu nihiri Ayuda naari niri akaporo apaalle nihiri akaporo, noobatiziwa ni Munepa mmodda okhalla mwiilli mmodda nave noovahiwa Munepa mmoddamoddave yooyo.

Mitteko 20:11

Vano aahokollweellattho mu enyumba ya vaddullweelle, amumeyameya buledi nave amucha ni hiyaano. Amallihalleeye okambirana wa enthawi yoorekama, ophiyera okhuma wa nndduwa, aatimulla.

Luka 22:17

Vano Yesu aamukusa kapu, avekella wa Mulluku moothokoza, allota wi, “Akhellani ella muwirye attheenenyu.

1 Akorinto 10:15

Kinallota wa nyuwaano, athu eezeru, sika ganizerani weekhiinyu ella kinalloteemi.