Nyabusulu ya Yowane 2:14 - Musamu Wamubwete 2013

¹⁴ Kasi me nyiri na munyoongi wantele mu ye: bukuri ye wuri na baatu bakaangama mu nyikusulu dza Balaami, waba yikisa kuri Balaki, bwa kubwiisila baala ba Isaheli, mu kudya toongo, twaha mu bikabu kuri biteki na kwesa buyala.

Nyabusulu ya Yowane 2:14 ပူးပေါင်းရင်းမြစ်များ

Musamu wamubwete watina Matayi 18:7

Kyaari kuri baatu ba nsi yi mu dyaambu dya mbumukunu makya; mukwongo, mbumukunu makya yiyelemini kuba, ngo kyaari kuri muutu wunde wuba nzila ya mbumukunu makya!

Biyiriki bya Bantumu 15:29

Beenu biseenu toongo twa bibulu byadzusulu mu kikabu kuri biteki, makila, na toongo twa bibulu byadzusu mu nsukusulu muwuumunu, na buyala; mbuti lukebiri manyutu meenu mu mimyo, lo bubwo bwabubwe lusa. Mamboto menu!

Biyiriki bya Bantumu 21:25

Ngo kuri bangooyi babo bamwaasa kanyi, beetu twatinini kuri bo ma twakaangiri ti: bo yaa beedya toongo twa bibulu byadzusu mu kikabu kuri biteki ko, makila se kudya pe, toongo twa bibulu byadzusa mu nsukusulu muwuumunu se kudya pe, kimpala se kuta pe.

Mukaanda kuri bari Loma 11:9

Na Davidi wuleele ti: «Hemese ndiilu yaaku yiba kuri bo mweete na siinga, mpwaani ya kubwa mu masumu na ya kutaambila maseembu.

Mukaanda kuri bari Loma 14:13

Ngo yaa twetsuundisinee beetu na beetu ko; kasi tumonee dyo mufunu mu kuhele kusiila mbaasi nkakusulu, bunu pe mu kuhele kumubumisa makya.

Mukaanda kuri bari Loma 14:21

Buri bwabubwete mu kuhele kudya toongo, na kuhele kunwa malu, na kubisa byobinso biri lo bibwiisiri mpaangi yaaku mu masumu.

Mukaanda kuri bari Loma 9:32

Bukuri nki? Bukuri nde wahele kusakila mu kanyi, ngo mu biyiriki. Bo babumuna kya mu «tari dya mbumukunu makya»,

1 Kol 1:23

Ngo kasi beetu, turi mu kweyaabisa Kiristo wakomono ha yulu kuruwa, Bayudayo babumina makya mu musamu wunde, na bangooyi bamono ti bulawuku,

1 Kol 7:2

Ngo kasi, mu kubata buyala, mpisi bakala kaba na mukasi wa nde-meene, na mpisi mukyeetu se kaba na mulumi wa nde-meene.

Mukaanda kuri Bahebeleho 13:4

Hemese makweele maba makiinsa kuri bobanso, na mbuka ya makweele yaa yiba yasumunu ko, bukuri Nzaambi sa katsuundisa biyala na bangaa-kimpala.

1 Pet 2:8

Na dyeki: «Tari dya mbumukunu makya, na dya mbwiilulu makubu.» Bo bari mu kubuminaa makya mu dyo, bukuri bahele kusa kanyi mu maampu, na mu bubwo bari babataasila.

2 Pet 2:15

Bu bamana kusiisa nzila yasuunguma, bayeki bawumuka mu kwenama nzila ya Balaami mwaana Bosoro, watiiri mufutu wa mamabi.

Mukaanda Yuda 1:11

Kyaari kuri bo, bukuri banemi nzila ya Kayini, bo bayekimini mu mpumukunu ya Balaami mu ntoono mufutu, na bafuukiri kunsa tungu dya Kore.

Nyabusulu ya Yowane 2:20

Ngo di nyiri nyabele ye, di wuri wahemese mukyeetu wuri nkuumbu Yedzabele, wu kweleele ti nde mubikiri, wukweyikisa na wukwedziimbisa bisari byaami, kuri bakwesa buyala, na bakwedya toongo twaha mu kikabu kuri biteki.

Nyabusulu ya Yowane 2:4

Ngo kasi di mberiri me mu ye diri: ye wayekele ntiilu yaaku yatete.

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»

Nyabusulu ya Yowane 22:15

Bambwa, bangaa-makundu, biyala, badzusi, misaambiri mya biteki, na mpisi wunde wutyaanaa mpya, na wusalilaa mpya, ku mbasi baba.