Nyabusulu ya Yowane 7:2 - Musamu Wamubwete 2013

² Na me nyamono mbasi yikimi, yaba naaka ku mpele ya este, yaba yakwaata kinyemu kya Nzaambi yamwooyo. Nde wabikisa mu mbeembu yayinene kuri bambasi bobana, ba bari baloombo mu kumonoso butoto na mubu mpasi,

Nyabusulu ya Yowane 7:2 ပူးပေါင်းရင်းမြစ်များ

Musamu wamubwete watina Matayi 16:16

Simoni Petelo wabvutula, waleele ti: «Ye ngo Kiristo, Mwaana wa Nzaambi ya mwooyo.»

Musamu wamubwete watina Matayi 26:63

Yesu waba wawura. Mukuutu bangaanga-nzaambi waleele kuri nde ti: «Me nyikuloombo, mu nkuumbu ya Nzaambi ya mwooyo, tuleele mbuti ye ngo Kiristo, Mwaana Nzaambi.»

Musamu wamubwete watina Yowane 6:27

Salee, kari mu ntoono byandya bibolaa ko, ngo mu ntoono byandya binamitinaa mu kidziingu kyahele manunu, mbasi-tsuku biluha Mwaana muutu, bukuri nde Taayi Nzaambi, kari kasa kinyemu kyaandi.»

2 Kol 1:22

nde se watusa kinyemu kyaandi, na wasuusa bidiimbu bya Mpeeve munsa mitima myeetu.

Mukaanda kuri bari Efeso 1:13

Mu nde, beenu luri lwayuka maampu ma ngwanwa, Musamu Wamubwete wa mvuukulu yeenu. Mu nde se, bu lwasiiriri kanyi, balusiiri kidiimbu mu Mpeeve Yangisi ya lusiilulu.

Mukaanda kuri bari Efeso 4:30

Yaa lunyoongoso Mpeeve Yangisi ya Nzaambi ko, mu yo beenu bari balusa kidiimbu mu kiluumbu kya nkuululu.

1 Tes 1:9

Bukuri bobanso bakwedzoonsolo mu beetu, mu ntambukulu yi lwatutaamburi ha twayisiri kuri beenu, na bunu bu luri lwasiisila beenu biteki na kusyeeteke kuri Nzaambi, mu kusalila nde, Nzaambi ya mwooyo na ya ngwanwa,

2 Tim 2:19

Diri dyangwanwa ti lufulu lwa sa Nzaambi lwa makwa lwateleme, luri na kinyemu kyatina ti: «Mfumu yaari baatu baandi, na wunde wutaangunaa nkuumbu Mfumu, yelemini kutatuka na mamabi.»

Mukaanda kuri Bahebeleho 12:22

Ngo kasi beenu lwakokosiri bebele na mulaandu wa Syoni, na bvula dya Nzaambi ya mwooyo, Yerusalemi dya ku yulu, na mafuunda ma bambasi makutukina mu munkeembu,

Nyabusulu ya Yowane 1:3

Kiminu kiri na muutu wunde wutaanga mukaanda wu, na kiri na bayuka maampu ma mbikululu, na bakebaa mari mu yo, bukuri ntaangu yeki bebele.

Nyabusulu ya Yowane 10:1

Me nyamono mbasi yikimi, yiri na makwa yanangukina ku yulu, yasunduka, yalwaata tuti, na wuri na mungongolo ha yulu mutu waandi, busu bwaandi bunu ntaangu, na miilu myaandi bunu makuunsi ma mbaawu.

Nyabusulu ya Yowane 10:4

Banzasi bo nsaamu bu badzoonso, lo me nyaba nyeki baandika kutina, ngo nyayuka mbeembu mu yulu yaleele ti: «Kebe mamo, ma leeriri banzasi bo nsaamu, na yaa tina mo ko.»

Nyabusulu ya Yowane 16:12

Mbasi yabasaamunu yatsaamuna mbasa yaandi mu nyari yayinene ya Efarata; nde wasikisa maampa ma nyari, mu kudzibula nzila kuri babmbyaasi bafumunaa kupalilaa ntaangu.

Nyabusulu ya Yowane 5:2

Nyamono mbasi yamakwa yaba bikisaana mu mbeembu yayinene ti: «Na wayelemene mu kudzibula mukaanda, na mu kunyanguna binyemu byaandi?»

Nyabusulu ya Yowane 8:3

Mbasi yikimi yayisa na yateleme ha dziku, na yaba yakwaata kiyokolo kya mananaasi kyawoolo. Nde bamuyakisa mananaasi malaka, mpisi heki kaha mo mu kikabu, na nsaambulu dza bobanso bangisi, ha yulu dziku dyawoolo, diri ha busu bwa mboloko.

Nyabusulu ya Yowane 9:14

Mbeembu yiyo yaleele kuri mbasi yabasaamunu, yaba na mvumvuri ti: «Nyanguna bambasi bana, ba bari bakaanga mu nyari yayinene, ngo Efarata.»

Nyabusulu ya Yowane 9:4

Badika bambambala kukwaamisa bitiiti biri ha butoto, makaya mankaaka na miti, ngo bakwaamisa bani baatu bahele na kinyemu kya Nzaambi mu mambuunsu.