1 Akorinto 1:4 - Mawu a Mulluku

⁴ Kinnamuthokoza Mullukwaaka mallapo mattheene ekaamba ya nyuwaano vawi ohuuvahani echisomwaaye mwa Khrisitu Yesu.

1 Akorinto 1:4 ပူးပေါင်းရင်းမြစ်များ

Aroma 1:8

Vawaamba, kinnamuthokoza Mullukwaaka oweella mwa Yesu Khrisitu ekaamba ya nyuwaano vawi ellapo yavatthi ettheene enniiwa dda echikhulupilwaanyu.

Yohane 14:26

Ookavihera, Munepa Waweella, oyo Attiitthaaka enaamurumiiwa mu nnddina naka, aneerewuuhuddihani erive ello ni owuupusani ddeko ddittheddene kuulleelleemini.

1 Timoteo 1:14

Nave Apwiihu yahiithellella echisomwiiwa yinchichi va miyaano, ekivahattho echikhulupililo ni echikondi nnddo ddiri ddahu oweella mwa Khrisitu Yesu.

Aroma 6:17

Koma Mulluku athokoziwe! Vawi naari khalle mwaari akaporo a machimo, mohiiwellella ni murimaanyu muttheene yawoona ya ehuddiho eyo munathwareenyu moohiyavo murima.

Yohane 15:26

“Nave Ookavihera oyo kinaamurumiheemi wa nyuwaano ovenyera wa Attiitthaaka aneeroowa. Vano olliyooyo tti Munepa wawoona woovenyera wa Attiitthiihu, yooyo oneerovelleella omboni dda miyaano.

Yohane 14:16

Miyaano kineerewaaveka Attiitthaaka nave eneerewuuvahani nyuwaano Ookavihera mmodda oyo anaakhalle ni nyuwaano wa enthawi yoohimalla.

1 Akorinto 1:3

Echisomo ni murendelle dda Mulluku Attiitthiihu ni Apwiya Yesu Khrisitu ddikhalle ni nyuwaano.

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Yohane 14:14

Mwakiveka erive ello mu nnddina naka, kineereweera.

Yohane 10:30

Miyaano ni Attiitthaaka niri amodda.”

Mitteko 21:20

Yiiwalliiwa, yaamutitimiha Mulluku. Nave yaallota wi, “Mwanamunnihu Paulo onnoona vano wi Ayuda anchichi tti ookhulupilila navettho attheenaayo enniivelleella voothwarani malamulo.

Mateyu 19:11

Yesu ahaakhulla wi, “Khe athu attheene enawiiwesese ehuddiho ella koma wa yaayove ayo evahiwe ni Mulluku.