1 Akorinto 1:14 - Mawu a Mulluku

¹⁴ Kinnamuthokoza Mulluku wi ngaamubatizalle naari mmodda a nyuwaano ompatula Krispo ni Gayo.

1 Akorinto 1:14 ပူးပေါင်းရင်းမြစ်များ

Mitteko 18:8

Krispo oyo aari muttekweene a mu enyumba yamavekello, aakhulupilila mwa Apwiya vamodda ni nibanja naye nittheene. Nave athu amodda anchichi a o Korinto ayo yiiwalle mawu a Paulo, yaakhulupilila nave yaabatiziwa.

Aroma 16:23

Gayo, oyo anakirumeyella miyaano vamodda ni mpingo muttheene mpa mwaye, annuuvahani mooni. Erasito, oosunga makobiri a m'muzindani ni Kwarto mwanamunnihu, ennuuvahani mooni.

1 Atesalonika 5:18

Muthokozeke mu ddittheddene. Vawi nndda sika Mulluku anapaalleeye wi mweereke nyuwaano muri mu eyaattano mwa Khrisitu Yesu.

Akolose 3:17

Vano erive ello muneereenyu apaalle munalloteenyu enaphwanella yeeriwe mu nnddina na Apwiya Yesu, mwaamuthokozaka Mulluku Attiitthaanyu oweella mwa olliyooyo.

Akolose 3:15

Murendelle oyo Khrisitu anavaheeye wuuhoollellekeni m'murimani mwanyu vawi Mulluku awiithanani wi mukhalle nimodda mu murendelle yoolla vawi muri mwiilli mmodda. Nave muthokozeke.

Aefeso 5:20

Mumuthokozeke Mulluku Attiitthiihu enthawi ddittheddene ni ekaamba ya ddittheddene mu nnddina na Apwiihu Yesu Khrisitu.

2 Akorinto 2:14

Mulluku athokoziwe! Vawi mu eyaattano ni Khrisitu Mulluku annanihoollella enthawi ddittheddene wi nigonjiheke. Navettho Mulluku ananiphariha mutteko woovuwiha ddoodduwella dda Khrisitu virive veko wonanko nthuko naphaama.

1 Akorinto 14:18

Kinamuthokoza Mulluku kaambiiwa kinnallota ellotello ddoohidduwanyeya wunchichi ohiyana ni nyuwaano attheene.

1 Akorinto 1:4

Kinnamuthokoza Mullukwaaka mallapo mattheene ekaamba ya nyuwaano vawi ohuuvahani echisomwaaye mwa Khrisitu Yesu.

Filemoni 1:4

Kinnamuthokoza Mullukwaaka mallapo mattheene kaawuuganizaka weyaano Filemoni m'mavekelloni mwaka.

1 Timoteo 1:12

Kinamuthokoza Khrisitu Yesu Apwiihu oyo akivahille masiva va muttekwaakoolla. Kinamuthokozattho vookeerani oororomelleya ni okitthoolla wi kimurumeyelle,

Mitteko 10:48

Sika ahalamulella wi ebatiziwe mu nnddina na Yesu Khrisitu. Nave yaamukoha wi akhallena wenko wa mallapo ooyeva.

1 Akorinto 1:15

Sika khaavo mmodda a nyuwaano anaallote wi aabatiziwa mu nnddina naka.