Nyabusulu ya Yowane 3:10 - Musamu Wamubwete 2013

¹⁰ Mu bukuri ye wakebiri maampu maami mu kifiki, me se sa kebe ye mu ntaangu ya nsindukulu, dziyelemini kutubuka mu nsi yoyinso ya baatu, mu kusindukila babo badzakala mu nsi.

Nyabusulu ya Yowane 3:10 ပူးပေါင်းရင်းမြစ်များ

Musamu wamubwete watina Matayi 24:14

Musamu Wamubwete wa Kimfumu sa kaba wayikusu mu nsi yansiina, mpisi kiba kimbaangi kuri makaanda momanso, heki tumi manunu yiisa.»

Musamu wamubwete watina Matayi 26:41

Beenee naana na saambileenu, mpisi luhele kukoto mu nsindukulu. Kiluunsi kiri na makwa, ngo kasi muswinyi wuri na buyonsi.»

Musamu wamubwete watina Matayi 6:13

Yaa tunata mu nsindukulu ko; ngo ye tukuula kuri Ngaa-bubi."»

Musamu wamubwete watina Malako 14:9

Ngwanwa me nyululeeriri ti: haho ha bayaabisa Musamu Wamubwete, mu nsi yansiina, sa badzoonsolo se mu mamo ma kayirikiri, mu kumubambukila mwooyo.»

Musamu wamubwete watina Luka 2:1

Mu biluumbu bibyo, Kayisari Oguste wapalisa lutumu lwa kusa ntaangulu baatu bobanso bari ha butoto.

Musamu wamubwete watina Yowane 17:6

Me nyayaabisiri nkuumbu yaaku, kuri baatu ba wampeeri ba wuri wapalisa mu nsi. Bo baba ba ye, na ye wabampeeri, na bo bakebiri maampu maaku.

Mukaanda kuri bari Loma 1:8

Hatete, me nyibvutula matoondo kuri Nzaambi yaami mu Yesu Kiristo, mu ntoono beenu bobanso, bukuri kanyi dyeenu bakwedzoonsolo mu dyo, mu nsi yansiina.

1 Kol 10:13

Nsindukulu dzi lubwanikina na dzo, dzahele kuba dzaluta kiteesu, ngo dzayelemene mu baatu. Nzaambi wakwiikama, nde kaha miswa ko ti beenu luba lwasindukulu mu kiteesu kibvuriri makwa na beenu, ngo kunsa nsindukulu, nde sa kuluha mpwaani ya kupalila, kuri lubangisina kukuunda.

Mukaanda kuri bari Efeso 6:13

Hango-nkuumbu, holeenu binwaanunu bya Nzaambi, mpisi heki lubangusina kusa bunkuri mu kiluumbu kyakibi, na kuba bateleme na ngwii, bu lumeeni kuyirika momanso.

2 Tim 2:12

mbuti tukuundiri mpasi kintwaari na nde, lo sa twatuma kintwaari na nde se; mbuti tumutunini, lo nde se sa katutuna;

Mukaanda wa Yakobo 3:12

Bampaangi baami, buri mungenge lo butiri mfilu, bunu pe mubviinya lo butiri ngenge? Pele, nto ya maampa ma mungwa, ka yitsiitsa kupalisa maampa madzuuna ko?

1 Pet 4:12

Banduku ba mutima, yaa lukimuka ko, mu kuba kunsa nsindukulu dzamakwa dzi mwaalutubukula, bunu ti ntoono yanzeense.

2 Pet 2:9

Mamo masoongo ti, Mfumu yaari kukuula bangaa-kinzaambi mu mpasi, na kukebe bahele kusuunguma mpisi baba baseembu mu kiluumbu kya mutsuundu,

Nyabusulu ya Yowane 1:9

Me Yowane, mpaangi yeenu, wu luri ntwaari mu nsiitsulu, mu kimfumu, mu nkwikumunu mu Yesu; me nyabeeri ku kibuma ki bateelaa ti Patomo, mu dyaambu dya Maampu ma Nzaambi na kimbaangi kya Yesu.

Nyabusulu ya Yowane 11:10

Baatu bari ha butoto, bari mu kumono kiminu mu ntoono bo, na bari mu kiminu, sa bahelesene bikabu kuri bo na bo, bukuri babikiri boboolo babo, bakwaamisini baatu badzakala ha butoto.

Nyabusulu ya Yowane 13:10

Mbuti muutu wataasulu mu bunkutu, lo ku bunkutu kakweende. Mbuti muutu wataasulu mu lufwa lwa mbeesi yayila, lo mu mbeesi yayila kafwiila. Haho ngo, ha bamono kifiki na kanyi dya bangisi.»

Nyabusulu ya Yowane 13:14

Mu ntoono bimaangu bi bamuheeri miswa mu kuyirika, ha busu bwa kibulu, kyo kikwedziimbisa babo badzakala ha butoto, na kikweleele kuri badzakala ha butoto ti bayirika kiteki, mu kifwaani kya kibulu ki baleti boko mu mbeesi yayila, ngo kiri mwooyo.

Nyabusulu ya Yowane 13:8

Bobanso badzakala ha butoto, sa basaambila kibulu kikyo; bobanso bari mankuumbu mahele kutina, mu mukaanda wa mwooyo wa Mwaana kimeeme, wubakekiri, kuholosono kunu mbandukulu nsi.

Nyabusulu ya Yowane 14:12

Haho ngo, ha bamono kifiki kya bangisi, bakebaa ntumunu dza Nzaambi na kanyi mu Yesu.

Nyabusulu ya Yowane 14:6

Me nyamono mbasi yikimi yaba yooko ku nkati yulu, yaba na Musamu Wamubwete wahele manunu, mu kuyaabisa baatu badzakala ha butoto, mansi momanso, bitsuumbu byobinso, mandiinga momanso na baatu bobanso,

Nyabusulu ya Yowane 16:14

Mukwongo, mampeeve mamabi mari, makwesa bidiimbu, makweyende kuri bambyaasi ba nsi yansiina, mu kubakutukisa, mu ntoono mudziingu, wa kiluumbu kyakinene kya Nzaambi mpuungu.

Nyabusulu ya Yowane 17:2

Bambyaasi ba butoto basa buyala na nde, na baatu badzakala ha butoto bakolo malu ma buyala bwaandi.»

Nyabusulu ya Yowane 17:8

Kibulu ki wamwiini ye kyaba, ngo kyasaala ko, sa kitoomboko mu lubila, na sa kyeende ku mfukusulu; baatu badzakala ha butoto, babo bari mankuumbu mahele kutina mu mukaanda wa mwooyo, kuholosono nyirikulu nsi, sa bakimuka ha bamono kibulu, Bukuri kyo kyaba na kyasaala ko, kasi sa kyabweese kumonokono.»

Nyabusulu ya Yowane 2:10

Yaa bata ti kitotolo ti kimosi ko, mu mpasi dzi wubwanikina na dzo. Mono, dyabulu sa katuba bakaka mu beenu munsa boroko, mpisi heki balutsiitsa; sa lwaba lwatsiitsa mu biluumbu kuumi. Ba wakwiikama natee dya lufwa, tumi nyikuha lukoongolo lwamwooyo.»

Nyabusulu ya Yowane 3:8

Me nyaari biyiriki bya ye; mono, me nyikusuusiri ha busu bwa mweelu wadzibulu, kuri muutu ti mosi ko wakuka mu kukaanga nde; bukuri ye mwaa-mpinu wuri na dzo, kasi wakebe maampu maami, tumi se wahele kutuna nkuumbu yaami.

Nyabusulu ya Yowane 6:10

Bo babikisa mu mbeembu yayinene ti: «Natee kya ntaangu, Mfumu yangisi na yangwanwa, ye wukiinga mu kutsuundisa bari ha butoto, na kubvutula kitete mu makila ma beetu?»

Nyabusulu ya Yowane 8:13

Me nyamono na nyayuka, ngo-noni yaba yooko ku nkati-yulu, yileele mu mbeembu yayinene ti: «Kyaari! Kyaari! Kyaari kuri baatu ha butoto, mu ntoono lusuku lukimi lwa mamvumvuri ma bweese kusika bambasi batatu!»