1 Akorinto 1:9 - Mawu a Mulluku

⁹ Mulluku tti oororomelleya, oyo aawiithanilleni nyuwaano wi mukhalle mu eyaattano ni mwanaye Yesu Khrisitu, Apwiihu.

1 Akorinto 1:9 ပူးပေါင်းရင်းမြစ်များ

2 Atesalonika 3:3

Koma Apwiya tti oororomelleya navettho eneerewuuvahani masiva ni owaakiherani wa oonanarooyo wi ahuuvoreyeni.

Aheberi 10:23

Nillipihelle waakhullella moohikayikella nnddo ninadditiyereehu vawi oyo anilonjezille ddenndda tti oororomelleya.

Deuteronomo 7:9

Ekaamba ya yeella upuwellani wi Apwiya Mullukwaanyu tti Mulluku mmoddave nave tti oororomelleya. Olliye aneerosunga echipanganwaaye nave aneerewooniha echikondi yoohisintheya wa athu a mibado ddooheerengeya dda ayo enamukonda olliye ni wiiwellella malamulwaaye.

1 Yohane 1:3

Nnddo noonilleehu ni wiiwa ninallalleya wa nyuwaanottho wi mukawane ni hiyaano mu eyaattano niriihuna mwa Attiitthiihu ni mwa Mwanaye Yesu Khrisitu.

1 Akorinto 10:13

Weesiwa orive ottheene nko onuuphiyereni tti wenko onamuphiyera arive muthu. Nave Mulluku tti oororomelleya nave khaakhullella wi nyuwaano mweesiwe ohiyana ni masivaanyu awiimella moollipa. Koma enthawi eyo muneesiweenyu aneerowinnyani ettilla yawi muvulluwellemo sika muneerowora ovillella.

Yesaya 49:7

Apwiya, Aneerewoopolla ni Aweella a Israele, enallota wa oovevulliwa wunchichi, awiitiwa ni mitundu ddimodda dda athu, kaporo a mamwene eekuku wi, “Mamwene eneerewiimella moolemu voowoonani, naari enduna ddineeropopheya ekhove ddiwa.” Ddenndda ddineereye ekaamba ya Apwiya oororomelleya, Aweella a Israele ayo yuutthoollille.

Aroma 8:28

Ninnadduwella wi mu ddeko ddittheddene Mulluku annaphara mutteko va athu ayo enamukonda wi ddaakhallelle phaama. Athu yaayo tti ayo aawiithanneeye moollikana ni yoolingaaye.

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

Yawuupullulla 19:11

Kahoona oddullu ohulleyille nave kavalo aweella ahooneya. Oomuwella oyo nnddina naye aari Oororomelleya ni Awoona, oyo aneeruza ni owana ekhotwaaye mwa echilungamo.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

Masalimo 100:5

Vallethi Apwiya tti aphaama, echikondiiwa yoohisintheya tti ya enthawi yoohimalla, ororomelleya wiwa tti wa mibado ddittheddene.

Numeri 23:19

Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

2 Akorinto 1:18

Mulluku tti oororomelleya, sika eyo kuulleelleemini kheyaari waakhullella ni okhoota enthawi emoddave yeeyo.

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

1 Yohane 4:13

Ninnadduwella wi ninnakhalla mu eyaattano ni Mulluku nave wi olliye anakhalla mu eyaattano ni hiyaano kaambiiwa oonivaha munepaaye.

Aheberi 11:11

Ekaamba ya echikhulupililo, Sara aakhalla ni mwaana aamullopwana naari aari awuulluvalla ni oohiyara kaambiiwa Abrahamu aamukhulupilila Mulluku oyo amulonjezille.

Aroma 9:24

Vawi hiyaano tti athu ayo aawiithanneeye, ohiri ovenyera variyari va Ayudave navettho ovenyera variyari va athu ayo ehiri Ayuda.

Aroma 8:30

Nave ayo yatthoolliwe ni Mulluku, aawiithana nave awiithaniwaayo, ahaalungamiha nave ahaavaha ntitimiho naye.

Yesaya 25:1

Nyu Apwiya, nyuwaano sika Mullukwaaka, kineerewuuvahani olemu ni otitimiha nnddina nanyu. Moheera ddeko ddoottikhiniha, mookeraatthiha moororomelleya mwasimikizalleenyu khalle.

Agalatiya 2:20

sika khe miyaanottho kinakhalla mukumi koma tti Khrisitu anakhalla mwa miyaano. Okumi yoolla kiriimina, kinakhalla mu echikhulupililo mwa Mwaana a Mulluku, oyo aakikondille miyaano nave avelleella okumaaye ekaamba ya miyaano.

Aheberi 3:14

Vawi attheenehi tti akhwaaye a Khrisitu okusella naphara moohitikheya echikhulupilwaahu naariihuna vawaamba valle ophiyera omamallihello.

2 Atesalonika 2:14

Mulluku aawiithanellani ddenndda oyeella mu othenga waphaama olle nawullalleyeehu wa nyuwaano. Aawiithanani wi mwaakhellena ntitimiho na Apwiihu Yesu Khrisitu.

Yohane 17:21

Attiitthaaka, kinavekella wi attheene ekhalle amodda. Wonanko nyuwaano, munakhalla ni miyaano ni miyaano kinakhalla mwa nyuwaano, alliwattho ekhalle mwa hiyaano wi athu ellapo yavatthi yaakhulupilila wi mwaakiruma.

Yesaya 11:5

Echilungamo enaakhalle laambaaye, ororomelleya onaakhalle yoomakella muyuununi mwaye.

Tito 1:2

mootiyerella okumi woohimalla, oyo Mulluku oohoottha, aanilonjezilleeye enthawi ehinaambe.

Aefeso 3:6

Yoovittheyeeyo tti yawi mwa othenga waphaama athu ayo ehiri Ayuda ni Ayuda eneerewaakhellana madaliso a Mulluku, yaayo tti mwiilli mmodda nave ennattakanyiherana mu lonjezo nno Mulluku ennreeye oweella mwa Khrisitu Yesu.

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

Aheberi 3:1

Asinnaka ni arokoraka, muri athu a Mulluku nave mwiithaniwe ni olliye! Ganizerani dda Yesu, murummwa ni mullupa mukutho muullupalli a echikhulupililwaahu.

Aheberi 2:17

Nndda ddinattaphullella wi aphwanenlle akhalle wonanko mmodda a hiyaano mu ddittheddene wi akhalle mullupa mukuthwaahu muullupalli a echifundo ni oororomelleya voomurumeyellani Mulluku wi machimwaahu ekhululukiwe.

2 Timoteo 1:9

Olliye aanivullusa nave aaniithana wi nikhalle athwaaye, ohiri ekaamba ya mitteko ddahu koma ekaamba ya yoolingaaye ni echisomwaaye. Aanivaha echisomo mwa Khrisitu Yesu enthawi ehinaambe.

Mateyu 24:35

Oddullu ni ellapo yavatthi ddineeromalla koma mawaaka khemalla.

Agalatiya 1:15

Koma Mulluku mu echisomwaaye aakitthoolla naari kaari kihinayariwe nave aakiithana wi kimurumeyelle. Nave enthawi eyo Mulluku apanlleeye,

1 Akorinto 10:16

Kapu oyo ninaamuphariheehu mutteko va mugonelo wa Apwiya navettho oyo nnamuthokozereehuna Mulluku, naawiryellaka yeeyo ninnaattana mu nikhame na Khrisitu. Nave buledi ninamumeyameyeehu, namucha yooyo, ninnaattana mu mwiilli wa Khrisitu.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Aroma 11:17

Enthambi ddimodda dda muteekho wa olivi wawaalliwa ddahinttakeya nave enthambi ya muteekho wa olivi wa muhakani waamakellelliwavo. Nyu athu ayo ehiri Aisraele muri wonanko muteekho wa olivi wa muhakani nave munnakawanana ddaphaama dda muteekho wa olivi wawaalliwa, Aisraele.

1 Atesalonika 2:12

Nahuullipihani murima, nahuukhurumusani murima nave naanuuvekani wi mukhalleke ni makhallello oomuhakallalliha Mulluku, oyo anawiithanani nyuwaano wi muvollowe mu omwenaaye nave mu ntitimiho naye.

Akolose 1:24

Nave vano koohakallalla ni ddoohoosa ddaka ekaamba ya nyuwaano vawi kinnavirellella ohoosiwa wonanko Khrisitu ekaamba ya mwiillaaye, oyo ori mpingo.

2 Timoteo 2:13

Nakhalla oohiroromelleya, olliye annakhallave oororomelleya, kaambiiwa khanawora wiikhoota yeekhaaye.”