Nyabusulu ya Yowane 19:19 - Musamu Wamubwete 2013

¹⁹ Me nyamono kibulu, bambyaasi ba butoto na mikaangu myaaku mya bayongolo, bakutukuna mu kunwaanisa wunde waba wadzakala ha yulu kavaalu, na mukaangu bayongolo waandi.

Nyabusulu ya Yowane 19:19 ပူးပေါင်းရင်းမြစ်များ

Nyabusulu ya Yowane 11:7

Mu ntaangu yi bamana kuta kimbaangi kya bo, kibulu kitoomboko mu lubila, sa kaba bwisikila mudziingu, sa kababwiisa na kabadzusa.

Nyabusulu ya Yowane 14:9

Mbasi yikimi ya batatu yanama boboolo batete, yaleele mu mbeembu yayinene: «Mbuti muutu saambiri kibulu, na kiteki kya kifwaani kya kibulu, na taamburi kidiimbu ha mbuunsu yaandi bunu pe ha yulu kooko kwaandi,

Nyabusulu ya Yowane 16:14

Mukwongo, mampeeve mamabi mari, makwesa bidiimbu, makweyende kuri bambyaasi ba nsi yansiina, mu kubakutukisa, mu ntoono mudziingu, wa kiluumbu kyakinene kya Nzaambi mpuungu.

Nyabusulu ya Yowane 16:16

Mbasi yabakutukisa ha kibeendu ki baleelaa mu kihebeleho ti, Armangedoni.

Nyabusulu ya Yowane 18:9

Bambyaasi ba ha butoto, baba kwesa buyala na nde, na bataandiri busina bwa bo, sa badila na sa bateeteke myooko ha yulu mutu mu ntoono nde, ha bamono mwiisi mbaawu yi kanyeengine nde,

Nyabusulu ya Yowane 19:21

Babo basiiri, babadzusa mu mbeesi yayila, yaba pala mu munwa wa wunde waba wadzakala ha yulu kavaalu, na banoni bobanso bayukuta mu miswinyi mya bo.