Nyabusulu ya Yowane 7:14 - Musamu Wamubwete 2013

¹⁴ Me nyaleele kuri nde ti: «Mfumu yaami, ye yaari.» Nde waleele kuri me ti: «Bamaba ngo bamwiini mpasi dzalaka, baswaakiri madzweele maaku, na bahembikisi mo mu makila ma Mwaana kimeeme.

Nyabusulu ya Yowane 7:14 ပူးပေါင်းရင်းမြစ်များ

Musamu wamubwete watina Matayi 24:21

Haho mbasi-tsuku haba mpasi dzadzinene, dziri kwabee dza bubwo ko, kuholosono ku babaandikiri nsi kuyirika natee mu lumalu, na dza bubwo ka dzibweese kuba ko.

Musamu wamubwete watina Malako 13:19

Bukuri mu biluumbu bibyo, sa kwaba mpasi dziri dzafwanikina na dzidzo dzatubukiri ko, kuholosono kwa bandukiri Nzaambi kuyirika yulu na butoto, natee mu lu; na dza bubwo dzibweese kutubuka ko.

Musamu wamubwete watina Yowane 16:33

Me nyiluleeriri misamu mimyo, mpisi heki luba na kiyeengi mu me. Beenu luri na mpasi ha nsi, ngo lwaatee kibakala, me nyabwiisiri nsi!»

Biyiriki bya Bantumu 14:22

bo bakumisa mitima mya bayiki, babasyaamisa mu kunamitina mu kanyi, na kubaleele ti mu nwanusunu dza makwa, tukotoleenu mu Kimfumu kya Nzaambi.

Mukaanda kuri bari Loma 5:3

Kari bunubwo kitsu ko, ngo beetu tusiila kimweese kyeetu mu mpasi, bu tuyaari ti mpasi dzibutaa kifiki.

1 Kol 6:11

Babamosi mu beenu bubwo baba, kasi lwayeki lwaswaaku, lwayeki lwataambula bungisi, lwayeki lwalulukusu mu nkuumbu ya Mfumu Yesu Kiristo, na mu Mpeeve ya Nzaambi yeetu.

2 Tes 1:4

Hango-nkuumbu, beetu turi na kimweese mu beenu ha kakati dya mabuundu ma Nzaambi, mu ntoono kifiki kyeenu na kanyi dyeenu, kunsa nkwamusunu dzeenu dzodzinso, na manyoongi ma luri mu kwekuunda.

Mukaanda kuri Bahebeleho 13:12

Mu didyo se Yesu, mu kuri ti kaha bungisi kuri baatu mu makila ma nde-meene, nde wamono mpasi ku mbisa bvula.

Mukaanda kuri Bahebeleho 9:14

lo makila ma Kiristo, waheeri nyutu yaandi yahele na kipfuumi, mu Mpeeve ya mantaangu momanso kuri Nzaambi, mabvuriri kutsyeemese nsimunu yeetu mu biyiriki byafwa, mu kusalila Nzaambi yamwooyo.

1 Pet 1:19

ngo mu makila mantalu ma Kiristo, mari bunu ma mwaana kimeeme, kyahele na kipfuumi na kyahele na mpita.

1 Yow 1:7

mbuti beetu tudyaatila kunsa buungi, lo turi mu kintwaari beetu na beetu, na makila ma Yesu, Mwaana waandi, matutsyeemisaa mu mpisi sumu.

Nyabusulu ya Yowane 1:5

na kuri Yesu Kiristo, Mbaangi yakwiikama, watete wabutuka mu bafwa, na mwaana mfumu ya bambyaasi ba butoto. Kuri nde wututiiri, watukuula mu masumu meetu mu makila maandi,

Nyabusulu ya Yowane 12:11

Bo bamubwiisiri, mu ntoono makila ma Mwaana kimeeme, na mu ntoono maampu ma kimbaangi kya bo; bo basii tya kukalila miwuumunu myaaku ha busu bwa lufwa ko.

Nyabusulu ya Yowane 15:2

Me nyamono bunu ti mubu wasaanga na mbaawu, wuri mu kuseme bunu lumweenye, babo baluulukiri mu kibulu, mu kiteki kyaandi na mu lutaangu lwa nkuumbu yaandi, baba bateleme ha yulu mubu wuri mu kuseme bunu lumweenye, bari na mangoomfi ma Nzaambi.

Nyabusulu ya Yowane 17:6

Me nyamono mukyeetu wakolo mu makila ma bangisi, na mu makila ma bambaangi ba Yesu. Me nyakimuka mu kiteesu kya makwa ha nyamumwiini.

Nyabusulu ya Yowane 2:9

Me nyaari mpasi na buwelu bwa ye, kasi wuri kisina, nyaari se nsaanunu dza babo bari mu kweleele ti Bayudayo bari, ngo bari Bayudayo ko, kasi baatu ba nzo-nkutukunu ya Satana.

Nyabusulu ya Yowane 22:14

Kiminu kiri na babo baswaakaa madzweele maaku, mpisi heki baba na miswa mu kudya bimbutu bya muti wa bumwooyo, na mu kukoto mu myeelu kunsa bvula.

Nyabusulu ya Yowane 5:9

Baba yimbilaana mukuunga wamoono ti: «Ye wayelemene kuholo mukaanda, na kudzibula binyemu byaandi, bukuri ye bakukekiri, na mu makila maaku, ye wakuula baatu mu ntoono Nzaambi, ba bitsuumbu byobinso, mandiinga momanso, baatu bobanso, na makaanda momanso.

Nyabusulu ya Yowane 7:9

Ha mambisa haho, me nyatala na nyamono mpuumbu baatu yayinene, yiri muutu ti mosi lo wahele kubangisina kutaanga, baatu ba mansi momanso, ba bitsuumbu byobinso, ba makaanda, na ba mandiinga momanso, baba bateleme ha busu bwa mboloko, na ha busu bwa Mwaana kimeeme, baba balwaata madzweele mahembeke na bakwaata matsweenyi mu myooko.