Nyabusulu ya Yowane 20:4 - Musamu Wamubwete 2013

⁴ Me nyamono mamboloko, baba badzakala ha yulu mo, babaha lutumu lwa kutsuundisa. Nyamono se miheebulu mya baatu ba bataburi mitu, mu ntoono kimbaangi kya Yesu, na mu ntoono maampu ma Nzaambi, na babo bari basii saambila kibulu na kiteki kyaandi ko, na bari basii taambula bidiimbu mu mambuunsu na mu myooko mya bo ko. Bo bafuluka na batuma kintwaari na Kiristo mu fuunda dya mibvu.

Nyabusulu ya Yowane 20:4 ပူးပေါင်းရင်းမြစ်များ

Musamu wamubwete watina Matayi 19:28

Yesu wabvutula kuri bo ti: «Mu ngwanwa me nyiluleeriri ti, mu ntaangu yikitika byobinso byamoono, Mwaana muutu bu kadzakala ha mboloko ya munkeembu, beenu lwanemi me, beenu se sa lwaba lwadzakala mu mamboloko kuumi na moolo, mu kutsuundisa makaanda kuumi na moolo ma Isaheli.

Musamu wamubwete watina Matayi 24:10

Hanaho, baatu balaka sa babwa, sa bayekele bambaasi bo na bo, na sa bebelesene bo na bo.

Musamu wamubwete watina Malako 6:16

Erode, bu kayuka mamo waleele ti: «Wunde Yowane, wu nyatabiri me mutu wafulukiri mu bafwa.»

Musamu wamubwete watina Malako 6:27

Mu kilookolo kinikyo, mbyaasi waheeke mukebi mosi mu bayongolo katwaala mutu Yowane. Bu kayende, watabula Yowane mutu mu boroko.

Musamu wamubwete watina Malako 9:11

Bo bafuula Yesu ti: «Bukuri nki batini ba mangisi bakoleelaa ti Eliya wakiri tekesele na kwiisa?»

Musamu wamubwete watina Luka 1:17

Nde sa keyende ku mankula ha busu bwa Nzaambi, mu mpeeve na mu mpinu dza Eliya, mu kubvutula mitima mya bataayi ha yulu baala, na bangaa-tungu, ku madyeele ma baatu basuunguma, na kusa kuri ti baatu baba bayirima mu kutaambula Mfumu.»

Musamu wamubwete watina Luka 14:14

Na ye sa ba mu kiminu bukuri, bo babaka bya kubvutula kuri ye ko. Mukwongo, ye sa taambula byo, ha ba mfulukulu ya basuunguma.»

Musamu wamubwete watina Luka 22:30

mpisi heki beenu ludya, na lunwa ha taabala dya me, mu Kimfumu kyaami, na beenu sa lwadzakala ha yulu mamboloko mu kutsuundisa makaanda kuumi na moolo ma Isaheli.»

Musamu wamubwete watina Yowane 14:19

Mwaa-ntaangu yantele yisiiri, na nsi ka yibweese kumono me se; ngo kasi beenu sa lwamono me, bukuri me nyiri mwooyo, na beenu se sa lwaba mwooyo.

Mukaanda kuri bari Loma 11:15

Mukwongo, mbuti kusuusa kwa bo ha luteke, ngo nyukusunu na nsi, lo buri bubeele mvutukulu bo, mbuti ka bumwooyo mu bafwa ko?

Mukaanda kuri bari Loma 8:17

Mbuti turi baala, lo turi se bakondiri ba saala: bakondiri ba saala dya Nzaambi, bakondiri kintwaari na Kiristo, mbuti heki tubamaa na nde, mpisi heki tuba se bakeembese na nde.

2 Tim 2:12

mbuti tukuundiri mpasi kintwaari na nde, lo sa twatuma kintwaari na nde se; mbuti tumutunini, lo nde se sa katutuna;

Nyabusulu ya Yowane 1:2

wunde wata kimbaangi mu Maampu ma Nzaambi, na kimbaangi kya Yesu Kiristo, momanso ma kari kamono.

Nyabusulu ya Yowane 1:9

Me Yowane, mpaangi yeenu, wu luri ntwaari mu nsiitsulu, mu kimfumu, mu nkwikumunu mu Yesu; me nyabeeri ku kibuma ki bateelaa ti Patomo, mu dyaambu dya Maampu ma Nzaambi na kimbaangi kya Yesu.

Nyabusulu ya Yowane 11:11

Ha mambisa ma biluumbu bitatu na ndaambu, muwuumunu wa mwooyo wa Nzaambi wakoto mu bo, na bo bateleme; babo baba bamono, babaka boomo bwalaka.

Nyabusulu ya Yowane 11:15

Mbasi yansaamu yasika mvumvuri. Mambeembu mamanene mayukukuna ku yulu maleele ti: «Kimfumu kya nsi kyeki kuri Mfumu yeetu, na kuri Kiristo dyaandi. Nde sa katuma mu bibvu ngo bibvu.»

Nyabusulu ya Yowane 11:3

Me sa nyaha miswa kuri bambaangi baami boboolo, mu kubikula mu fuunda dimosi nkama dzoolo na makuumi masaamunu ma biluumbu kuri balwaata matsaaka.»

Nyabusulu ya Yowane 11:7

Mu ntaangu yi bamana kuta kimbaangi kya bo, kibulu kitoomboko mu lubila, sa kaba bwisikila mudziingu, sa kababwiisa na kabadzusa.

Nyabusulu ya Yowane 12:11

Bo bamubwiisiri, mu ntoono makila ma Mwaana kimeeme, na mu ntoono maampu ma kimbaangi kya bo; bo basii tya kukalila miwuumunu myaaku ha busu bwa lufwa ko.

Nyabusulu ya Yowane 14:11

Mwiisi wa nkwamusunu bo sa katoomboko, mu bibvu ngo bibvu. Basaambila kibulu na kiteki kya kifwaani kya kibulu ki kyo, na mpisi wunde wutaambula kidiimbu kya nkuumbu yaandi, baba na kidzuunu ko, butsuku na mwiini.»

Nyabusulu ya Yowane 15:2

Me nyamono bunu ti mubu wasaanga na mbaawu, wuri mu kuseme bunu lumweenye, babo baluulukiri mu kibulu, mu kiteki kyaandi na mu lutaangu lwa nkuumbu yaandi, baba bateleme ha yulu mubu wuri mu kuseme bunu lumweenye, bari na mangoomfi ma Nzaambi.

Nyabusulu ya Yowane 17:8

Kibulu ki wamwiini ye kyaba, ngo kyasaala ko, sa kitoomboko mu lubila, na sa kyeende ku mfukusulu; baatu badzakala ha butoto, babo bari mankuumbu mahele kutina mu mukaanda wa mwooyo, kuholosono nyirikulu nsi, sa bakimuka ha bamono kibulu, Bukuri kyo kyaba na kyasaala ko, kasi sa kyabweese kumonokono.»

Nyabusulu ya Yowane 2:26

«Kuri wunde wuluulukiri na wukebiri biyiriki byaami natee manunu, me sa nyaha kuri nde, lutumu ha yulu makaanda,

Nyabusulu ya Yowane 20:6

Bari mu kiminu, na bangisi babo bataambula mfulukulu yatete! Lufwa lwadzoolo ka lubweese kuba na lutumu mu bo ko, ngo kasi bo sa baba bangaanga ba Nzaambi na ba Kiristo, na sa batuma kintwaari na nde mu fuunda dya mibvu.

Nyabusulu ya Yowane 22:5

Butsuku bubweese kuba ko; na babweese kuba na nzala buungi bwa mwiinda na bwa ntaangu ko, bukuri Mfumu Nzaambi sa kasa buungi kuri bo, na sa batuma mu bibvu ngo bibvu.

Nyabusulu ya Yowane 3:21

«Wunde wuluuluka, me nsa nyamudzakisa kintwaari na me ha mboloko yaami, bunu buri me se nyalulukiri, na nyadzakala kintwaari na Taata, ha mboloko yaandi.»

Nyabusulu ya Yowane 4:4

Mu teteke dya mboloko, mwaba makuumi moolo na mana ma mamboloko, na ha yulu mo binuni makuumi moolo na bina byaba byadzakala, byalwaata binkuta byahembeke na nkoongolo dzawoolo mu yulu mitu.

Nyabusulu ya Yowane 6:9

Ha kaba dzibula kinyemu kyabitaanu, me nyamono ku nsuku dziku, miheebulu mya babo babakekiri mu ntoono maampu ma Nzaambi, na mu ntoono kimbaangi ki bari baleele.

Nyabusulu ya Yowane 7:3

yaleele ti: «Yaa lumonoso butoto, mubu, na miti mpasi ko, natee ku tumana kusa beetu binyemu, mu mambuunsu ma bisari bya Nzaambi yeetu.»