Nyabusulu ya Yowane 2:2 - Musamu Wamubwete 2013

² Me nyaari biyiriki bya ye, kisalu na kifiki kyaaku. Me nyaari ti ye wakuunda bababi ko, na ye watsiitsiri babo bakweleele bo-meene ti bo bantumu, ngo bo bari bantumu ko, na ye wamwii ti bangaa-mpya bari.

Nyabusulu ya Yowane 2:2 ပူးပေါင်းရင်းမြစ်များ

Musamu wamubwete watina Matayi 7:23

Haho, me sa nyaleele kuri bo ti: "Me nyahele kuluyaaba ti mu ntaangu mosi! Sasikeenu ha teke me, beenu bangaa-bubayi!"»

Musamu wamubwete watina Yowane 6:6

Nde waleele mamo mu kumutsiitsa; mukwongo nde-meene waba yaari ma kaba katsima kuyirika.

Mukaanda kuri bari Ngalatya 1:7

Mukwongo, kuri Musamu mukimi ko, mbuti ka bangaa-kisaangila ko, batiiri kukitula Musamu Wamubwete wa Kiristo.

Mukaanda kuri bari Efeso 4:14

Haho lo tubweese kuba baala, banyingusu na bakweyende mu mpisi kiteembu kya nyikusulu dza kimpa kya baatu, mu lupyelu lwa bo ko, na mu mawunu na lumvuki lwa bo.

1 Tes 1:3

Beetu tubaambukaana mwooyo mu biyiriki bya kanyi dyeenu, mu kisalu kya ntiilu yeenu, na mu kifiki kya nsiitu dzeenu mu Mfumu yeetu Yesu Kiristo, ha busu bwa Taayi dyeetu Nzaambi.

1 Tes 5:21

ngo fyongokineenu myominso, lukebe myamibwete.

2 Tim 2:19

Diri dyangwanwa ti lufulu lwa sa Nzaambi lwa makwa lwateleme, luri na kinyemu kyatina ti: «Mfumu yaari baatu baandi, na wunde wutaangunaa nkuumbu Mfumu, yelemini kutatuka na mamabi.»

Mukaanda kuri Bahebeleho 6:10

Mukwongo, Nzaambi wahele na bubayi, mu kudzimbikina kisalu kyeenu, na ntiilu yi luri lwasoongo mu nkuumbu yaandi, bu lwasariri bangisi, na bu luri mu kunamitina kubasalila.

1 Yow 4:1

Banduku ba mutima, yaa lwesiila kanyi mu mpisi mpeeve ko, ngo fyongokinee mampeeve, mbuti ma Nzaambi mari; bukuri babikiri bampya balaka bamwaakwiisa mu nsi.

Nyabusulu ya Yowane 2:5

Hango, baambuka mwooyo mu ha wuri wabwiilila, yiinga dyeele na bvutukila biyiriki byaaku byatete; mbuti ka bubwo ko, lo me sa nyiisa kuri ye, na sa nyiinga kibeendu kya kitetukulu kya mwiinda waaku, mbuti ye wahele kuyiinga dyeele.

Nyabusulu ya Yowane 2:6

Kasi ye wuri na dimadi se: ye wubelaa biyiriki bya Nikolayiti, biri me se nyabibele.»

Nyabusulu ya Yowane 2:9

Me nyaari mpasi na buwelu bwa ye, kasi wuri kisina, nyaari se nsaanunu dza babo bari mu kweleele ti Bayudayo bari, ngo bari Bayudayo ko, kasi baatu ba nzo-nkutukunu ya Satana.

Nyabusulu ya Yowane 3:1

Tina kuri mbasi ya dibuundu dya Saredeyi: «Wakwaata mampeeve nsaamu ma Nzaambi, na bambwetete nsaamu, bu kari mu kuleele: me nyaari biyiriki bya ye, wuri na mvuumfu ti wuri mwooyo, ngo kasi ye wafwa.

Nyabusulu ya Yowane 3:15

Me nyikuyaari mu biyiriki byaaku; ye wahele kyoosi, wahele se mbaawu; habee kwaandi ba ti kyoosi bunu pe mbaawu!

Nyabusulu ya Yowane 3:8

Me nyaari biyiriki bya ye; mono, me nyikusuusiri ha busu bwa mweelu wadzibulu, kuri muutu ti mosi ko wakuka mu kukaanga nde; bukuri ye mwaa-mpinu wuri na dzo, kasi wakebe maampu maami, tumi se wahele kutuna nkuumbu yaami.