Nyabusulu ya Yowane 8:10 - Musamu Wamubwete 2013

¹⁰ Mbasi yabatatu yasika mvumvuri, mbwetete mosi yayinene yikweluluka bunu kyufu kya mbaawu, yanangukina ku yulu, yasonoko na yabwa, ha yulu kibari kimosi mu bibari bitatu bya manyari, na mu bidzinga bya maampa.

Nyabusulu ya Yowane 8:10 ပူးပေါင်းရင်းမြစ်များ

Musamu wamubwete watina Matayi 25:1

«Kimfumu kya mayulu kya fwanikina na bantuumba kuumi banswaasa, bari bu baholo miinda mya bo, bayende mu kweebwaana mulumi.

Musamu wamubwete watina Luka 10:18

Yesu waleele kuri bo ti: «Me mbee mono Satana bunu nseremi, yiyisikiri ku yulu na yibwiiri!

Mukaanda Yuda 1:13

Bo ngo mipaku mya mubu mya kibakala, mitoombolaa fula dya nsoni dzaaku, bambwetete bakweyiima, ba bari bawungukila, mampimbisi ma bubokoro mu mantaangu momanso.

Nyabusulu ya Yowane 1:20

Mpaanu dza bambwetete nsaamu, ba mwiini mu kooko kwaami kwa lubakala, na bitetukulu bya miinda nsaamu byawoolo dziri bumabu: bambwetete nsaamu ngo bambasi ba mabuundu nsaamu, na bitetukulu bya miinda nsaamu ngo mabuundu mo nsaamu.»

Nyabusulu ya Yowane 12:4

Mukila waandi wakoombolo ndaambu mosi, mu mandaambu matatu ma bambwetete bari ku yulu, na wabatuba ha butoto. Maŋataŋo wateleme ha busu bwa mukyeetu waba weki buta, mpisi heki, kamanaa kubuta, kamumingutina na mwaana.

Nyabusulu ya Yowane 14:7

yikweleele mu mbeembu yayinene ti: «Bvuminee Nzaambi na muheenee nkeembu, bukuri kilookolo ki katsuundisa nde baatu kiisiri; saambilee wunde wayirika yulu na butoto, mubu na manto ma maampa!»

Nyabusulu ya Yowane 16:4

Yabatatu yatsaamuna mbasa yaandi mu manyari, na mu manto ma maampa, na maampa makituka makila.

Nyabusulu ya Yowane 6:13

Bambwetete baba ku yulu basonoko ha butoto, bunu busononaa mungenge bimbutu byaandi byankaaka, habaanaa kiteembu kya makwa, kiri mu kumuningisa.

Nyabusulu ya Yowane 8:7

Mbasi yatete yasika mvumvuri; bvula ya mindiingi yabvuuta na mbaawu na makila yanoko ha butoto. Kibari kya butoto kimosi mu bitatu kyanyeenge, ndaambu miti mosi mu mandaambu matatu yanyeenge, na bitiiti byobinso bya maampa byanyeenge.

Nyabusulu ya Yowane 9:1

Mbasi yabataanu yasika mvumvuri, na me nyamono mbwetete, yanangukina ku yulu, yibwiiri ha butoto, baha mbwetete yiyo fungula dya bulu dya lubila,

Nyabusulu ya Yowane 9:15

Bambasi bobana babanyanguna; bo baba bayirima mu kilookolo, mu kiluumbu, mu ngoondo, na mu mubvu, mu kudzusa ndaambu mosi, mu mandaambu matatu ma baatu.

Nyabusulu ya Yowane 9:18

Ndaambu mosi, mu mandaambu matatu ma baatu, yawa kufwa mu bitsuumbu bya mpasi byo bitatu bibyo: mbaawu, mwiisi na mfulu dza ntiinta ya musaka-nkala, byaba palaana mu minwa mya bo.