Nyabusulu ya Yowane 22:15 - Musamu Wamubwete 2013

¹⁵ Bambwa, bangaa-makundu, biyala, badzusi, misaambiri mya biteki, na mpisi wunde wutyaanaa mpya, na wusalilaa mpya, ku mbasi baba.

Nyabusulu ya Yowane 22:15 ပူးပေါင်းရင်းမြစ်များ

Musamu wamubwete watina Matayi 7:6

«Yaa luha byangisi kuri bambwa ko, yaa lulooso misaanga myeenu kuri bangulu ko, mu kubata kuri ti bakwiisa kumidzabata mu miilu myaaku, na balutsyetikilaana, balukaakiri.»

Musamu wamubwete watina Matayi 8:12

Kasi baala ba Kimfumu sa babatuba ku mampimbisi ma ku mbasi; kukwo kuba bidilu na nkweetulu miinu.»

Musamu wamubwete watina Yowane 8:46

Na mu beenu, wuri lo bwiisiri me mu mana mu ntoono masumu? Mbuti ngwanwa me nyileele, buri luri kusiila pe kanyi mu me?

Biyiriki bya Bantumu 8:11

Bo baba bakaangama mu nde, mu ntoono yiri ti, kuholosono na kidzika, mu mukisi waandi, nde waba kwebapamunaana.

Mukaanda kuri bari Filipo 3:2

Seenee madyeele mu bambwa, seenee madyeele mu bisari byabibi, seenee madyeele mu nteendulu bubakala yampya.

Mukaanda kuri bari Kolosayi 3:6

Mu ntoono mimyo, nkesi dza Nzaambi dzibwaanaa ha yulu baala ba tungu.

1 Tim 1:10

bangaa-buyala, babakala bakweta kimpala na bambaasi babakala, baatu bakweyarika bankutu, bangaa-mpya, bakwelaba-maalu ma mpya, na bakweyirika mari kitaatu na nyikusulu dzadzibwete,

Nyabusulu ya Yowane 18:23

ku nzo ye, babweese kumono buungi bwa mwiinda ko; ku nzo ye, babweese kuyuka mambeembu ma munkuula na ntuumba bari mu lulelusunu lwa makweele ko, bukuri bangaa-mumbungu ba ye, babeeri baatu ba lukiinsu butoto, bukuri mu makundu maaku, ye wawumini makaanda momanso.»

Nyabusulu ya Yowane 21:27

Mu dyo, kuri nkotulu kitotolo kyasumuka, muyiriki mya myamibi, bunu pe ngaa-mpya ko, ngo bakoto mu dyo, bani babo batinima mankuumbu mu mukaanda wa mwooyo, wa Mwaana kimeeme.

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»