Nyabusulu ya Yowane 2:10 - Musamu Wamubwete 2013

¹⁰ Yaa bata ti kitotolo ti kimosi ko, mu mpasi dzi wubwanikina na dzo. Mono, dyabulu sa katuba bakaka mu beenu munsa boroko, mpisi heki balutsiitsa; sa lwaba lwatsiitsa mu biluumbu kuumi. Ba wakwiikama natee dya lufwa, tumi nyikuha lukoongolo lwamwooyo.»

Nyabusulu ya Yowane 2:10 ပူးပေါင်းရင်းမြစ်များ

Musamu wamubwete watina Matayi 10:22

Baatu bobanso sa balubele mu ntoono nkuumbu yaami. Ngo wunde wunamitini natee manunu sa kabvuuka.

Musamu wamubwete watina Matayi 10:28

Yaa lubata baatu bari lo baludzusiri mu nyutu, ngo bahele kubangisina kudzusa muheebulu. Ngo kasi bateenu wunde wuri lo, bangusini kufuukisa muheebulu na nyutu ku lubila.

Musamu wamubwete watina Matayi 24:13

Wunde wunamitini natee manunu, sa kabvuuka.

Musamu wamubwete watina Malako 13:13

Baatu bobanso sa balubele mu ntoono nkuumbu yaami. Ngo wunde wunamitina natee kumanunu, sa kabvuuka.»

Musamu wamubwete watina Malako 8:35

Mukwongo, wunde wutiiri kubvuukisa kidziingu kyaandi, lo sa kakidziimbisa; ngo kasi wunde wudziimbisa kidziingu kyaandi mu ntoono me, na mu ntoono Musamu Wamubwete, lo sa kakibvuukisa.

Musamu wamubwete watina Luka 21:12

Ngo tekesele momanso mamo, sa balukaanga na kulukwaamisa, sa balutsuundisa mu manzo mankutukunu, na kulutuba mu maboroko, sa balunata ha busu bwa bambyaasi na batumi, mu ntoono nkuumbu yaami.

Musamu wamubwete watina Yowane 12:25

Wunde wutiiri kidziingu kyaandi, lo sa kadziimbisa kyo; na wunde wubele kidziingu kyaandi, mu nsi yimayi, lo sa kakebe kyo, mu kubaka kidziingu kyahele manunu.

Musamu wamubwete watina Yowane 13:2

Kilookolo ki baba dya mu nsinsika, dyabulu waba mwaasuusa, mu mutima Yuda, mwaana Simoni Iskaryote, kitsimi kya kuyekele Yesu.

Musamu wamubwete watina Yowane 13:27

Kamanaa kudya kitsuri kya mpa, Satana wakoto mu nde. Haho Yesu wamuleele ti: «Ma wuri mu kuyirika, yirika mo mu mawasu.»

Biyiriki bya Bantumu 20:24

Kasi ha miisu mya me, kidziingu kyaami kyahele mufunu, kasi miri mufunu kuri meenu kusukisa nzila yaami na kisalu ki nyataamburi kuri Mfumu Yesu, kya kweta kimbaangi mu Musamu Wamubwete mu bweese bwa Nzaambi.

Biyiriki bya Bantumu 21:13

Haho, Pawulo wabvutula ti: "Nki luri mu kusa mu kudiila na mu kutabula me mutima? Me nyayirima, kari mu kunu kuri ti bankaanga bikonyi ko, ngo na mu kufwa ku Yerusalemi mu nkuumbu ya Mfumu Yesu."

1 Kol 9:25

Mpisi wukotaana mu kimpa kya ntiinu, lo wukebaanaa mangisi mu myominso. Bo bayirikaa mimyo, mpisi bataambula lukoongolo lukoobiiyaa, ngo kasi beetu luri lwabiiya ko.

Mukaanda kuri bari Efeso 2:2

mu mo, beenu lwaba kwedyaatilaana mu ntaangu yayikulu, bunu buri bifu bya nsi yimayi, bunu buri lutumu lwa mfumu mpinu dza kingye-kingye, mpeeve yiyo yiri mu kwesala mu lumalu, ha kakati dya baala ba tungu.

Mukaanda kuri bari Efeso 6:12

Bukuri kikiindu ki turi na kyo, kari kya kunwaanisa muswinyi na makila ko, ngo kasi kya kunwaanisa bakuutu, batumi, na bamfumu ba nsi ya mampimbisi yimayi, kya kunwaanisa mampeeve mamabi mari ku kinsongi-yulu.

Mukaanda wa Yakobo 1:12

Muutu wukuunda nsindukulu wuri mu lwambwe, bukuri bu bameeni kumutsiitsa, nde sa kataambula lukoongolo lwa bumwooyo lwataambukila Nzaambi kuri bamutyaanaa.

1 Pet 5:4

Tumi ha monokono mukuutu batari, beenu lutaambula lukoongolo lwa nkeembu luri lwabiiya ko.

1 Pet 5:8

Beene bangaa-ndiilu na nwiinu byayelemene, beenee naana. Mutaatu weenu dyabulu, wuri mu kwedyengekele bunu nkosi yi kwewuma, yi kwesaka wu kamingutina.

Nyabusulu ya Yowane 13:14

Mu ntoono bimaangu bi bamuheeri miswa mu kuyirika, ha busu bwa kibulu, kyo kikwedziimbisa babo badzakala ha butoto, na kikweleele kuri badzakala ha butoto ti bayirika kiteki, mu kifwaani kya kibulu ki baleti boko mu mbeesi yayila, ngo kiri mwooyo.

Nyabusulu ya Yowane 13:2

Kibulu ki nyamwiini me, kyaba kyafwanikina na ngo, miilu myaandi myaba bunu miilu mya nzusi, munwa waandi bunu munwa nkosi. Maŋataŋo waha mpinu dzaandi, mboloko yaandi na lutumu lwalunene kuri kibulu kikyo.

Nyabusulu ya Yowane 13:7

Bakiha miswa mu kunwaanisa bangisi na mu kuluuluka mu bo, bamuha lutumu ha yulu bitsuumbu byobinso, baatu bobanso, mandiinga momanso na makaanda momanso.

Nyabusulu ya Yowane 17:14

Bo sa basa mudziingu kuri Mwaana kimeeme; na Mwaana kimeeme sa kababwiisa, bukuri nde wuri Mfumu ya bamfumu, Mbyaasi ya bambyaasi. Nde sa kababwiisa mu kintwaari na ba kari kateele mbila, ba kari kasoolo na bakwiikama mu nde.»

Nyabusulu ya Yowane 2:13

Me nyaari ku wubaanaa ye, kukwo kuri mboloko Satana, ye wakwaata mu makwa nkuumbu yaami, na wahele kutuna kanyi dya mu me, ti mu biluumbu bya Antipa, mbaangi yaami, mpaangi yaami yakwiikama, wubari badzusa kuri beenu, kwa tuunga Satana.

Nyabusulu ya Yowane 2:9

Me nyaari mpasi na buwelu bwa ye, kasi wuri kisina, nyaari se nsaanunu dza babo bari mu kweleele ti Bayudayo bari, ngo bari Bayudayo ko, kasi baatu ba nzo-nkutukunu ya Satana.