Nyabusulu ya Yowane 19:18 - Musamu Wamubwete 2013

¹⁸ mpisi ludya miswinyi mya bambyaasi, miswinyi mya bakuutu ba bayongolo, miswinyi mya bangaa-makwa, miswinyi mya makavaalu, na mya babo badzakala ha yulu mo, miswinyi mya bobanso: bari na bunsaalisi na bari bankutu, bakuutu na bilesi.»

Nyabusulu ya Yowane 19:18 ပူးပေါင်းရင်းမြစ်များ

Musamu wamubwete watina Matayi 24:28

Haho ha ba kibulu kyafwa, hanaho se ha kutukinaa bango-noni.»

Musamu wamubwete watina Luka 17:37

Bayiki bafuula, baleele ti kuri nde ti: "Kuri Mfumu?" Nde wabvutula kuri bo ti: "Haho ha ba kibulu kyafwa, hanaho se ha ba bango-noni.»

Nyabusulu ya Yowane 11:18

Makaanda mabaka nkesi, nkesi dza ye dzamonokono, na ntaangu ya kutsuundisa bafwa yitubukiri, ya kuha museendu kuri bisari byaaku, kuri babikiri, kuri bangisi na kuri babvuminaa nkuumbu yaaku, kuri bakuutu na bilesi; ntaangu ya kutsyaamuna babo bari mu kwetsaamuna butoto!»

Nyabusulu ya Yowane 13:16

Kyo kyasa momanso mayelemene mpisi heki, bakuutu na bilesi, bisina na bawelu, baatu bari na bunsaalisi na bankutu, babasa kidiimbu mu kooko kwa lubakala, bunu pe ha mbuunsu,

Nyabusulu ya Yowane 17:16

Mampoko kuumi ma wuri wamoono na kibulu, sa babele kiyala kya mukyeetu, sa bahosono byobinso bi kari na byo, sa bamusa kimpene, sa badya miswinyi myaandi, na sa bamuyoko ku mbaawu.

Nyabusulu ya Yowane 19:5

Mbeembu yapala mu mboloko, yaleele ti: «Siikeenu Nzaambi yeetu, beenu bobanso bisari byaandi, bakoomubvumunaa, bakuutu na bilesi.»

Nyabusulu ya Yowane 6:15

Bambyaasi ba butoto, baatu ba lukiinsu, bakuutu ba bayongolo, bisina, bangaa-mpinu, na bobanso bari bankutu, na baatu bari na bunsaalisi, basweeme kunsa miduku na kunsa matari ma milaandu.