Nyabusulu ya Yowane 20:15 - Musamu Wamubwete 2013

¹⁵ Mbuti muutu wahele na nkuumbu yatinu mu mukaanda wamwooyo, lo bamutubiri ku dyaanga dya mbaawu.

Nyabusulu ya Yowane 20:15 ပူးပေါင်းရင်းမြစ်များ

Musamu wamubwete watina Matayi 13:42

Sa babalooso ku munyeenge mbaawu, kukwo kuba bidilu na nkweetulu miinu.

Musamu wamubwete watina Matayi 13:50

sa batuba bababi ku munyeenge mbaawu. Kukwo mbasi-tsuku kuba bidilu na nkweetulu miinu.»

Musamu wamubwete watina Matayi 25:41

«Haho mbyaasi sa kaleele kuri bari ku lumoso ti: "Tatukeenu la na me, beenu ba bari babulila mpopi, yendeenu ku mbaawu yahele manunu, yibari bayirikila mu ntoono dyabulu na bambasi baandi.

Musamu wamubwete watina Malako 16:16

Wunde wusiila kanyi, na wutaambula mbotokulu sa kabvuuka, ngo wunde wuhele kusiila kanyi sa bamukesele mukanu.

Musamu wamubwete watina Luka 10:20

Hango, yaa lumono kiminu, mu kuri ti mampeeve mamabi malutumumina; ngo kasi monee kiminu mbuti mankuumbu meenu matinima mu mayulu.»

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 3:36

Wunde wusa kanyi mu Mwaana wuri na kidziingu kyahele manunu; ngo kasi wubisa kusa kanyi mu Mwaana, kabaka kidziingu ko, ngo kasi nkesi dza Nzaambi dzibwa ha yulu nde.»

Biyiriki bya Bantumu 4:12

Mvuukulu yahele mu mukimi; bukuri kwahele nkuumbu yikimi ha butoto, yi bari baha kuri baatu, yiri lo mu yo, beetu tubvuukiri.»

Mukaanda kuri Bahebeleho 12:25

Seenee madyeele, mu kuhele kubisa kuyuka wunde wudzoonso. Bukuri mbuti, babo babisiri kuyukula wunde waba balubulaana ha butoto, basii bvuuka mu nseembulu ko, lo beetuneenu se, tubvuuka mu nseembulu ko, mbuti tubisiri kuywiila wunde wudzoonso ku mayulu.

Mukaanda kuri Bahebeleho 2:3

Ngo dyaburi beetu tubvuukila, mbuti tunyaafuni mvuukulu yayinene yiyo, yiri Mfumu wabaandikiri kuyaabisa, tumi babo bayukiri beki tswiikisa kuri beetu,

Nyabusulu ya Yowane 19:20

Basiimba kibulu kikyo, ha kimosi na mubikiri wampya, waba kweyirikaa bimaangu ha busu bwa kibulu kikyo, mu kwedziimbisa baba na kidiimbu kya kibulu, na baba saambilaana kiteki kyaandi. Bo boolo babatuba bamwooyo ku lubila lwa mbaawu ya mile.

Nyabusulu ya Yowane 20:10

Dyabulu mudziimbisi bo, bamutuba ku dyaanga dya mbaawu ya mile, kukwo kuri kibulu na mubikiri wampya, sa baba bakwaamusu butsuku na mwiini mu bibvu ngo bibvu.

Nyabusulu ya Yowane 20:12

Me nyamono se bafwa, bakuutu na bilesi, bateleme ha busu bwa mboloko. Nyamono se badzibula mikaanda, na badzibula mukaanda mukimi, wuri mukaanda wamwooyo. Bafwa, babatsuundisa bunu bwaba myatinu mu mikaanda, bunu bwaba biyiriki bya bo.

Nyabusulu ya Yowane 20:14

Lufwa na nsi ya bafwa babituba ku dyaanga dya mbaawu. Dyaanga dya mbaawu didyo ngo lufwa lwadzoolo.

Nyabusulu ya Yowane 3:5

«Wuluuluka se sa kaba mu bilwaatu byahembeke, na nyiyaala nkuumbu yaandi mu mukaanda wa mwooyo ko, na sa nyamuteelile kimbaangi ha busu bwa Taata, na ha busu bwa bambasi baandi.»