Nyabusulu ya Yowane 19:12 - Musamu Wamubwete 2013

¹² Miisu myaandi miri bunu mule mbaawu, na ha yulu mutu waandi, haba mampu ma lutumu malaka. Nde waba na nkuumbu yatinu, yiri muutu ti mosi wahele kuyaaba, ngo wunu nde-meene wuyiyaari.

Nyabusulu ya Yowane 19:12 ပူးပေါင်းရင်းမြစ်များ

Musamu wamubwete watina Matayi 11:27

«Me Taata wampa byobinso. Kuri muutu ti mosi wuyaari Mwaana, mbuti ka Taata ko. Kuri se muutu ti mosi wuyaari Taata, mbuti ka Mwaana ko, na kuri wunde wuri Mwaana tiiri kamuyaabisa.»

Musamu wamubwete watina Matayi 21:5

«Leeleenu kuri mwaana mukyeetu wa ku Syoni ti: Mono mbyaasi yaaku yiri mu kwiisa kuri ye, wadzuuna, wanwaata ha yulu mpuunda ya mukasi, na ha yulu mwaana mpuunda, kibulu kiri na kifiki.»

Musamu wamubwete watina Matayi 28:18

Yesu bu kokosolo, waleele kuri bo ti: «Lutumu lwolunso baheeri kuri me, ku mayulu na ha butoto.

Musamu wamubwete watina Luka 10:22

Me Taata wampa byobinso. Kuri muutu ti mosi wuyaari Mwaana, mbuti ka Taata ko. Kuri se muutu ti mosi wuyaari Taata, mbuti ka Mwaana ko, na kuri wunde wuri Mwaana tiiri kamuyaabisa.»

Musamu wamubwete watina Yowane 17:11

Me nyahele bweese kuba mu nsi, ngo bo bari mu nsi, na me nyiri mu kwiisa kuri ye. Taata dyangisi, kebe bo mu mpinu dza nkuumbu yaaku, yi wuri wampa, mpisi baba mosi, bunu beetu na ye turi mosi.

Musamu wamubwete watina Yowane 17:12

Mu ntaangu yi nyabeeri na bo, me nyabee bakebaana mu nkuumbu yaaku, yi wuri wampa. Me nyabee kwebakalaana, na kuri ti mosi mu bo wadziimbiri ko, ha yulu wunu mwaana wanzimbukulu, mpisi heki Matinu meende mu mana.

Mukaanda kuri bari Efeso 1:21

Kiristo wuri ha yulu kikuutu kyokinso, lutumu lwolunso, mpinu dzodzinso, kimfumu kyokinso, na mpisi nkuumbu yibatsiitsa kutaanguna; kari munu mu ntaangu yimayi ko, ngo se na mu ntaangu yikwiisa.

Mukaanda kuri Bahebeleho 2:9

ngo kasi tumono kuri ti, Yesu, wunde wubakuriri mu mwaa-kiteesu kibvuriri buntele, ti na kya bambasi, mu ntoono mpasi dza lufwa, nde bamulwiika lukoongolo lwa nkeembu na lwa lukiinsu, mpisi heki mu bweese bwa Nzaambi, nde kabiimba lufwa mu ntoono baatu bobanso.

Nyabusulu ya Yowane 1:14

Mutu waandi na mfu dzaandi byaba byahembeke bunu myoosi mya bimeeme, bunu midiingi, na miisu myaandi bunu mule mbaawu;

Nyabusulu ya Yowane 12:3

Kidiimbu kikimi kyamonoko ku yulu: mono, maŋataŋo mamanene, mabeenge bunu mbaawu, mari na mitu nsaamu na mampoko kuumi, na mu yulu mitu myaandi, muri mampu nsaamu ma lutumu.

Nyabusulu ya Yowane 13:1

Me nyamono kibulu kitoomboko mu mubu, kyaba na mampoko kuumi na mitu nsaamu, mu yulu mampoko maandi mo kuumi, mwaba mampu kuumi ma lutumu, na ha yulu mpisi mutu waandi kwaba mankuumbu ma nsaanunu.

Nyabusulu ya Yowane 19:16

Mu kiyuungu na mu kito kyaandi mwatina nkuumbu ti: «Mbyaasi ya bambyaasi, Mfumu ya bamfumu».

Nyabusulu ya Yowane 3:12

«Kuri wunde wuluuluka, me nsa nyamusa kuunsi dya mu Nzo ya Nzaambi yaami, na kabweese kupala ko, na me nsa ntina nkuumbu ya Nzaambi yaami ha yulu nde, na nkuumbu ya bvula dya Nzaambi yaami, Yerusalemi dyamoono, disunduka mu yulu, kuri Nzaambi yaami, na nkuumbu yaami yamoono.»

Nyabusulu ya Yowane 6:2

Me nyamono kavaalu dyahembeke. Wunde waba wadzakala ha yulu dyo, waba wakwaata buta bwa nsyaari; nde bamuha lukoongolo, na wayende bunu muutu waluuluka, mu kweeluuluka.