1 Akorinto 1:17 - Mawu a Mulluku

¹⁷ Khrisitu khaakirumalle miyaano wi kibatize. Koma aakirumalle wi killalleye othenga waphaama moohipharihani mutteko mawu eezeru manchichi wi okhwa wa Khrisitu vamutandani ovirellelle okhalla ni masiva.

1 Akorinto 1:17 ပူးပေါင်းရင်းမြစ်များ

1 Akorinto 2:1

Asinnaka ni arokoraka, kawiilleemi wa nyuwaano wi killalleye yookhuweya yawoona ya Mulluku, ngaallotille wonanko muthu aruso ni oodduwella dduullupalli.

1 Akorinto 2:13

Sika vano khenallota ddenndda mu mawu oohuddihiwa ni ezeru dda athu koma ni mawu oohuddihiwa ni Munepa vawi ninnatthopoolla ddawoona dda munepa wa ayo erina Munepa.

2 Petro 1:16

Hiyaano khanithwanre miyaha ddawiiwa vawuulleellani dda owa wuullupalli wa Apwiihu Yesu Khrisitu. Koma nahoona ottekweenaaye ni miitthwaahu.

2 Akorinto 10:10

Vawi amodda enallota wi, “Makalata a Paulo tti amasiva ni oowalli. Koma akhalla ni hiyaano, anakhalla oofooka nave mawaaye tti oohikhalla ni mutteko.”

2 Akorinto 4:2

Noohiya ddaweera ddawiipittheya ni ddoowulliha muru nave ddaweera ddahu khe ddawoottha apaalle waanganyera mawu a Mulluku. Koma ninnallalleya ddawoona vaweella wiitetheella wonanko omboni wa arive muthu ni vamiitthoni va Mulluku.

Yohane 4:2

(Naari Yesu ahimubatizalle arive muthu koma oohudderaaye sika yaabatiza.)

2 Akorinto 11:6

Apaalle miyaano nginna eruso yoollota koma kookhalla ni eruso yoodduwella. Vawi noowoonihani yeella phaamaddene enthawi ddittheddene ni mu ddeko ddittheddene.

Mitteko 10:48

Sika ahalamulella wi ebatiziwe mu nnddina na Yesu Khrisitu. Nave yaamukoha wi akhallena wenko wa mallapo ooyeva.

Yohane 4:1

Afarisi* yahiiwa wi Yesu annaakopa ni waabatiza oohuddera anchichi omukhwaranya Yohane.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.