Nyabusulu ya Yowane 4:8 - Musamu Wamubwete 2013

⁸ Mpisi kibulu mu byobina, kyaba na mapaapu masaamunu, maluula mu miisu mpele na mpele. Butsuku na mwiini byo biri mu kuleelaana kwahele kuwuuma ti: «Wangisi, Wangisi, Wangisi, Mfumu Nzaambi, Mwa-mpuungu, waba, wuri na wukwiisa.»

Nyabusulu ya Yowane 4:8 ပူးပေါင်းရင်းမြစ်များ

Biyiriki bya Bantumu 20:31

Mu ntoono bubwo, beene naana na baambukeenu mwooyo ti, mu lutaangu lwa mibvu mitatu, butsuku na mwiini, me nyahele kudzimbikina kulubula mpisi nde mu beenu, mu mansangasi.

2 Kol 6:18

Me sa mba Taayi kuri beenu, na beenu sa lwaba baala ba babakala, na ba bakyeetu kuri me, Mfumu Ngaa-mpinu wuleele.»

1 Tes 2:9

Mukwongo, baambukeenu mwooyo, bampaangi, mu kisalu kya makwa na mpasi dza beetu: beetu twaluyikisa Musamu Wamubwete wa Nzaambi, mu kwesala butsuku na mwiini, mpisi heki ti mosi mu beenu kahele kutubuungula.

1 Tim 4:16

Sa madyeele ye-meene, na mu nyikusulu. Namitina kusalila bubwo; bukuri wusalilaana bubwo, lo ye sa wabvuuka ye-meene, na sa wabvuukisa babo bakuywiila.

2 Tim 4:2

yikisa Maampu, landukina mu ntaangu yayelemene na yahele kuyelemene, seembe, ŋaŋina, syaamisa, mu nkindusulu-mutima yoyinso kunsa nyikusulu.

Mukaanda kuri Bahebeleho 13:8

Yesu Kiristo wuri bwobumosi dzoono, lumalu na na mu mantaangu momanso.

Nyabusulu ya Yowane 1:4

Yowane, kuri mabuundu nsaamu mari mu nsi ya Asya: Bweese kuri beenu na kiyeengi bifumini kuri wunde wuri, waba, na wukwiisa, na kuri mampeeve nsaamu mari ha busu bwa mboloko yaandi,

Nyabusulu ya Yowane 1:8

«Me ngo Alafa na Omenga», buleeriri Mfumu Nzaambi, wuri, waba, na wuri mu kwiisa, Mwa-mbete.

Nyabusulu ya Yowane 11:17

baleele ti: «Mfumu, beetu tubvutula matoondo kuri ye, Mfumu Nzaambi, Mwa-mpuungu, wuri na waba, bukuri ye wasariri mpinu dzaaku dzadzinene, na ye wadzakisa kimfumu kyaaku.

Nyabusulu ya Yowane 14:11

Mwiisi wa nkwamusunu bo sa katoomboko, mu bibvu ngo bibvu. Basaambila kibulu na kiteki kya kifwaani kya kibulu ki kyo, na mpisi wunde wutaambula kidiimbu kya nkuumbu yaandi, baba na kidzuunu ko, butsuku na mwiini.»

Nyabusulu ya Yowane 14:3

Mafuunda ma baatu babo, baba yimbilaa mukuunga wamoono ha busu bwa mboloko, ha busu bwa bibulu bina na bwa binuni; kuri muutu ti mosi waba wakuka mu kuyika mukuunga wunde, mbuti ka bari mu nkama makuumi mana ma mafuunda ko, baba kuuriri ha butoto.

Nyabusulu ya Yowane 15:3

Baba yimbilaana mukuunga Moose, kisari kya Nzaambi, na mukuunga Mwaana kimeeme wuleele ti: «Mfumu Nzaambi Mwa-mpuungu, biyiriki byaaku byabinene, na bya nkimukunu! Mbyaasi ya makaanda, manzila maaku masuunguma na mari mangwanwa!

Nyabusulu ya Yowane 15:7

Mosi mu bibulu bina waha kuri bambasi nsaamu, mambasa nsaamu mawoolo maluula mu nkesi dza Nzaambi, yiri mwooyo mu bibvu ngo bibvu.

Nyabusulu ya Yowane 16:14

Mukwongo, mampeeve mamabi mari, makwesa bidiimbu, makweyende kuri bambyaasi ba nsi yansiina, mu kubakutukisa, mu ntoono mudziingu, wa kiluumbu kyakinene kya Nzaambi mpuungu.

Nyabusulu ya Yowane 16:7

Me nyayuka dziku dileele ti: «Heehe, Mfumu, ye Nzaambi mpuungu, nsundusulu dzaaku dziri dzangwanwa na dzasuunguma!»

Nyabusulu ya Yowane 19:15

Mu munwa waandi mwapala mbeesi yayila yasekusu, mpisi heki kaseembe makaanda mu yo. Sa kamatwaalisa mu luboto lwa kiseengu, na nde-meene sa katsyaamuna kisa kya malu ma kabala dya nkesi dza Nzaambi, Mwa-mpuungu.

Nyabusulu ya Yowane 19:4

Makuumi moolo na bina ma binuni, na bibulu bina byasaambila Nzaambi, wadzakala ha mboloko, byaleele ti: «Amene! Aleluya!»

Nyabusulu ya Yowane 21:22

Me nyasii mono Nzo-nzaambi mu bvula didyo ko, bukuri Mfumu Nzaambi, Mwa-mpuungu, na Mwaana kimeeme ngo Nzo-nzaambi.

Nyabusulu ya Yowane 3:7

Tina kuri mbasi ya dibuundu dya Filadelefya: «Wangisi, Wangwanwa, wuri na mafungula ma Davidi, kadzibulaana, wukaanga nde pe, na kakaangaana, wudzibula nde pe, bu kari mu kuleele:

Nyabusulu ya Yowane 4:4

Mu teteke dya mboloko, mwaba makuumi moolo na mana ma mamboloko, na ha yulu mo binuni makuumi moolo na bina byaba byadzakala, byalwaata binkuta byahembeke na nkoongolo dzawoolo mu yulu mitu.

Nyabusulu ya Yowane 4:6

Ha mankula ma mboloko, kwaba mubu waba semaana bunu lumweenye, luri lo, biri mpele na mpele bimonokono. Ha kakati dya mboloko, na mu teteke, mwaba bibulu bina byaluula mu miisu ku mankula na ku mambisa.

Nyabusulu ya Yowane 4:9

Na mu mpisi ntaangu, yiri bibulu bibyo biha nkeembu, lukiinsu na matoondo kuri wunde wadzakala ha yulu mboloko, wuri mwooyo mu bibvu ngo bibvu,

Nyabusulu ya Yowane 5:6

Me nyamono Mwaana kimeeme, wuri bunu wu bari bakeke, wateleme ha kakati dya mboloko, ha kakati dya bibulu bina, na ha kakati dya binuni. Nde waba na mampoko nsaamu, na miisu nsaamu, mamo mampeeve nsaamu ma Nzaambi, ma kari kaheeke mu nsi yansiina.

Nyabusulu ya Yowane 6:1

Me nyamono, haba dzibula Mwaana kimeeme kinyemu kyatete, mu byo nsaamu, na nyayuka kimosi mu bibulu byobina, kyaleele mu mbeembu yiri bunu nzasi ti: «Wasa!»

Nyabusulu ya Yowane 6:6

Me nyayuka bunu mbeembu, yaba palilaa ha kakati dya bibulu byobina yaleele ti: «Mutooto masaangu nkama mipata, mitooto mitatu mya bwaangala nkama mipata; ngo mu mitariri maasi na malu yaa wubibibiiyisa ko.»

Nyabusulu ya Yowane 7:11

Bambasi bobanso baba badyengekele mboloko, binuni na bibulu byobina; bo bayilimisa mabusu maaku ha nsi, na basaambila Nzaambi,

Nyabusulu ya Yowane 7:15

Mu didyo bo bari ha busu bwa mboloko ya Nzaambi, na bari mu kumusaambila butsuku na mwiini mu Nzo-nzaambi yaandi. Wunde wadzakala ha mboloko, sa kabafuka kunsa musaampu waandi.