1 Akorinto 10:1 - Mawu a Mulluku

¹ Asinnaka ni arokoraka, kinapaalla wi muupuwelle ddaweereyelle makhollwaahu. Attheene yaari m'muuthuuchini wa murapo nave attheene yaallapuwa Enyanja Yoofiira.

1 Akorinto 10:1 ပူးပေါင်းရင်းမြစ်များ

Eksodo 14:29

Koma Aisraele attheenaalle yaallapuwa enyanjeeyo vawumma, maaddi yiimenlle wonanko esiri onnattanatta ni wuunyotthoni.

Masalimo 105:39

Apwiya yaahiya murapo wi waahuruwelleke, munllo wi waamolleelleke mahiiyu.

Aheberi 11:29

Ekaamba ya echikhulupililo, Aisraele yaallapuwa vatthi vawumma mu enyanja yoofiira. Koma a Aiguputo voopaallani waattakiha Aisraelaalle, yaavuhellelliwa ni maaddi.

1 Akorinto 14:38

Koma aahiiwellella yeella, olliyettho muhimwiiwellelle.

Masalimo 78:53

Ahaahoollella phaama wawi kheyoova, enyanja yahaamirya adaniiwa.

Masalimo 66:6

Aatthattusa enyanja wi ekhalle yawumma navettho Athu yaallapuwa muhinje yeetaka vatthi, sika ekaambiiwa nahakallanlleehuna olliye.

Nehemiya 9:19

ekaamba ya echifundwaanyu yuullupalli khemwaahiyalle muchipululuni. Murapo oyo waahoollella otthaana ni munllo waahoollella mahiiyu, khewaavenyillevo.

Yoswa 4:23

Apwiya Mullukwaanyu sika awummihalle maaddi a m'muhinjenimmu wi nyuwaano mullapuwe vawumma wonanko mmo ummihelleeye Enyanja Yoofiira, ophiyera attheene naallapuwa.

Deuteronomo 1:33

ayo enthawi ddittheddene yahoolla va olendwaanyu wi yuuphwanyelleni khalleve nipuro nootthipellavo misasa ddanyu. Alliwa yaanuuhoollellani mwawooneya wonanko munllo mahiiyu nave wonanko murapo otthaana.”

Numeri 33:8

Etimullalle o Pihahiroti yaallapuwa variyaririyari va enyanja, evollowa mu echipululu. Vano yaheeta olendo wa mallapo mararu mu echipululu ya Etamu, yatthipella misasa ddiwa o Mara.

Numeri 14:14

Vano Aiguputo eneerewaatthopoollella athu a mwiillaponimmu. Alliwa ahiiwa khalle wi nyu Apwiya muri variyari va athu yaalla nave munnawooneyella vamiitthoni ni vamiitthoni nave murapwaanyu onnaakhuneella. Otthaana munaahoollella ni opoto amurapo nave mahiiyu munaahoollella ni opoto amunllo.

Eksodo 40:34

Murapo waakhuneella musasa wamutthukumano nave ntitimiho na Apwiya naaddalla musasooyo.

1 Akorinto 12:1

Vano, Asinnaka ni arokoraka kinaaka mudduwelle ddawoona dda emphaso ddoovenyera wa Munepa Waweella nnddo mwaalembilleenyu.

Aroma 4:11

Aphaddiwe wi ekhalle echizindikiro ya olungamihiwa ekaamba ya echikhulupililo eyo aariiyena ahinaphaddiwe. Yoolinga yaari yawi akhalle nikhollo na athu attheene oohiphaddiwa koma enamukhulupilila Mulluku nave awaakhullelliwa ni Mulluku wi tti oolungama.

Agalatiya 3:29

Mwaarimi muri mwa Khrisitu, sika nyuwaano tti edduullu dda Abrahamu nave muneerewaakhella eyo Mulluku alonjezilleeye.

Aroma 11:21

Vawi Mulluku aawinttaka Aisraele ayo eri wonanko enthambi dda muteekho, ethiyo khaworattho owinttakani nyuwaano?

Yohane 4:20

Makhollwaaka a o Samariya yaamullapella Mulluku vamwaangonoolla koma nyuwaano Ayuda munallota wi o Yerusalemu sika ninaphwanellaahu omullapellawo Mulluku.”

Aroma 1:13

Asinnaka ni arokoraka, kinapaalla mudduwelle wi enthawi ddinchichi kaapaalla owa wa nyuwaano koma yookhallavo emoddeene yakilepheliha owa. Vawi kinapaalla kiweerihe athu variyari va nyuwaano wi ekhulupilile wonanko mmo keerelleemi wa athu amodda ayo ehiri Ayuda.