Nyabusulu ya Yowane 22:10 - Musamu Wamubwete 2013

¹⁰ Mbasi yaleele kuri me ti: «Yaa sweeke maampu ma mbikukulu ma mukaanda wumawu ko, bukuri ntaangu yeki bebele.

Nyabusulu ya Yowane 22:10 ပူးပေါင်းရင်းမြစ်များ

Musamu wamubwete watina Matayi 10:27

Mimyo mi nyiluleele me kunsa mampimbisi, leele myo kunsa buungi; na mimyo mi luyuka mu ma mamfuundu, bikisee myo ku yulu muluri.

Mukaanda kuri bari Loma 13:11

Yabee kuri ti, ntaangu yimwaatubuka, kyeki kilookolo ki luyelemini kuba naana, bukuri mu lumalu, mvuukulu yeki yibvuriri bebele na beetuneenu, ti na mu ntaangu yi twasiiriri kanyi.

Mukaanda kuri bari Loma 13:12

Butsuku bweki la, bwiisi bweki bebele mu kukya. Ngo tulooseenu biyiriki bya mampimbisi, na tulwaatee binwaanunu bya buungi.

2 Tes 2:3

Muutu yaa kaluwuna mu ntoono ti mosi ko. Kiteesu kya nyekululu kanyi mu Nzaambi kyakiri kutekesele kwiisa, na muutu wahele na mangisi wakiri kumonokono, mwaana wa mfukusulu.

1 Pet 4:7

Nsukulu bitotolo byobinso yeki bele. Ngo dyaatileenu mu madyeele, na beenee na ndiilu na nwiinu byayelemene, mu ntoono lusaambulu.

Nyabusulu ya Yowane 1:11

yaleele ti: «Mamo ma wuri mu kumono, tina mo munsa mukaanda, na heeke nde ku mabuundu mo nsaamu: ku Efeso, ku Semirana, ku Peregamo, ku Tyatira, ku Saredeyi, ku Filadelefya, na ku Lahodikya.»

Nyabusulu ya Yowane 1:3

Kiminu kiri na muutu wunde wutaanga mukaanda wu, na kiri na bayuka maampu ma mbikululu, na bakebaa mari mu yo, bukuri ntaangu yeki bebele.

Nyabusulu ya Yowane 10:4

Banzasi bo nsaamu bu badzoonso, lo me nyaba nyeki baandika kutina, ngo nyayuka mbeembu mu yulu yaleele ti: «Kebe mamo, ma leeriri banzasi bo nsaamu, na yaa tina mo ko.»

Nyabusulu ya Yowane 22:16

«Me Yesu, nyaheekiri mbasi yaami, mu kuteele beenu kimbaangi mu mi tariri mabuundu. Me nyapalila mu kaanda dya Davidi, mbwetete yisemaa ya minkya.»

Nyabusulu ya Yowane 22:18

Me Yowane, nyita kimbaangi kuri mpisi wunde wuyuka maampu ma mbikululu, ya mukaanda wumawu: mbuti muutu teetikiri ntoono ha yulu mamo, lo Nzaambi sa kateeteke ha yulu nde, biteesu bya mpasi dzi bari badzoonsolo mu mukaanda wumawu.

Nyabusulu ya Yowane 22:20

Wunde wuri mu kuta kimbaangi mu mimyo, wuleele ti: «Heehe, mwaa-ntaangu yantele yisiiri, me nyiisiri!» Amene! Mfumu Yesu, wasa!

Nyabusulu ya Yowane 22:7

«Mono, nyisulu me yeki bele. Kiminu kiri na wunde wukebaa maampu ma mbikukulu, ma mukaanda wumawu!»

Nyabusulu ya Yowane 22:9

Nde waleele kuri me ti: «Mono, yaa sa bubwo koono; me mbasi yaaku ya kisalu, na ya bampaangi baaku babikiri, babo bakebaa maampu ma mukaanda wumawu. Nzaambi ye yelemini kusaambila.»

Nyabusulu ya Yowane 5:1

Me nyamono ha kooko, kwa lubakala kwa wunde waba wadzakala ha mboloko, mukaanda watinu mbisa na mbisa, wakaangu mu binyemu nsaamu.