Nyabusulu ya Yowane 9:20 - Musamu Wamubwete 2013

²⁰ Baatu babamosi, bari basii fwa mu bitsuumbu bya mpasi dzidzo ko, basii yiinga madyeele ko, mu ntoono biyiriki bya myooko myaaku, kuri bahotiri kusaambila mampeeve mamabi, na biteki bya woolo, bya palata, bya nsoongo, bya matari na bya miti, biri byamona ko, byayuka ko, na bikookweyendaa ko.

Nyabusulu ya Yowane 9:20 ပူးပေါင်းရင်းမြစ်များ

Musamu wamubwete watina Matayi 21:32

Bukuri Yowane wayisa kuri beenu mu nzila ya nsungumunu, beenu lwasii siila kanyi mu nde; kasi batori ba mpaku na bakyeetu ba biyala basiila kanyi mu nde. Ngo beenu lwamono, kasi ha mambisa haho lwahele kuyiinga dyeele, mu kusiila kanyi mu nde.»

Biyiriki bya Bantumu 17:29

Ngo bu turi kitsuumbu kimosi na Nzaambi, lo yaa tutsima ko ti nde wafwanikina na woolo, na palata, na tari bunu pe kiteki kyahala mu bunkete na mu bitsimi bya baatu.

Biyiriki bya Bantumu 19:26

lutala na luyuka ti ka kunu ku Efeso ko, ngo kampe mu Asya dyodinso, Pawulo, wayukusa baatu, na mpuumbu yalaka yahoomboko kuri nde, wukweleele ti, banzaambi bayiriku mu myooko mya baatu, bari banzaambi ko.

Biyiriki bya Bantumu 7:41

Na bo batsula mwaana ngoombo mu biluumbu bibyo, badzusa kibulu mu kikabu kuri kiteki kikyo, na bamono kiminu mu biyiriki bya myooko myaaku.

2 Kol 12:21

Me nyibata kuri ti, ha nyibweese kwiisa, Nzaambi kankulula ha busu bwa beenu, na me nkoto bufwiiri, mu ntoono balaka bayirikiri masumu mu ntaangu yayikulu, na bahele kuyiinga madyeele mu kuhoto kuyirika, mya nsumukunu, mya kimpala na mya buyala.

1 Tim 4:1

Mpeeve wuyirika luleele ti: mu mantaangu ma nsukulu, babamosi sa bayekele kanyi, mu kukaangama mu mampeeve ma mawunu, na mu nyikusulu dza mampeeve mamabi,

Nyabusulu ya Yowane 15:1

Me nyamono kidiimbu kikimi kyakinene, na kya nkimukunu ku yulu; bambasi nsaamu baba na biteesu nsaamu bya mpasi bya mpotulu. Mu byo, nkesi dza Nzaambi dziwiila.

Nyabusulu ya Yowane 16:8

Mbasi yabana yatsaamuna mbasa yaandi ha yulu ntaangu, nde bamuha miswa mya kuyoko baatu mu mbaawu.

Nyabusulu ya Yowane 9:19

Mukwongo, makwa ma makavaalu mari mu minwa myaaku, na mu mikila myaaku. Mikila mya bo, miri na mitu miri bunu mitu mya banyoko, mu myo bakoomonisaa baatu mpasi.

Nyabusulu ya Yowane 9:21

Bo basii yiinga madyeele se ko, mu ntoono ya kwedzusa baatu, kweloko baatu, kwesalila buyala na kweyiba.