Nyabusulu ya Yowane 22:14 - Musamu Wamubwete 2013

¹⁴ Kiminu kiri na babo baswaakaa madzweele maaku, mpisi heki baba na miswa mu kudya bimbutu bya muti wa bumwooyo, na mu kukoto mu myeelu kunsa bvula.

Nyabusulu ya Yowane 22:14 ပူးပေါင်းရင်းမြစ်များ

Musamu wamubwete watina Yowane 10:7

Yesu wabweese kuleele ti: «Ngwanwa mu ngwanwa, me ngo mweelu bimeeme.

Musamu wamubwete watina Yowane 10:9

Me ngo mweelu: mbuti muutu kotiri mu me, lo sa kabvuuka, sa kakoto, sa kapala, na sa kabaka mbyandya.

Musamu wamubwete watina Yowane 14:15

«Mbuti beenu lutiiri me, lo sa lwakebe ntumu dzaami;

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 4:12

«Buri ye bvuri bukuutu na taayi dya beetu Yakobe? Nde watusisikila bulu dimadi, na nde-meene wanwiini maampa ma bulu di, baala baandi na mpuumbu bibulu byaandi se.»

1 Kol 7:19

Nteendulu bubakala yiri kitotolo ko, na kuhele kuteende bubakala kiri kitotolo ko, ngo biri mufunu kubvumina mangisi ma Nzaambi.

1 Kol 8:9

Seenee madyeele, kuri heki miswa mi luri na myo, mihele kubumisa makya kuri bari na buyonsi.

1 Kol 9:5

Buri beetu twahele na miswa mu kwenata kibusi kiri mukasi, bu kwesa bantumu bakaka, na bampaangi ba Mfumu, na Kefa?

Mukaanda kuri bari Ngalatya 5:6

Bukuri, mu Yesu Kiristo, kuteende bubakala bunu pe kuhele kuteende bubakala ka biri mufunu ko, ngo biri mufunu, kanyi disoongaana biyiriki mu ntiilu.

1 Yow 3:3

Mpisi wunde wuri na nsiitu dza bubwo mu Kiristo, lo wutsyeemikaa nde-meene, bunu bu kari katsyeemeke nde.

1 Yow 5:3

Mukwongo, ntiilu ya Nzaambi yiri kuri ti, tukebee ntumu dzaandi; ngo ntumu dzaandi dzahele kuleme,

Nyabusulu ya Yowane 2:7

«Wunde wuri na makutu kayuka, mamo madzoonsiri Mpeeve kuri dibuundu. Kuri wunde wuluuluka, me sa nyimuha muti wa mwooyo wa kudya, wuri mu paradiso dya Nzaambi.»

Nyabusulu ya Yowane 21:12

Bvula didyo, dyaba na kibaka kyakinene kyadzaangama, dyaba na myeelu kuumi na myoolo, na mu myeelu mimyo mwaba bambasi kuumi na boolo, na mwaba mwatina mankuumbu, mankuumbu ma makaanda kuumi na moolo ma baala ba Isaheli.

Nyabusulu ya Yowane 21:27

Mu dyo, kuri nkotulu kitotolo kyasumuka, muyiriki mya myamibi, bunu pe ngaa-mpya ko, ngo bakoto mu dyo, bani babo batinima mankuumbu mu mukaanda wa mwooyo, wa Mwaana kimeeme.

Nyabusulu ya Yowane 22:2

yo yakuumba ha kakati dya kibeendu kya bvula, ha kutukinaa baatu. Mu mpisi kibari kya nyari, kwamene muti wamwooyo mosi, wuhaanaa bimbutu mbala kuumi na dzoolo mu mubvu, bunu pe mbala mosi mu ngoondo. Makaya ma myo, matsinikisaa makaanda.

Nyabusulu ya Yowane 22:7

«Mono, nyisulu me yeki bele. Kiminu kiri na wunde wukebaa maampu ma mbikukulu, ma mukaanda wumawu!»

Nyabusulu ya Yowane 7:14

Me nyaleele kuri nde ti: «Mfumu yaami, ye yaari.» Nde waleele kuri me ti: «Bamaba ngo bamwiini mpasi dzalaka, baswaakiri madzweele maaku, na bahembikisi mo mu makila ma Mwaana kimeeme.