Nyabusulu ya Yowane 2:23 - Musamu Wamubwete 2013

²³ lo me sa nzusa baala ba nde wa mukyeetu. Na mabuundu momanso sa bayaaba ti, me ngo nyikengisaa bitsimi na manzala, na sa bvutula kuri muutu-muutu mu beenu, bunu buri biyiriki byaandi.»

Nyabusulu ya Yowane 2:23 ပူးပေါင်းရင်းမြစ်များ

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Musamu wamubwete watina Luka 16:15

Nde waleele kuri bo ti: «Beenu lukwesoongo ha busu bwa baatu ti lwasuunguma, ngo kasi Nzaambi yaari mitima mya beenu. Mukwongo, bibyo biri baatu bamono ti byadzaangama, ha busu bwa Nzaambi biri byanyaafuna.»

Musamu wamubwete watina Yowane 21:17

Nde wabweese kumufuula mbala yatatu ti: «Simoni, mwaana Yowane, buri ye tiiri me?» Petelo wanyoongo mu bukuri wamufuuriri mu mbala yatatu ti: «Buri ye tiiri me?» Nde wamuleele ti: «Mfumu, ye yaari myominso, ye yaari ti me nyikutiiri.» [Yesu] waleele kuri nde ti: «Buungula bimeeme bya me.

Musamu wamubwete watina Yowane 4:16

Yesu waleele kuri nde ti: «Yende, weteele mulumi waaku, na bweese kwiisa hamaha.»

Biyiriki bya Bantumu 1:24

Bu basaambila baleele ti: "Mfumu ye yaari mitima mya baatu bobanso, soongo na mu bo boolo ye sooriri

Mukaanda kuri bari Loma 14:12

Hango-nkuumbu, mpisi muutu mu beetu sa katambikisa mabuungu ma nde-meene [kuri Nzaambi].

Mukaanda kuri bari Loma 8:27

Wunde wufyongokinaa mitima myeetu, yaari bunu buri bitsimi bya Mpeeve, bukuri wunwanikinaa bangisi mu lusaambulu, bunu bu tiiriri Nzaambi.

2 Kol 5:10

Bukuri beetu-banso tuyelemini kuteleme ha busu bwa mutsuundu wa Kiristo, mpisi heki muutu-muutu kataambula, museendu wa ma kari kayirika, mu nyutu yaandi, mamabwe bunu pe mamabi.

Mukaanda kuri bari Ngalatya 6:5

Mukwongo, mpisi muutu kanaanguna kilemu kya nde-meene.

Mukaanda kuri Bahebeleho 4:13

Kwahele kiyiriki ti kimosi kyahele kumonokono ha busu bwaandi, byobinso biri mpene na byayalulu ha miisu myaandi, kuri nde mbasi-tsuku tuyalimina mabuungu.

1 Pet 1:17

Na mbuti beenu luteelaa mu lusaambulu ti Taata, wunde wahele na kimpengeki, wutsuundisa muutu-muutu bunu buri biyiriki byaandi, lo dyaatileenu mu kibvumi, mu ntaangu ya kidziingu kyeenu mu nsi ya bunzeense yi,

Nyabusulu ya Yowane 2:11

«Wunde wuri na makutu kayuka, mamo madzoonsiri Mpeeve kuri mabuundu!» «Wuluulukiri ka kafwa lwadzoolo ko.»

Nyabusulu ya Yowane 2:7

«Wunde wuri na makutu kayuka, mamo madzoonsiri Mpeeve kuri dibuundu. Kuri wunde wuluuluka, me sa nyimuha muti wa mwooyo wa kudya, wuri mu paradiso dya Nzaambi.»

Nyabusulu ya Yowane 20:12

Me nyamono se bafwa, bakuutu na bilesi, bateleme ha busu bwa mboloko. Nyamono se badzibula mikaanda, na badzibula mukaanda mukimi, wuri mukaanda wamwooyo. Bafwa, babatsuundisa bunu bwaba myatinu mu mikaanda, bunu bwaba biyiriki bya bo.

Nyabusulu ya Yowane 20:13

Mubu wabvutula bafwa baba mu nde. Lufwa na nsi ya bafwa babvutula bafwa baba mu bo. Babatsuundisa muutu-muutu bunu buri biyiriki byaandi.

Nyabusulu ya Yowane 22:12

«Mono, me nyiri mu kwiisa mu mawasu na museendu waami, mu kubvutula kuri muutu-muutu bunu buri biyiriki byaandi.

Nyabusulu ya Yowane 6:8

Me nyamono kavaalu dya ntiinta ya maampa ma nsaka. Wunde waba wadzakala ha yulu dyo nkuumbu yaandi lufwa, na nsi ya bafwa yaba kwemunama. Baha kuri bo lutumu mu kibari kimosi, mu bibari bina bya butoto, mpisi badzusila baatu mu mbeesi yayila, mu nzala, mu lufwa na mu bibulu byansisi biri ha butoto.