Nyabusulu ya Yowane 6:12 - Musamu Wamubwete 2013

¹² Ha kaba dzibula kinyemu kyabisaamunu, me nyamono, butoto bwaningina mu makwa; ntaangu yaba yeki yapiinda bunu nsaanda yapiipi; na ngoondo yoyinso yaba yeki bunu makila.

Nyabusulu ya Yowane 6:12 ပူးပေါင်းရင်းမြစ်များ

Musamu wamubwete watina Matayi 11:21

«Kyaari kuri ye Koradzi! Kyaari kuri ye Betesayida! Bukuri mbuti bimaangu byayirimini kuri beenu, ngo byayirimini ku Tiro na Sidoni, nkani na kidzika bo balweeti matsaaka na kuyoolo lufuta, nkani baketi yiinga madyeele.

Musamu wamubwete watina Matayi 24:29

«Hanaho, ha mambisa ma mpasi dza biluumbu bibyo, ntaangu sa yaba mampimbisi, na ngoondo yibweese kuha mweese waandi ko, na bambwetete ba ku yulu sa basonoko, na mpinu dza mayulu sa dzibwa.

Musamu wamubwete watina Matayi 24:7

Mukwongo, mansi na mansi sa manwaana, na bimfumu na bimfumu sa byanwaana; sa kwaba nzala, na butoto sa yatembele mu mampele malaka;

Musamu wamubwete watina Matayi 27:45

Kuholosono mu kilookolo kya bisaamunu natee mu kyawa, mampimbisi mabwa mu butoto bwobunso.

Musamu wamubwete watina Matayi 27:54

Mukutu nkama bayongolo na baba kintwaari na nde mu kukebe Yesu, bu bamono ntembukulu ya butoto na mamo maba yirimini, babaka boomo bwalaka, baleele ti: «Ngwanwa, wumawu wabeeri Mwaana Nzaambi!»

Musamu wamubwete watina Matayi 28:2

Na mono ntembukulu ya butoto yayinene yabwa. Mukwongo, mbasi Mfumu yanangukina ku yulu yasunduka. Bu yakokosolo, yanengemene tari ha luteke na wadzakala ha yulu dyo.

Musamu wamubwete watina Malako 15:33

Kilookolo kya bisaamunu bu kyatubuka, mampimbisi mabwa mu nsi yansiina natee kilookolo kyawa.

Nyabusulu ya Yowane 11:13

Mu kilookolo kinikyo, butoto bwaningina mu makwa, na kibari kimosi mu bibari kuumi bya bvula kyabwa, na mafuunda nsaamu ma baatu mafwa mu ningununu butoto yiyo. Babo babvuukiri babaka boomo bwalaka, na baha nkeembu kuri Nzaambi ya ku yulu.

Nyabusulu ya Yowane 16:18

Kwa bakama manseremi, mambeembu, manzasi na ningununu butoto yayinene, mu kiteesu kiri, kuholosono kwa yeki baatu ha butoto, kwabakimini ningununu butoto yayinene na ya makwa mu kiteesu kya bubwo ko.

Nyabusulu ya Yowane 16:8

Mbasi yabana yatsaamuna mbasa yaandi ha yulu ntaangu, nde bamuha miswa mya kuyoko baatu mu mbaawu.

Nyabusulu ya Yowane 8:12

Mbasi yabana yasika mvumvuri, kibari kimosi mu bibari bitatu bya ntaangu, kibari kimosi mu bibari bitatu bya ngoondo, na kibari kimosi mu bibari bitatu bya bambwetete babiseembe, kuri heki kibari kimosi mu bibari bitatu bya byo kiba mampimbisi, na kibari kimosi mu bibari bitatu bya mwiini na bya butsuku kihele kuba kunsa buungi.

Nyabusulu ya Yowane 8:5

Mbasi yaholo kiyokolo kya mananaasi, waluulusa kyo mu mbaawu dziku, na watubu kyo ha butoto; manzasi, mambeembu, manseremi na ningununu butoto byasalama.