1 Akorinto 1:21 - Mawu a Mulluku

²¹ Vawi Mulluku mu ezeru ddaye aheeriha wi athu ehimudduwelle olliye voopharihani mutteko ezeru ddiwa. Koma Mulluku aapaalla waavullusa athu ookhulupilila mwa othenga wookarangeya ninallalleyeehu.

1 Akorinto 1:21 ပူးပေါင်းရင်းမြစ်များ

Luka 10:21

Yesu addalliwe ni Ehakallallo ya Munepa Waweella, enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera. Ee, Attiitthaaka, nndda ddeereye kaambiiwa ddahuuhakallallihani.

Mateyu 11:25

Enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera.

Aefeso 3:10

wi va enthawi yeella, oweella mu mpingo, oolamulella ni masiva ooddullu edduwelle dda ezeru ddaye ddoohiyanahiyana.

1 Akorinto 1:24

Koma wa ayo yiithaniwe ni Mulluku, Ayuda ni athu ayo ehiri Ayuda, Khrisitu tti masiva a Mulluku ni ezeru ya Mulluku.

Daniele 2:20

Olliye aallota wi, “Nnddina na Mulluku nititimihiwe wa enthawi yoohimalla, ezeru ni masiva ddittheddene tti ddaaye.

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

Aroma 11:33

Eyuuma ya Mulluku tti yinchichi! Ezeru ddaye ni odduwella waye tti ddoowallamella! Khaavo anaawore wiiwesesa echiweruzwaaye! Khaavo anaawore wiiwesesa ettilla ddaye!

Luka 12:32

“Muhoove, nyuwaano ayo muri wonanko mulloko wa enkhosa ddooweerengeya vawi Attiitthaanyu yaakonda wi yuuvaheni omweniiwa.

Yohane 12:31

Vano ella sika enthawi yaweeruza ellapo yavattheella nave oolamulella a ellapo yavattheella aneerovokhiwa otte.

1 Akorinto 1:18

Othenga wa okhwa wa Khrisitu vamutandani tti wookarangeya wa ayo enaawoonongeye. Koma wa hiyaano ninaavullusiwe ori masiva a Mulluku.

1 Akorinto 1:23

Koma hiyaano, ninallalleya dda Khrisitu ootthomeyiwa vamutandani. Othenga yoolla tti wookukhumulla wa Ayuda ni wookarangeya wa athu ayo ehiri Ayuda.

1 Akorinto 1:25

Vawi naari ello ya Mulluku eyo enooneya wi tti yookarangeya, tti ya ezeru ohiyana ni ezeru ya athu. Naari ello ya Mulluku eyo enooneya wi tti yoofooka, tti yamasiva ohiyana ni masiva a athu.

1 Akorinto 1:27

Koma Mulluku aatthoolla nnddo ddiri ddookarangeya vamiitthoni va athu wi aawullihe muru athu eezeru. Aatthoolla nnddo ddiri ddoofooka wa athu wi aawullihe muru athu amasiva.

1 Akorinto 2:14

Oyo ahinna Munepa khawora waakhella emphaso ddoovenyera wa Munepa a Mulluku. Athu yaayo kheniiwesesa emphasonnddo, khaddinna mutteko wa alliwaayo kaambiiwa oreera wiwa onadduwanyeya mwa Munepa Waweella.

1 Akorinto 4:10

Hiyaano tti ookarangeya ekaamba ya Khrisitu koma nyuwaano tti eezeru mwa Khrisitu! Hiyaano tti oofooka koma nyuwaano tti amasiva! Nyuwaano munnavahiwa olemu koma hiyaano ninnavevulliwa!

1 Akorinto 6:2

Ethiyo khamunadduwella wi athu a Mulluku eneereweeruza ellapo yavatthi? Nave mwawora weeruza ellapo yavatthi, khamuwora weeruza millatu dding'onong'ono?

1 Akorinto 11:32

Koma ninneeruziwa ni ollakiwa ni Apwiya wi nihiipiwe mullatu vamodda ni ellapo yavatthi.

Agalatiya 1:15

Koma Mulluku mu echisomwaaye aakitthoolla naari kaari kihinayariwe nave aakiithana wi kimurumeyelle. Nave enthawi eyo Mulluku apanlleeye,

Agalatiya 4:8

Khalle khamwamudduwenlle Mulluku, sika mwaari akaporo a ddoophatusiwa ddoohikhalla milluku.

Aefeso 1:9

Mulluku aheera yoolinga eyo apaalleeye weera nave aanilleella yoolinga yoovittheya eyo aganizalleeye wi amallihe mwa Khrisitu.

Akolose 1:19

Vawi Mulluku aaganiza wi oonihe makhallellwaaye mattheene mwa Mwaanooyo.

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

Yakobo 5:15

Nivekello nenna naweeriwa mu echikhulupililo nineeromuchiriha oovoriiwooyo. Apwiya eneeromuvenyiha nave aari achimwalle, aneerokhululukelliwa.

Yakobo 5:20

mudduwelle wi arive muthu oyo anamuhokollosa oochimwa mu ettillaaye yoohollowa, aneerovullusa okumi wa muthooyo wuukhwaani nave machimo manchichi eneerokhululukelliwa ekaamba ya olliyooyo.