Nyabusulu ya Yowane 21:27 - Musamu Wamubwete 2013

²⁷ Mu dyo, kuri nkotulu kitotolo kyasumuka, muyiriki mya myamibi, bunu pe ngaa-mpya ko, ngo bakoto mu dyo, bani babo batinima mankuumbu mu mukaanda wa mwooyo, wa Mwaana kimeeme.

Nyabusulu ya Yowane 21:27 ပူးပေါင်းရင်းမြစ်များ

Musamu wamubwete watina Matayi 13:41

Mwaana muutu sa kaheeke bambasi baandi, na sa bapalisa mu Kimfumu kyaandi, bobanso bakwebwiisa bambaasi mu masumu, na bakwesalila bubayi,

Musamu wamubwete watina Malako 7:2

Bo bamono babamosi mu bayiki ba Yesu, bakwedya byandya na myooko mya mviindu, haho lo ti myahele kuswaaka.

Musamu wamubwete watina Luka 10:20

Hango, yaa lumono kiminu, mu kuri ti mampeeve mamabi malutumumina; ngo kasi monee kiminu mbuti mankuumbu meenu matinima mu mayulu.»

Mukaanda kuri bari Efeso 5:5

Mukwongo, yaabeenu dimadi: mpisi kiyala, bunu pe wasumuka, bunu pe ngaa-lukakutu, yiyo nsambukulu-biteki, lo wabubwo wahele na saala mu Kimfumu kya Kiristo bo na Nzaambi.

Mukaanda kuri bari Filipo 4:3

Heehe, me nyiloombo kuri ye se, mbaasi yaami ya kisalu ya ngwanwa ti, bakisa bakyeetu babo, bo banweeni kintwaari na me, mu ntoono Musamu Wamubwete, kintwaari se na Kelema na bambaasi ba me bakaka ba kisalu, bari mankuumbu mari mu mukaanda wa mwooyo.

1 Tim 1:10

bangaa-buyala, babakala bakweta kimpala na bambaasi babakala, baatu bakweyarika bankutu, bangaa-mpya, bakwelaba-maalu ma mpya, na bakweyirika mari kitaatu na nyikusulu dzadzibwete,

Mukaanda kuri Bahebeleho 12:14

Namitinee kwesa kiyeengi na bobanso, na kweba kunsa bungisi, buri, mbuti buheriri, lo kuri muutu ti mosi ko wumono Mfumu.

2 Pet 3:13

Ngo beetu turi mu kwekiingila, bunu buri lusiilulu lwaandi, mayulu mamoono na butoto bwamoono, mumwo muba nsungumunu.

Nyabusulu ya Yowane 13:8

Bobanso badzakala ha butoto, sa basaambila kibulu kikyo; bobanso bari mankuumbu mahele kutina, mu mukaanda wa mwooyo wa Mwaana kimeeme, wubakekiri, kuholosono kunu mbandukulu nsi.

Nyabusulu ya Yowane 20:12

Me nyamono se bafwa, bakuutu na bilesi, bateleme ha busu bwa mboloko. Nyamono se badzibula mikaanda, na badzibula mukaanda mukimi, wuri mukaanda wamwooyo. Bafwa, babatsuundisa bunu bwaba myatinu mu mikaanda, bunu bwaba biyiriki bya bo.

Nyabusulu ya Yowane 20:15

Mbuti muutu wahele na nkuumbu yatinu mu mukaanda wamwooyo, lo bamutubiri ku dyaanga dya mbaawu.

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»

Nyabusulu ya Yowane 3:5

«Wuluuluka se sa kaba mu bilwaatu byahembeke, na nyiyaala nkuumbu yaandi mu mukaanda wa mwooyo ko, na sa nyamuteelile kimbaangi ha busu bwa Taata, na ha busu bwa bambasi baandi.»