Nyabusulu ya Yowane 4:4 - Musamu Wamubwete 2013

⁴ Mu teteke dya mboloko, mwaba makuumi moolo na mana ma mamboloko, na ha yulu mo binuni makuumi moolo na bina byaba byadzakala, byalwaata binkuta byahembeke na nkoongolo dzawoolo mu yulu mitu.

Nyabusulu ya Yowane 4:4 ပူးပေါင်းရင်းမြစ်များ

Musamu wamubwete watina Matayi 19:28

Yesu wabvutula kuri bo ti: «Mu ngwanwa me nyiluleeriri ti, mu ntaangu yikitika byobinso byamoono, Mwaana muutu bu kadzakala ha mboloko ya munkeembu, beenu lwanemi me, beenu se sa lwaba lwadzakala mu mamboloko kuumi na moolo, mu kutsuundisa makaanda kuumi na moolo ma Isaheli.

Musamu wamubwete watina Luka 22:30

mpisi heki beenu ludya, na lunwa ha taabala dya me, mu Kimfumu kyaami, na beenu sa lwadzakala ha yulu mamboloko mu kutsuundisa makaanda kuumi na moolo ma Isaheli.»

2 Tim 4:8

Mu lumalu, ba mwaampungukila mpu ya nsungumunu, mbasi-tsuku yi nyakisa Mfumu, mutsuundisi wasuunguma, mu kiluumbu kikyo; kari kunu kuri me ko, ngo kuri bobanso se batiiri monokunu yaandi.

Nyabusulu ya Yowane 11:16

Makuumi moolo na mana ma binuni badzakala ha busu bwa Nzaambi, ha yulu mamboloko maaku, bayilimisa mabusu maaku na basaambila Nzaambi,

Nyabusulu ya Yowane 14:3

Mafuunda ma baatu babo, baba yimbilaa mukuunga wamoono ha busu bwa mboloko, ha busu bwa bibulu bina na bwa binuni; kuri muutu ti mosi waba wakuka mu kuyika mukuunga wunde, mbuti ka bari mu nkama makuumi mana ma mafuunda ko, baba kuuriri ha butoto.

Nyabusulu ya Yowane 19:14

Mikaangu mya bayongolo ba ku yulu myaba kwemunama mu makavaalu mahembeke, baba balwaata binkuta byabibwe byahembeke na byatsyeeme.

Nyabusulu ya Yowane 19:4

Makuumi moolo na bina ma binuni, na bibulu bina byasaambila Nzaambi, wadzakala ha mboloko, byaleele ti: «Amene! Aleluya!»

Nyabusulu ya Yowane 2:10

Yaa bata ti kitotolo ti kimosi ko, mu mpasi dzi wubwanikina na dzo. Mono, dyabulu sa katuba bakaka mu beenu munsa boroko, mpisi heki balutsiitsa; sa lwaba lwatsiitsa mu biluumbu kuumi. Ba wakwiikama natee dya lufwa, tumi nyikuha lukoongolo lwamwooyo.»

Nyabusulu ya Yowane 20:4

Me nyamono mamboloko, baba badzakala ha yulu mo, babaha lutumu lwa kutsuundisa. Nyamono se miheebulu mya baatu ba bataburi mitu, mu ntoono kimbaangi kya Yesu, na mu ntoono maampu ma Nzaambi, na babo bari basii saambila kibulu na kiteki kyaandi ko, na bari basii taambula bidiimbu mu mambuunsu na mu myooko mya bo ko. Bo bafuluka na batuma kintwaari na Kiristo mu fuunda dya mibvu.

Nyabusulu ya Yowane 3:18

Ndoongi yi nyikuha, yiri ti suumba woolo dyatsyeemusu mu mbaawu kuri me, mpisi heki ye ba kisina, suumba binkuta byahembeke, wubilwaata mpisi sweeke nsoni dza kimpene kyaaku; suumba se mukelu wa kutsoniso mu miisu mpisi ye mono.

Nyabusulu ya Yowane 4:10

lo makuumi mana ma binuni, bayilimini ha busu bwa wunde, wadzakala ha yulu mboloko, basaambiri wunde wuri mwooyo mu bibvu ngo bibvu, na batubiri nkoongolo dza bo ha mankula ma mboloko, na baleeriri ti:

Nyabusulu ya Yowane 4:6

Ha mankula ma mboloko, kwaba mubu waba semaana bunu lumweenye, luri lo, biri mpele na mpele bimonokono. Ha kakati dya mboloko, na mu teteke, mwaba bibulu bina byaluula mu miisu ku mankula na ku mambisa.

Nyabusulu ya Yowane 5:11

Me nyamono, na nyayuka mbeembu ya fundu-fundu ya bambasi badyengekele mboloko, bibulu na binuni. Lutaangu lwa bo lwaba byaasi mu byaasi na mafuunda ku kifuunda,

Nyabusulu ya Yowane 5:14

Na bibulu byobina byaba taambulaa ti: «Amene!» Na binuni byayilima na byasaambila.

Nyabusulu ya Yowane 5:6

Me nyamono Mwaana kimeeme, wuri bunu wu bari bakeke, wateleme ha kakati dya mboloko, ha kakati dya bibulu bina, na ha kakati dya binuni. Nde waba na mampoko nsaamu, na miisu nsaamu, mamo mampeeve nsaamu ma Nzaambi, ma kari kaheeke mu nsi yansiina.

Nyabusulu ya Yowane 5:8

Bu kaholo mukaanda, bibulu byobina na binuni makuumi moolo na bina, byayilima ha busu bwa Mwaana kimeeme. Mpisi kinuni kyaba na ngoomfi, na mambasa mawoolo maluula mu mananaasi, dzidzo ngo nsaambulu dza bangisi.

Nyabusulu ya Yowane 6:11

Kuri mosi-mosi mu bo, bayakisa dzweele dyahembeke, na babaleele ti, bakiinga mu mwaa-ntaangu yantele, natee kukuka lutaangu lwa bambaasi ba bo, bari mu bunkutu, na bampaangi ba bo baba badzusu bunu bo.

Nyabusulu ya Yowane 7:11

Bambasi bobanso baba badyengekele mboloko, binuni na bibulu byobina; bo bayilimisa mabusu maaku ha nsi, na basaambila Nzaambi,

Nyabusulu ya Yowane 7:9

Ha mambisa haho, me nyatala na nyamono mpuumbu baatu yayinene, yiri muutu ti mosi lo wahele kubangisina kutaanga, baatu ba mansi momanso, ba bitsuumbu byobinso, ba makaanda, na ba mandiinga momanso, baba bateleme ha busu bwa mboloko, na ha busu bwa Mwaana kimeeme, baba balwaata madzweele mahembeke na bakwaata matsweenyi mu myooko.

Nyabusulu ya Yowane 9:7

Bambambala babo, baba bafwanikina na makavaalu, meki mayirima mu kweende ku mudziingu; mu mitu mya bo, mwaba mwateeteke nkoongolo dziri bunu dzawoolo, na bidziri bya bo byaba bunu bya baatu,