Nyabusulu ya Yowane 3:18 - Musamu Wamubwete 2013

¹⁸ Ndoongi yi nyikuha, yiri ti suumba woolo dyatsyeemusu mu mbaawu kuri me, mpisi heki ye ba kisina, suumba binkuta byahembeke, wubilwaata mpisi sweeke nsoni dza kimpene kyaaku; suumba se mukelu wa kutsoniso mu miisu mpisi ye mono.

Nyabusulu ya Yowane 3:18 ပူးပေါင်းရင်းမြစ်များ

Musamu wamubwete watina Matayi 13:44

«Kimfumu kya mayulu kyafwanikina, na busina bwasweeku munsa nseke, ngo muutu kamwiini, sweekiri. Mu ntoono kiminu ki kari na kyo, nde weensi yarikiri byobinso bikari na byo, na wiisiri kusuumba nseke yiyo.»

Musamu wamubwete watina Matayi 25:9

Bari na madyeele babvutula, baleele: "Pele! Makukula mu beenu na mu beetu ko. Ngo kasi yendee lwelusaka bayariki na lusuumba ma beenu-meene."

Musamu wamubwete watina Luka 12:21

«Bunubwo se buba mu muutu wukutukisaa busina mu ntoono nde-meene, na wahele kusaka busina mu ntoono Nzaambi.»

2 Kol 5:3

kuri heki, ti hayuku twahele kulwaata kinkuta, bahele kutumono kimpene.

2 Kol 8:9

Mukwongo, beenu luyaari bweese bwa Mfumu yeetu Yesu Kiristo: nde waba kisina, kasi mu ntoono beenu, walwaata buwelu, mpisi heki mu buwelu bwaandi, beenu luba bisina.

1 Tim 6:18

Baleele bayirika mamabwete, baba bisina mu biyiriki byabibwete, bangaa-kikabu, baatu bayirima mu kukabula,

Mukaanda wa Yakobo 2:5

Bampaangi baami ba mutima, yukeenu: Buri kari Nzaambi ko wasooriri bari bawelu mu mya nsi ngo bisina mu mitariri kanyi, na bakondiri ba Kimfumu ki kari kasa lusiilulu kuri babo bamutyaanaa?

1 Pet 1:7

Mpisi heki nsiitsulu ya kanyi dyeenu, yibvuriri ntalu, ti na woolo dyatsyeemese mu mbaawu kasi difuukaana, yibaka ndaandu ya nsiikulu, ya nkeembu na ya lukiinsu, mu ntaangu yiyabakana Yesu Kiristo.

Nyabusulu ya Yowane 16:15

«Me nyikwiisa bunu ngaa-kwiibi. Kiminu kiri na muutu wunde wuri naana na wukebaa binkuta byaandi, mpisi kahele kweyende mpene, na baatu bahele kumono nsoni mu nde.»

Nyabusulu ya Yowane 19:8

Nde mwaamuha nsaanda yayibwete yikweseme na yatsyeeme mpisi kalwaata. Nsaanda yayibwete yiyo, ngo biyiriki byasuunguma bya bangisi.»

Nyabusulu ya Yowane 2:9

Me nyaari mpasi na buwelu bwa ye, kasi wuri kisina, nyaari se nsaanunu dza babo bari mu kweleele ti Bayudayo bari, ngo bari Bayudayo ko, kasi baatu ba nzo-nkutukunu ya Satana.

Nyabusulu ya Yowane 3:17

Bukuri ye wuri mu kweleele ti: "Me nyiri kisina, mwaabaka busina, nyahele na nzala kitotolo ti kimosi". Ngo ye wahele kuyaaba ti ye wuri ngaa-manyoongi, wa kubakila ngebe, wuri muwelu, ye wafwa miisu na wuri mpene.

Nyabusulu ya Yowane 4:4

Mu teteke dya mboloko, mwaba makuumi moolo na mana ma mamboloko, na ha yulu mo binuni makuumi moolo na bina byaba byadzakala, byalwaata binkuta byahembeke na nkoongolo dzawoolo mu yulu mitu.

Nyabusulu ya Yowane 7:13

Mosi mu binuni wafuula kuri me ti: «Balwaata madzweele mahembeke bamaba ba na, na kuri bafumuni?»