Nyabusulu ya Yowane 21:5 - Musamu Wamubwete 2013

⁵ Wunde waba wadzakala ha yulu mboloko waleele ti: «Mono, me nsiiri byobinso byeki byamoono.» Wabweese kuleele ti: «Tina, bukuri maampu mamama mari masuunguma na mangwanwa.»

Nyabusulu ya Yowane 21:5 ပူးပေါင်းရင်းမြစ်များ

Musamu wamubwete watina Luka 5:38

Ngo malu mamoono, kusekele mu bimpokoro byamoono.

2 Kol 5:17

Hango-nkuumbu, mbuti muutu wuri mu Kiristo, lo nde kiyiriki kyamoono; byabikulu byayeki byaluta, byamoono byayiingina.

Mukaanda kuri Bahebeleho 12:27

Ntoono yiri ti: «Nde wubweese kuteembese lukimi», yisoongo kuri ti, bitotolo bi bayirikiri sa byanyingina na kukituka, mpisi heki bibyo biri byanyingina ko binamitina kuba.

Nyabusulu ya Yowane 1:11

yaleele ti: «Mamo ma wuri mu kumono, tina mo munsa mukaanda, na heeke nde ku mabuundu mo nsaamu: ku Efeso, ku Semirana, ku Peregamo, ku Tyatira, ku Saredeyi, ku Filadelefya, na ku Lahodikya.»

Nyabusulu ya Yowane 1:19

Hango, tina ma mwiini, mamo mari, na mari mu kwiisa ha lumbisa lwa mamo.

Nyabusulu ya Yowane 19:9

Mbasi yaleele kuri me ti: «Tina: Kiminu kiri na babo ba bari bateele mbila, mu kudya byandya bya makweele ma Mwaana kimeeme.» Yabweese kuleele kuri me ti: «Mamo ngo Maampu ma Nzaambi mangwanwa.»

Nyabusulu ya Yowane 20:11

Me nyamono mboloko yadzaangama yahembeke, na wunde waba wadzakala ha yulu yo. Yulu na butoto byayitika ha busu bwaandi, na ka kwasii bweese kuba kibeendu kuri byo ko.

Nyabusulu ya Yowane 22:19

Na mbuti muutu yisiri maampu ma mukaanda wa mbikululu yimayi, lo Nzaambi sa kayusula kikuuku kya nde kya bimbutu, mu muti wa bumwooyo na mu bvula dyangisi, bi bari badzoonsolo mu mukaanda wumawu.

Nyabusulu ya Yowane 22:6

Mbasi yaleele kuri me ti: «Maampu mamama makuka mu kanyi na mangwanwa. Na Mfumu, Nzaambi ya mampeeve ma babikiri, waheeke mbasi yaandi mu kusoongo kuri bisari byaandi, mamo mari bele mu kwiisa.»

Nyabusulu ya Yowane 4:2

Mu kilookolo kinikyo, Mpeeve yambaka, na nyamono mboloko ku yulu, na ha yulu mboloko muutu mosi waba wadzakala.

Nyabusulu ya Yowane 4:9

Na mu mpisi ntaangu, yiri bibulu bibyo biha nkeembu, lukiinsu na matoondo kuri wunde wadzakala ha yulu mboloko, wuri mwooyo mu bibvu ngo bibvu,

Nyabusulu ya Yowane 5:1

Me nyamono ha kooko, kwa lubakala kwa wunde waba wadzakala ha mboloko, mukaanda watinu mbisa na mbisa, wakaangu mu binyemu nsaamu.