1 Akorinto 1:8 - Mawu a Mulluku

⁸ Eneerewuullipihani murima ophiyera va mamallihello wi muhikhalle ni yoochimwa va Nllapo na Apwiihu Yesu Khrisitu.

1 Akorinto 1:8 ပူးပေါင်းရင်းမြစ်များ

1 Atesalonika 3:13

Mwa yeella aneerewuullipihani mirima ddanyu nave muneerokhalla aphaama ni aweella vamiitthoni va Mullukwaahu ni Attiitthiihu yaawaaka Apwiihu Yesu vamodda ni athwaaye attheene.

Akolose 1:22

Koma vano oyeella mwa okhwa wa mwanaye wonanko muthu, Mulluku aawaattanihani nyuwaano ni olliye wi mukhalle aweella, oohichimwa ni oohikhalla ni nipamba vamiitthoni vaye.

Afilipi 1:6

Nave kinimasimikiza wi Mulluku, oyo aambille mutteko waphaama yoolla mwa nyuwaano, aneerovirellella ophara ophiyera akuthullalle va Nllapo na owa wa Khrisitu Yesu.

2 Atesalonika 3:3

Koma Apwiya tti oororomelleya navettho eneerewuuvahani masiva ni owaakiherani wa oonanarooyo wi ahuuvoreyeni.

Aefeso 5:27

wi iivahe yeekhaaye mpingo wookhalla ni ntitimiho, waweella ni woohikhalla ni yoonanara, woohikhalla ni nipamba apaalle mahoonya apaalle erive ello yoohikhalla phaama.

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

Afilipi 1:10

wi muwore otthoolla eyo eri yaphaama. Sika khamukhalla ni machimo ni yawiipiwana mullatu va Nllapo na owa wa Khrisitu.

2 Petro 3:14

Sika vano, akhwaaka ookondiwa, mwaatiyeraka Nllapo nenno, mweeseese okhalla aweella ni oohikhalla ni yoochimwa vamiitthoni va Mulluku navettho okhalla ni murendelle ni olliyooyo.

Aroma 14:4

Ethiyo nyu ttaani wi mumweeruze mullupa mutteko a mwaneena? Tti apwinnya ayo enoona wi oolephela apaalle oopambana. Nave aneeropambana kaambiiwa Apwiya Mulluku sika enaamweerihe wi awore opambana.

Masalimo 37:28

Apwiya ennakonda echilungamo, kheyaahiya athwiiwa oororomelleya, eneerewaasunga wa enthawi yoohimalla, koma eneerowoonga athu oonanara.

2 Petro 3:10

Koma nllapo na Apwiya nineerophiya wonanko mullupaawiiya. Va nllapo nenno oddullu oneeromalla ni okhuwa wuullupalli ni ddeko ddooddullu ddineerewoonongiwa ni munllo. Nave ellapo yavatthi ni ddeko ddittheddene dda mwemmo ddineerewooneya.

2 Akorinto 1:21

Tti Mulluku oyo anikeraatthihalle hiyaano ni nyuwaano mu eyaattano ni Khrisitu. Tti Mulluku yooyo anizozille,

Masalimo 37:17

Vawi Apwiya eneeromalliha masiva a oonanara, koma eneerewaallipiha oolungama.

1 Akorinto 5:5

Vano munamuvelleelle muthu yoolla wa Satana wi mitteko ddaye ddoochimwa ddoonongiwe vawi ddiidda munepaaye oneerovullusiwa va nllapo na Apwiya.

Luka 17:24

Vawi nllapo na mi, Mwaana a Muthu, ninaawe wonanko ettari enasherima muddullu ovenyera wookhuma nndduwa ophiyera woovollowa nndduwa.

Luka 17:30

Ddinaakhalle ddiiddo va nllapo na miyaano, Mwaana a Muthu, kawa kooneya.

Aroma 8:19

Erive ello eyo yaphatusiwe ennatiyera moopaalla wi Mulluku awuupullulle anaaye.

1 Akorinto 3:13

Nave oreera wa mutteko wa arive muthu oneerewuupullulliwa va nllapo na echiweruzo vawi nllaponno nineerophiya ni munllo nave munllooyo sika onaalinge mitteko dda arive muthu.

2 Akorinto 1:13

Nnuulembellani ddennddove munaaworeenyu weerenga ni wiiwesesa. Nave naari vano munniiwesesa vang'ono, kinatiyera wi muwiiwesesa mookwakhwanella omamallihello. Wawi va Nllapo na Apwiihu Yesu Khrisitu muneeronikotella wonanko mmo ninuukotelleehuni.

Akolose 2:7

Tthipellani misisi ddanyu moowallamella mwa olliye, okumaanyu omakeye va olliyooyo nave mukhalle oollipa mu echikhulupilwaanyu wonanko mmo mwahuddihiweenyu. Nave muthokozeke wunchichi.

1 Atesalonika 5:2

Vawi nyuwaano nyookha munnadduwella phaamaddene wi nllapo na Apwiya nineerophiya wonanko mullupaawiiya mahiiyu.

2 Atesalonika 2:2

wi maganizwaanyu ehitikheyeke mwawaakuva apaalle waapheellihiwa muru ni mawu awi nllapo na Apwiya noophiya naari mawu yaayo eri oollotelliwa apaalle oollotiwa apaalle oolembiwa mu kalata ni hiyaano.

2 Timoteo 1:12

Ekaamba ya yeella kohoona ddoohoosanndda. Nave nginawulliwa muru kaambiiwa kinnamudduwella oyo kinamukhulupilileemi nave kinnasimikiza wi annawora osunga phaama eyo aakinnyenreeye ophiyera nllapo noomallihella.

2 Timoteo 1:18

Apwiya emweerelle echifundo va nllapo noomallihanno. Nave onnadduwella phaama mmo aakikaviherelleeye o Efeso.