1 Akorinto 1:10 - Mawu a Mulluku

¹⁰ Mu nnddina na Apwiihu Yesu Khrisitu kinimuuvekani nyuwaano attheene, asinnaka ni arokoraka wi mwiiwananeke va nnddo munalloteenyu wi vihikhalle okawaneya variyari vanyu. Mukhalleke awaattana m'murimani mwanyu ni m'maganizoni mwanyu.

1 Akorinto 1:10 ပူးပေါင်းရင်းမြစ်များ

1 Akorinto 12:25

Sika vihikhalle okawaneya m'mwiillini koma eziwalo ddittheddene ddiphwanaphwaneke moopwathana emodda ni ekhwaaye.

Aroma 12:16

Mukhalleke mwawiiwanana mmodda ni mukhwaaye. Nave muhiitukhulleke koma mwaakhullelle weera ddeko ddawiiyeviha nave muhiganizeke wi muri eezeru.

2 Akorinto 13:11

Asinnaka ni arokoraka, hallani phaama! Mullipihelleke okhalla aphaama wunchichi, mwiiwellelleke nnddo kinuuvekeemini, mwiiwananeke mmodda ni mukhwaaye, mukhalleke m'murendelleni. Vano Mulluku a echikondi ni murendelle aneerokhalla ni nyuwaano.

Masalimo 133:1

Ngoonani, tti wooddiva ni woohakallalliha athu yakhalla amodda moobale!

1 Akorinto 11:18

Vawaamba, koolleelliwa wi vookhalla okawaneya mumpingoni mwanyu mwaatthukumanaka nave vang'onove kinnoona wi tti ddawoona.

Afilipi 1:27

Vano yoopaalleya tti yawi mukhalleke moollikana ni othenga wa Khrisitu. Sika naari kiwe apaalle kihiwe wi kiwooneni kineerewiiwa wi mohiimella moohitikheya moowiiwanana moophara mutteko moollipa nimodda ekaamba ya echikhulupililo mu othenga waphaama.

Aroma 16:17

Asinnaka ni arokoraka, kinimuuvekani nyuwaano wi muchenjerekena athu ayo enaakawaniha athu ni owaapheelliha muru voohuddihani ddoohiyana ni nnddo mwahudderennyu. Muhiwaatamelleke yaayo.

2 Akorinto 5:20

Vano hiyaano tti akazembe a Khrisitu nave Mulluku annuuvekani oweella mwa hiyaano. Vano ninnuuvekani munipuroni mwa Khrisitu wi mwaattanihiwe ni Mulluku.

1 Akorinto 4:16

Vano kinimuuvekani wi mukittakihere miyaano.

Mitteko 4:32

Mulloko wa ookhulupililaayo waari wowiiwanana m'murimani mwiwa mutthemwene ni m'maganizoni mwiwa mutthemwene. Khaarivo oyo allotille wi ello aariiyena tti yaayeyaaye koma yaanakawana attheene ddeko ddittheddene yaariiwana.

Yeremiya 32:39

Kineerewaavaha murima mmodda ni meetello mamodda wi ekooveke enthawi ddittheddene. Sika alliwa ni aniiwa ddeko ddineerekoweetella phaama.

Yohane 17:23

Miyaano mwa alliwa nave nyuwaano mwa miyaano wi ekwakhwanelle okhalla amodda wi athu a ellapo yavatthi edduwelle wi mwaakiruma miyaano nave wi munnaakonda wonanko mmo munakikondelleenyu miyaano.

1 Atesalonika 5:13

Mwaavaheke yaayo olemu wunchichi ni echikondi ekaamba ya mutteko enaphariiwa. Variyari vanyu vikhalleke murendelle.

Aroma 12:1

Sika asinnaka ni arokoraka, kinimuuvekani ekaamba ya echifundo ya Mulluku wi mwiiheraatthi nyookhaanyu wi mukhalle mukutho wookumi, waweella ni wawaakhelliwa wa Mulluku. Ella sika ettilla yaphaama yoomullapellella.

Yohane 10:19

Mawu yaalla yaaweeriha Ayuda wi evaanyihane.

1 Petro 2:11

Kinimuuvekani nyuwaano ookondiwaaka wi muhaakhullelleke minkhella dda mwiilli nnddo ddinawana ni Munepa vawi nyuwaano mu ellapweella muri wonanko alleto ni oothawa owaniwa.

2 Timoteo 4:1

Vamiitthoni va Mulluku ni va Khrisitu Yesu, oyo anaaweeruze athu attheene ookumi ni ookhwa nave oyo anaawe wi alamulelle wonanko Mwene, kinimuulamula weyaano wi,

Afilipi 3:16

Naari ddeerevedde, hankoni nivirerelle moollikana ni ehuddiho ninathwareehu ophiyera ollello.

2 Akorinto 10:1

Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.

Yohane 7:43

Sika waakhalla ovaanyihana m'mullokonoolle ekaamba ya Yesu.

Mariko 2:21

“Khaavo muthu anakusa echigamba ya ekuwo esha asowella va yoowara yakhalle. Vawi echigamba esheeyo eneerokwinyeya ni waahulla yoowareeyo wunchichi ohiyana ni khalle.

Mateyu 9:16

“Khaavo muthu anakusa echigamba ya ekuwo esha asowella va yoowara yakhalle. Vawi echigamba esheeyo eneerokwinyeya ni waahulla yoowareeyo wunchichi ohiyana ni khalle.

1 Timoteo 5:21

Vamiitthoni va Mulluku ni Khrisitu Yesu ni angelo ootthoolliwa kinimuulamula wi othware malamulo yaalla moohiweha ekhove apaalle mookondella.

2 Atesalonika 2:1

Ninnuuvekani nyuwaano asinnihu ni arokorihu va dda owa wa Apwiihu Yesu Khrisitu navettho ni dda otthukumana wahu wi nikumanena,

Agalatiya 4:12

Kinimuuvekani, asinnaka ni arokoraka, mukhalle wonanko miyaano vawi miyaanottho kiri wonanko nyuwaano. Khamwaakeerenlle erive ello yoonanara.

2 Akorinto 6:1

Sika voopharani mutteko vamodda ni Mulluku, ninnuuvekani nyuwaano mwaakhenlle echisomo ya Mulluku wi ehikhalle yoohikhalla ni mutteko.

Aroma 15:30

Asinnaka ni arokoraka, vano kinimuuvekani, oweella mwa Apwiihu Yesu Khrisitu navettho ni echikondi ya Munepa Waweella wi nipharane matta vookivekellani moollipiha wa Mulluku.

Yohane 9:16

Amodda a Afarisi yaallota wi, “Muthu amuchirihalloolla khe oovenyera wa Mulluku kaambiiwa khanathwara malamulo a nllapo na Sabata.” Koma amodda yaallota wi, “Muthu oochimwa ttuuwora mwawiidde weera ddoottikhiniha ddawi ddiidda?” Nave waari ovaanyihana mwa yaayo.

Aroma 1:13

Asinnaka ni arokoraka, kinapaalla mudduwelle wi enthawi ddinchichi kaapaalla owa wa nyuwaano koma yookhallavo emoddeene yakilepheliha owa. Vawi kinapaalla kiweerihe athu variyari va nyuwaano wi ekhulupilile wonanko mmo keerelleemi wa athu amodda ayo ehiri Ayuda.

1 Akorinto 1:11

Vawi athu amodda a mu nibanja na Koloe aakilleella wi vookhalla okangana variyari vanyu, asinnakanyu ni arokorakanyu.

1 Akorinto 3:3

kaambiiwa munakhallave wonanko enakhallella athu a ellapo yavatthi ella. Vaakhalla ehache ni okangana variyari vanyu, nndda khaddinoonihella wi nyuwaano tti a ellapo yavatthi ella ni okhalla ni makhallello a muthu?

2 Akorinto 13:9

Ninnahakallalla wi hiyaano naafookaka nyuwaano munnakhalla ni masiva. Nave ninnavekellattho wi mukhalle aphaama wunchichi.

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

Yoswa 22:15

Ephiyalle o ellapo ya Giliyadi, yaallota ni athu a nlloko na Rubeni, na Gadi ni hafu a nlloko na Manase wi,

Mariko 3:24

Orive omwene wakawaneya va weekhiiwa ni owana, khollekella omalla.