Nyabusulu ya Yowane 7:9 - Musamu Wamubwete 2013

⁹ Ha mambisa haho, me nyatala na nyamono mpuumbu baatu yayinene, yiri muutu ti mosi lo wahele kubangisina kutaanga, baatu ba mansi momanso, ba bitsuumbu byobinso, ba makaanda, na ba mandiinga momanso, baba bateleme ha busu bwa mboloko, na ha busu bwa Mwaana kimeeme, baba balwaata madzweele mahembeke na bakwaata matsweenyi mu myooko.

Nyabusulu ya Yowane 7:9 ပူးပေါင်းရင်းမြစ်များ

Musamu wamubwete watina Luka 12:1

Mu mantaangu mamo, mafuunda ma baatu makutukina, mu kiteesu kiri babamosi bakwedyaata mu yulu bitaambi bya bakaka. Yesu wabeke kudzoonso dyatete kuri bayiki baandi ti: «Seenee madyeele mu ntoono lufunusu lwa Bafarisi, ngo bumpitu-bumpyoongo bwa bo.

Musamu wamubwete watina Luka 21:36

Beenee naana, saambileenu mu mpisi ntaangu, mpisi lubaka makwa ma kubvuuka mu momanso makwiisa mamo, na kuba bateleme ha busu bwa Mwaana muutu.»

Musamu wamubwete watina Yowane 12:13

Baatu baholo matsweeni na bapala mu kweenmubwaana. Bo babeke kubikisa ti: «Hosaana! Kaba wasakumunu, wunde wukwiisa mu nkuumbu ya Mfumu, [na] mbyaasi ya Isaheli.»

Mukaanda kuri bari Loma 11:25

Bampaangi, me ntii ko ti beenu luba kunsa lubu, mu mitariri mpaanu yimayi, mpisi luhele kumonoko bunu bangaa-madyeele mu beenu-meene, bukuri nkubulu mutima ya ndaambu kaanda dya Isaheli sa yaba, natee makaanda momanso makotiri.

Mukaanda kuri bari Efeso 6:13

Hango-nkuumbu, holeenu binwaanunu bya Nzaambi, mpisi heki lubangusina kusa bunkuri mu kiluumbu kyakibi, na kuba bateleme na ngwii, bu lumeeni kuyirika momanso.

Mukaanda kuri Bahebeleho 11:12

Hango-nkuumbu, mu muutu mosi, wuri weki wayaaba lufwa, mwabutuka biseendu biri kufuna bunu bambwetete ku yulu, na bunu munyeenge mu simu dya mubu wuri bwa kutaangula pe.

Mukaanda kuri Bahebeleho 12:22

Ngo kasi beenu lwakokosiri bebele na mulaandu wa Syoni, na bvula dya Nzaambi ya mwooyo, Yerusalemi dya ku yulu, na mafuunda ma bambasi makutukina mu munkeembu,

Nyabusulu ya Yowane 11:15

Mbasi yansaamu yasika mvumvuri. Mambeembu mamanene mayukukuna ku yulu maleele ti: «Kimfumu kya nsi kyeki kuri Mfumu yeetu, na kuri Kiristo dyaandi. Nde sa katuma mu bibvu ngo bibvu.»

Nyabusulu ya Yowane 22:3

Kubweese kuba mampopi ko. Mboloko Nzaambi bo na Mwaana kimeeme sa yiba ha kakati dya bvula, na bisari byaandi sa bamusaambila.

Nyabusulu ya Yowane 3:18

Ndoongi yi nyikuha, yiri ti suumba woolo dyatsyeemusu mu mbaawu kuri me, mpisi heki ye ba kisina, suumba binkuta byahembeke, wubilwaata mpisi sweeke nsoni dza kimpene kyaaku; suumba se mukelu wa kutsoniso mu miisu mpisi ye mono.

Nyabusulu ya Yowane 4:4

Mu teteke dya mboloko, mwaba makuumi moolo na mana ma mamboloko, na ha yulu mo binuni makuumi moolo na bina byaba byadzakala, byalwaata binkuta byahembeke na nkoongolo dzawoolo mu yulu mitu.

Nyabusulu ya Yowane 5:11

Me nyamono, na nyayuka mbeembu ya fundu-fundu ya bambasi badyengekele mboloko, bibulu na binuni. Lutaangu lwa bo lwaba byaasi mu byaasi na mafuunda ku kifuunda,

Nyabusulu ya Yowane 5:9

Baba yimbilaana mukuunga wamoono ti: «Ye wayelemene kuholo mukaanda, na kudzibula binyemu byaandi, bukuri ye bakukekiri, na mu makila maaku, ye wakuula baatu mu ntoono Nzaambi, ba bitsuumbu byobinso, mandiinga momanso, baatu bobanso, na makaanda momanso.

Nyabusulu ya Yowane 6:11

Kuri mosi-mosi mu bo, bayakisa dzweele dyahembeke, na babaleele ti, bakiinga mu mwaa-ntaangu yantele, natee kukuka lutaangu lwa bambaasi ba bo, bari mu bunkutu, na bampaangi ba bo baba badzusu bunu bo.

Nyabusulu ya Yowane 7:8

mu kaanda dya Dzabuloni mafuunda kuumi na moolo; mu kaanda dya Yosefi mafuunda kuumi na moolo; mu kaanda dya Benyamini mafuunda kuumi na moolo ma ba basiiri binyemu.